فيرنا ولا لانوس ولا BYD F3 ولا اسبرانزا A516 مستعمل

[medo saaid]

انا هتكلم عن تجربتى مع اسبرانزا 516 سيارة ممتازة بجميع المقاييس بس عاوزة عناية ولو حاجة باظت تصلحها ومتهملش فيها ولما تركبها متعرفس تركب بعدها فيرنا او لانوس

[CARDIO]

انا ركبت الانوس و الفيرنا و بحب اللانوس اكتر علشان اوسع و شكلها بيعجبنى اكتر . ميفرقوش كتير فى سواقتهم بالنسبه لى اللانوس انعم بس انا مبجريش اصلا اخرى 80 . و الاتنين قطع غيارهم مش غاليه

[خالد الجوكر]

انا اتحطيت ف نفس حيرتك ودول بردو اللى كانو قدامى بس كنت مستبعد الاسبرانزا

واخترت الفيرنا ولسه مشترش بس نويت عليها بأذن الله

الفيرنا مشفتش فيها مشاكل كتير تابعه للتوكيل تخليك كل شويه تروحلهم زى ما قريت بالنسبه للبى واى دى والايمجراند
عندك البى واى دى فيها موضوع سخونه واخترعولو حل وبعدين طلع موضوع الفتيس وبعدين اخترعولو حل مش هنفضل كل شويه تطلعلنا عيوب بقا وسامع ان 2014 فيها عيوب جديده
لا الفيرنا عيوبها معروفه ضيقه شويه وخفيفه ممكن تحل الموضوع ده بجنط وعيب واحد بتزل بيه من المصنع هوه موضوع الجنوط ده بيبقا اى كلام ومحدش بيحب يمشى بيه
مش اكتر ولا اقل انا عملت بحث عن العربيتين دول كويس اوى لاقيت ان الفيرنا مش هتوجع دماغى ف اى حاجه وقطع غيارها عند البقال واى ميكانيكى يشتغل فيها وسعر اعاده بيع ودى اللى تعيش معاك مش اقل من 5 سنين بوقها مقفول خلاصه الكلام

اتمنى اكون فدتك ده رأيى ممكن يكون لحضرتك راى تانى

[ADEL AL SHAAIRY]

الفيرنا مازالت السيارة الاولى فى مصر رضى من رضى ورفض من رفض

[tameromarw]

الموضوع قديم .. ونفس حيرتي بالظبط بين السيارات المعروضه ..ومحتاج زياده في اراء ونصائح اهل الخبرة .. أفيدونا