تقرير : F3 2012 أول 700 كيلو

[الاستاذ/ علاء]

الف مبروك على السيارة

لو سمحت اشرح بالتفصيل موضوع التقسيط للسيارة ......

يعنى المقدم كام و القسط كام وعلى كام سنه و التفاصيل الممله ....لاننى بفكر فى الشراء

وشكرا لك ...

[drpepo]

المشاركة الأصلية كتبت بواسطة الاستاذ/ علاء الف مبروك على السيارة لو سمحت اشرح بالتفصيل موضوع التقسيط للسيارة ...... يعنى المقدم كام و القسط كام وعلى كام سنه و التفاصيل الممله ....لاننى بفكر فى الشراء وشكرا لك ...

مساء الخير استاذى الفاضل
التقسيط باختصار انت كل ما بتدفع مقدم كبير كل ما الفايدة بتقل
احنا دفعنا 28 الف وهنقسط الباقى على سنتين بما يعادل الفين وشسوية كل شهر
طبعا عن طريق بنك عودة لاننا تعاملنا مع معرض الامل مباشرة مش عارف بقية المعارض ايه ظروفها
المهم ياباشا
في اجراءات بنكية قامت بيها الاستاذة حنان المسؤلة في معرض الامل عن المبيعات
انت بتعمل في بنك عودة شهادات على ما عتقد وبيطلبوا طبعا مفردات المرتب وصورة من عقد الشقة اعتقد وحاجات تخص بعض الملكيات وبيسالوا علييك وبيجيوا البيت يتاكدوا منن العنوان ويتصلوا بالتليفون يتاكدوا انك ادتلهم الباينات صح
كل الاجراءات دى خلصت في 48 ساعة
وروحنا البنك دفعنا المبلغ وطبعا البنك بيدفع مبلغ السيارة كامل والاقساط بتتعامل فيها بعد كدا مع البنك وبيتعمل اثناء الترخيص حظر بيع علشان مش تبيع العربية وهى عليها اقساط
وصدقنى كل الاجراءات دى خلصت زى ما قولت في 48 ساعة انت لو قررت الشراء تقدر تروح معرض الامل وتسال هناك مباشرة وهم هيفيدوك اكتر واستلام العربية على طووول يعنى مثلا خلصت اجراءات البنك يوم التلات مثلا بتروح المعرض في فنس اليوم تمضى عقد السيارة والراجل بيجبهالك تانى يوم الصبح علشان الترخيص لانهم مش يقدروا يسلموك العربية علشان موضوع حظر البيع وبصراحة كان الاستاذ عبد المنعم قايم بكل امور الرخصة وسهل علينا يوم صعب وطويل ولما خلصنا الترخيص مبروك العربية ملكك

[oceanboy425]

ربنا يباركلك فيها ويكفيك شرها

[mahmoud_ouda]

ربنا يباركلك فيها يارب وعقبال تقرير ال 100.000

[drpepo]

ربنا يخلييكم وشكرا لمحبتكم