العربية بتبدأ دوارة على آر بي إم عالي

[dr_eslam_66]

ليا عند اهل الخبرة إستفسار لو سمحتوا؟
إشتريت والحمد لله عربية تيوتا كرولا أوتوماتيك موديل 2002 1800 سي سي الحمد لله وبحالة نضيفة جدا ونادر إني حد يلاقي الحالة دي.
بس العربية بتبدأ دوارة على آر بي إم واحد مع إني أنا كنت ملاحظ غني الطبيعي بتاع أي عربية على 0.9 أو 0.8 تقريبا وعموما لما بتاخد غيار R من P أو غيار D من N ياعني أي غيار بيدي حركة من اي غيار واقف الأر بي إم بيوطى فجأة على ال 0.8 ويبدأ يعلى مع بداية الحركة في المعدل الطبيعي ودا طبعا بيدي رعشة في العربية عند نقل الغيارات.
ممكن حد يقولي السبب في إيه بالظبط؟ وأروح لمين كهربائي ولا مكانيكي أروح عند مين بالظبط وهل كدة المشكلة كبيرة ياعني ولا إيه؟ حد يطمني دي فلوسها لسة مابردتش.

[samirayad]

يرجى موافاتى بالبيانات المدرجه داخل هذا الموضوع ( كاملة )

لكى أتمكن من التفكير معك بطريقه سديده

دوس هنا

[dr_eslam_66]

المشاركة الأصلية كتبت بواسطة samirayad يرجى موافاتى بالبيانات المدرجه داخل هذا الموضوع ( كاملة ) لكى أتمكن من التفكير معك بطريقه سديده دوس هنا

من عنيا يا باشا وأنا بقى فكرت في فكرة جامدة أنا هحاول أرد على موضوعك واحدة واحدة عسى أن تنكشف الغمة ويزول العجب.
البيانات المطلوبه وقت تحليل وعرض مشكله فنيه

1- نوع السيارة تيوتا كرولا 1,8 مو 2002
2- قراءة عداد الكيلو مترات بالسياره 187000 كم

3- موقف أستهلاك الزيت بالسياره وموقف مية التبريد السيارة معايا أو مشتريها من كام يوم بس الحرارة ثابتة ثبات السنين الحمد لله مع إني أول ما خدتها ضربت مشوار بتاع 300 كم متصل رايح ورجعت في نفس اليوم.

4- موقف حالة البوجيهات ( حريقها عامل أيه ولونها عامل أيه ) وسلوك البوجيهات

وقوة شرارة البوجيهات أنا مش هعرف أحكم على الحاجات دي بنفسي أنا عايز أقولك إني ما أعرفش أصلا أشوف البوجيهات فين.

5- نوع المحرك ( كاربوراتير- هاف أنجكشن - أنجكشن كامل ) والله العظيم ما أعرف أنا عموما قولتلك العربية والموديل ولو حد يعرف يقولنا.

6- موقف أستهلاك البنزين جميل الحمد لله مش حاسس إنه عالي بالنسبة لعربيات تانية كتير نفس السي سي (زي السيفيك الي كانت معايا قبليها مو 2006 1,8 بردو)

7- موقف الفلاتر ( هواء وبنزين ) وأنا أعرف منين بس إيه الأسإلة الصعبة دي؟

8- موقف حالة فرامل السياره وهل تأكد من كون حرارة الجنوط لكل فردتين على

محور واحد متشابهه والله الي أنا ملاحظه إني فراملها مش هيّة ياعني بس لسة مافضيتشي أروح للميكانيكي أشوف إيه المشكلة زيت ناقص ولا هوا ولا إيه بالظبط مش فاهم.
9- شكل العادم الخارج من السياره ( عادى - أسود مبيض _ أسود مائل للزرقه ) لا عادي جدا.

10- موقف تغيير سير الكاتينه وخلافه من السيور ماعنديش للأسف أي تاريخ لأني أمتلك السيارة من كام يوم بس.

11- موقف أماكن الأصوات ومكانها بالتقريب ونوع الصوت أن تمكن من تشبيهه
أ,لا أنا مابشتكيش من الصوت أنا كل الي قالقني النطة الخفيفة الي بتيجي من التغيير من أي وضع على الفتيس من سكون لحركة أو العكس ياعني لو أنا على الـ(N) وغيرت للـ(D) تنط النطة دي وطبعا أنا لاحظت الآر بي إم إنها لما بتكون على الـ(N) بيكون أعلى من 1 ولما بغير للـ (D) بيوطى لل0,8 أو 0,9 ويبدأ يعلى تاني مع الحركة وهوا دا التوقيت الي بتظهر فيه الرجة في العربية.

12- آخر حاجه أتعملت فى السياره أيه ....وهل المشكله المطروحه ظهرت بعد هذا
آخر حاجة معمولة في العربية كانت فحص المرور وأنا مالاحظتش المشكلة دي قبلها خالص أنا كانت معايا العربية لمدة 24 ساعة قبل الترخيص وبعد فحص المرور والترخيص لقيت المشكلة دي وطبعا دول المرور يا عام والعربية نجحت مش هرجع أقوله إستنى دا فيه عيب إنتا إتسببت فيه يقوم يقولي طب تعلالي بقى ...

