#1
|
|||
|
|||
افيدوني يا وحوش المنتدى؟
وانا بركب فلنشة جديدة وصلايب من شهور قليلة للشاهين كان عندي بوش بسيط في الجزء المشرشر لعمود الكردان او اللي بيبات فيه والميكانيكي قال للصنايعي حط شحم تقيل ليها .. يا ترى يا جماعة في خطورة من الموضوع ده وايه علاجه وبكام ؟
وكمان باسمع ونة كده وانا سايق بس ورا العربية وبما اني كنت مستجد في مواضيع العربيات كنت فاكر إنه صوت الهوا مع اي فتحة في الازاز .. مش عارف دي كارونة بتون واللا ايه وكنت جاي اغير زيت للكرونة لأن بقاله سنين لم يتغير .. الفني في بنزينة التعاون مسك الزيت بايده وقاللي الزيت ده كويس حرام تغيره وغيرلي بس زيت الفتيس رغم ان العربية على الاقل من 4 سنوات لم تغيره والولد لو عايز يعمل شغل كان غيره. مش عارف اغير زيت الكرونة واللا لأ ؟؟واحط زيت ايه لو لازم اغير زيت؟؟؟؟؟؟؟ والونة دي انا متعايش معاها سمعيا لكن ليها اضرار على السيارة ؟ جزاكم الله خيرا التعديل الأخير تم بواسطة nassser ; 16-05-2013 الساعة 02:00 AM |
#2
|
||||
|
||||
رد: افيدوني يا وحوش المنتدى؟
تمام
اصل الموضوع ان الميكانيكى يحط شحم سوا تقيل اوى خفيف فى مشرشر الكردان لان عامود الكردان بيتحرك حركة ترددية داخل المتلوتة او البيت بتاعة .....فاى حركة بتحتاج مادة للتزييت زى ما حط شحم كدة هانمشى بية كدة ومع وجود الوبش لغاية لما البوش يكبر ويبان اوى وساعتها ممكن نعالجة اننا نخشن المشرشر شوية او نعملة ترترة على المخرطة بس اللى بيبوظ عادة المكان بتاعة يعنى المتلوتة مش الكردان نفسة على كل الاحوال هانستنى لغاية لما الموضوع يبان اوى وساعتها بعد الفك نقدر نحكم هانغير اية لكن بنسبة كبيرة هاتكون المتلوتة الونة اللى فى الكارونا حاول تنزل الزيت بتعها وهو سخن ونحط مكانة زيت التعاون 140 واربط على صامولة البنيون لانها لو مهوية شوية بتعمل ونة فى المور
__________________
يااااااااااااا رب إرحمنا بقدرتك علينا |
#3
|
|||
|
|||
رد: افيدوني يا وحوش المنتدى؟
جزاك الله خيرا هذا ما عهدناه في سيادتكم
ولكن .. تقريبا هي المتلوتة صح .. المهم .. صمولة البنيون دي فين؟ داخل الكرونة ؟ وتقصد الميكانيكي يعملها ؟ ولو بالداخل ان خايف افتح الكرونة لترشح بعد كده ؟ معلش يا باشا .. توضيح أكثر واخير . جزاك الله خيرا |
#4
|
||||
|
||||
رد: افيدوني يا وحوش المنتدى؟
وهى دى كانت بداية نهاية الكارونة لأنك لو عملت كدا هتقرص ع البلية وهتبوظ الفارغة وهتبعد عمود البنيون عن التاج والكارونة تتكسر منك فى أقرب محطة اما بالنسبة للمتلوتة ومشرشر الكردان هتروح لكمال الخراط فى ميدان الظاهر يحلهالك عن طريق تغيير المتلوتة او المشرشرة او الإتنين سوا تحياتى لمستر أسترا حصل معايا نفس اللى حصل مع ناصر بالظبط فعشان كدا بحزره |
#5
|
|||
|
|||
رد: افيدوني يا وحوش المنتدى؟
والله يا اخ هشام انا زعلان جدا عشان موضع عربيتك وقلبي معاك ... وخبراتك لا يمكن التغاضي عنها ...
طيب اعمل ايه اغير زيت واللا برضو اسيبه؟ واحط ايه طالما انت جربت الموضوع ده : THUMBS~220: |
|
|