بولو ولا كورسا ؟

[omar sameer]

بولو 95 ولا كورسا 94-95 هما حالتهم كويسة ب 30-32 ولا ايه وهل فيه حاجة تانية ف الفئة السعرية ديه ممكن اجبها بنفس الامكانيات او اعلى ، اول عربية ليا وعاوزها شبابى وكدة ، ارجو الافادة !! وشكرا مقدما

[adel.fouad]

لو بتقارن ما بين الاتنين دول يبقى بولو وأنت مغمض بس بالسعر ده تكشف عليها كويس جدًااااا

أنا في نفس ظروفك وبدور على حاجة في حدود السعر دي ومحتار جدًا لإن كل البولو اللي شفته مضروب بالنار وبفكر في الإبيزا.

[omar sameer]

المشاركة الأصلية كتبت بواسطة adel.fouad لو بتقارن ما بين الاتنين دول يبقى بولو وأنت مغمض بس بالسعر ده تكشف عليها كويس جدًااااا أنا في نفس ظروفك وبدور على حاجة في حدود السعر دي ومحتار جدًا لإن كل البولو اللي شفته مضروب بالنار وبفكر في الإبيزا.

طب هيا البولو افضل ف ايه ؟ ، وحوار السعر ده انا تقريبا شوفت كل عربية على كل المواقع البيع الالكترونى وفى بالسعر ده والصور موضحة حالة كويسة و الكلام اللى بيقولوه عن العربية انها حالتها كويسة وكل حاجة مظبوطة بالسعر ده .. الاهم بس البولو افضل ف ايه وانهى اوسع ف صالونها ؟ وشكرا مقدما

[adel.fouad]

البولو أوسع بالإضافة إن قطع غيارها أسعارها متوسطة ومعمرة جدا وأوسع وموتورها 1300 سي سي عكس الكورسات بالإضافة إن الحديث منها تقفيل غير ألماني أسباني أو برازيلي اما 95 فكانت ألماني تمامًا واقتصادية في استهلاك البنزين ومريحة جدًا لو عملتلها صيانة أول ما تجيبها مش كل شوية عند ميكانيكي لو هقارن أقارن بإبيزا مش بكورسا.

حوار المواقع مفيش حد هيبيع عربيته هيقولك إن فيها عيب بس لو تصفحت أكتر بتواريخ قديمة هتلاقي نفس العربية نازلها إعلان واتنين وتلاتة ده لإن العربية بتبقى مضروبة بالنار وحظك بقى يجيلك في واحدة حلوة أو صاحبها أمين يقولك اللي فيها بس برضك لما تروح وتعاين مش هيقول عالموقع أكيد، بالنسبة للصور والحالة فأنا ممكن أجيبلك عربية مقلوبة 8 مرات قبل كده أخلي شكل الحالة من برة ومن جوه والكبوت كمان زي العروسة بس هي في الواقع أو لما تروح ترفعها في بنزينة هتكتشف إنها فزبا متنكرة في شكل عربية