[samirayad]

عسى أن تنكشف الغمة ويزول العجب.

المشكله فى غمة اللون الأصفر فى الكتابه حاليا

عموما أنا حعمل طريقه حلوه لقراءة ردك

[samirayad]

المشاركة الأصلية كتبت بواسطة dr_eslam_66 من عنيا يا باشا وأنا بقى فكرت في فكرة جامدة أنا هحاول أرد على موضوعك واحدة واحدة عسى أن تنكشف الغمة ويزول العجب. البيانات المطلوبه وقت تحليل وعرض مشكله فنيه 1- نوع السيارة تيوتا كرولا 1,8 مو 2002 2- قراءة عداد الكيلو مترات بالسياره 187000 كم 3- موقف أستهلاك الزيت بالسياره وموقف مية التبريد السيارة معايا أو مشتريها من كام يوم بس الحرارة ثابتة ثبات السنين الحمد لله مع إني أول ما خدتها ضربت مشوار بتاع 300 كم متصل رايح ورجعت في نفس اليوم. 4- موقف حالة البوجيهات ( حريقها عامل أيه ولونها عامل أيه ) وسلوك البوجيهات وقوة شرارة البوجيهات أنا مش هعرف أحكم على الحاجات دي بنفسي أنا عايز أقولك إني ما أعرفش أصلا أشوف البوجيهات فين. 5- نوع المحرك ( كاربوراتير- هاف أنجكشن - أنجكشن كامل ) والله العظيم ما أعرف أنا عموما قولتلك العربية والموديل ولو حد يعرف يقولنا. 6- موقف أستهلاك البنزين جميل الحمد لله مش حاسس إنه عالي بالنسبة لعربيات تانية كتير نفس السي سي (زي السيفيك الي كانت معايا قبليها مو 2006 1,8 بردو) 7- موقف الفلاتر ( هواء وبنزين ) وأنا أعرف منين بس إيه الأسإلة الصعبة دي؟ 8- موقف حالة فرامل السياره وهل تأكد من كون حرارة الجنوط لكل فردتين على محور واحد متشابهه والله الي أنا ملاحظه إني فراملها مش هيّة ياعني بس لسة مافضيتشي أروح للميكانيكي أشوف إيه المشكلة زيت ناقص ولا هوا ولا إيه بالظبط مش فاهم. 9- شكل العادم الخارج من السياره ( عادى - أسود مبيض _ أسود مائل للزرقه ) لا عادي جدا. 10- موقف تغيير سير الكاتينه وخلافه من السيور ماعنديش للأسف أي تاريخ لأني أمتلك السيارة من كام يوم بس. 11- موقف أماكن الأصوات ومكانها بالتقريب ونوع الصوت أن تمكن من تشبيهه أ,لا أنا مابشتكيش من الصوت أنا كل الي قالقني النطة الخفيفة الي بتيجي من التغيير من أي وضع على الفتيس من سكون لحركة أو العكس ياعني لو أنا على الـ(N) وغيرت للـ(D) تنط النطة دي وطبعا أنا لاحظت الآر بي إم إنها لما بتكون على الـ(N) بيكون أعلى من 1 ولما بغير للـ (D) بيوطى لل0,8 أو 0,9 ويبدأ يعلى تاني مع الحركة وهوا دا التوقيت الي بتظهر فيه الرجة في العربية. 12- آخر حاجه أتعملت فى السياره أيه ....وهل المشكله المطروحه ظهرت بعد هذا آخر حاجة معمولة في العربية كانت فحص المرور وأنا مالاحظتش المشكلة دي قبلها خالص أنا كانت معايا العربية لمدة 24 ساعة قبل الترخيص وبعد فحص المرور والترخيص لقيت المشكلة دي وطبعا دول المرور يا عام والعربية نجحت مش هرجع أقوله إستنى دا فيه عيب إنتا إتسببت فيه يقوم يقولي طب تعلالي بقى ...

نعاين المشاركه

البوجيهات أنا مش هعرف أحكم على الحاجات دي بنفسي أنا عايز أقولك إني ما أعرفش أصلا أشوف البوجيهات فين.

ياراجل ياطيب

ألف باء فى شراء سياره أستعمال

1- تغيير البوجيهات

2- تغيير فلترى الهواء والبنزين

3- تغيير زيت الفتيس الأوتو هو والفلتر وضبط منسوب الزيت بالفتيس

4- تغيير مجموعة السيور كلها ( وخصوصا سير الكاتينه )

السيارة معايا أو مشتريها من كام يوم بس الحرارة ثابتة ثبات السنين الحمد لله مع إني أول ما خدتها ضربت مشوار بتاع 300 كم متصل رايح ورجعت في نفس اليوم.

وتغير كمان زيت الفرامل وتيل الفرامل

وقصة صيانه كبيره

طالما العربيه أستعمال وعامله

هذا الرقم الكبير من الكيلومترات

2- قراءة عداد الكيلو مترات بالسياره 187000 كم

أعملها سيرفيس صح

وحتبص تلاقى الغمه أنزاحت

بإذن الله