|
منتدى الصيانة العام أى مشكلة فنية تواجهك ضعها هنا |
|
أدوات الموضوع |
#1
|
||||
|
||||
مشكلة ريداتير الفيرنا الجزء الثانى ارجو الدخول...
السلام عليكم ورحمة الله
استكمالا لموضوع دورة التبريد الخاصة بالفيرنا عندى والريداتير خصوصا ... الموضوع القديم هنا http://www.masrmotors.com/vb/showthread.php?t=112912 شرح سريع للناس اللى مش هتقرا الموضوع القديم اول امس انا كان لدى ريداتير فكيت العمة البلاستيك اللى فوق ولما ركبناها تانى عرفت انها مش هتركب زى الاول وبرضة هتسرب مياة من جوانبها المهم كتمت المية شوية بقت ترشح منها مية فقلت اشوف لها حل انهاردة بقى كان فى مشوار ضرورى جدا اروحة بالعربية نفسها بصيت على القربة لقيتها ما بين الماكس والماين دورت ولقيت نفس الرشح بيطلع قلت امشى اخلص مشوارى بسرعة وكدة كدة الرشح دا بالكتير هيفضى ربع لتر ولا حاجة يبقى يعوضهم بالقربة رحت حوالى 15 كيلو كلهم على 110 سرعة وركنت وقلت ابص على القربة الاول وبعدها اطلع على مشوارى الاقى القربة فاضية وقربت تخلص ونزلت تحت الماين بكثييييير رحت مزود مية فى القربة والعربية واقفة يعنى مش دايرة ...... هل دا غلط هل كدة يحصل حاجة لوش السلندر يفقع مثلا رحت مشوارى ورجعت على البيت حوالى 15 كيلو برضة وركنت وقلت بس ابص على القربة تانى الاقى القربة فاضية دورت على تسريب كبير يعوض الفارق دا ملقتش غير الرشح الموجود حوالين العمة ودا مستحيل يكون بالكمية دى خراطيم تمام لسة مغيرهم من شهريين والقربة مش مخرومة او مشروخة رحت مبطل العربية وزودت مية من القربة الحوار دا اخد حوالى لتر مية الغريب انى فكيت الغطا بتاع الريداتير والعربية مولعة نااااااار بحذر طبعا بس لقيت انى مفيش مية فارت ولا كانى شلت غطا اصلا والمية مش باينة من فتحة الغطا فدا يكون اية يعنى هل الرشح دا يسبب كل دا وانا متاكد انى الريداتير مش مخروم والوصلت سليمة والقربة سليمة بس اللى لاحظتة انى مكان الرشح عند العمة بيكون فى تنفيس ممكن يطلع منة مية وترشح او يطلع منة هوا لو المية قليلة فى الريداتير افيدونى افادكم الله |
#2
|
||||
|
||||
رد: مشكلة ريداتير الفيرنا الجزء الثانى ارجو الدخول...
السلام عليكم
اكشف على جوان وش السلندر ممكن يكون العيب فيه والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#3
|
||||
|
||||
رد: مشكلة ريداتير الفيرنا الجزء الثانى ارجو الدخول...
طيب الكشف لازم متخصص ولا ممكن ابص على اى حاجة ممكن تكون علامة على سلامة او عدم سلامة الجوان بالعين كدة
|
#4
|
||||
|
||||
رد: مشكلة ريداتير الفيرنا الجزء الثانى ارجو الدخول...
السلام عليكم
شوف لون الزيت عندك عادي ولا زي الطحينه وهل في القربه او غطاء القربه اثر لزيت او غطاء الريداتير ممكن تدور العربيه وخلي حد فاتح الريداتير وينظر الى الماء عند الدواره هل في ضغط للماء الى اعلى وايضا لو فكيت الأربع بوجيهات وادرة المحرك ستجد ماء يخرج من مكان البوجيهات ولا لأ والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#5
|
||||
|
||||
رد: مشكلة ريداتير الفيرنا الجزء الثانى ارجو الدخول...
حضرتك انسان محترم جدا وصبور عليا جدا فى مواضيعى بارك الله فيك وارزقك خيرا اكثر مما تتمنى ان شاء الله هشوف الموضوع الوقتى وابص على الكلام دا كلة وللعلم انا عندى خبرة فى العربيات لا باس بها على اد ما تعلمت من الاخوة والتجارب الشخصية معلش بقية السؤال هل فى ضرر انى حطيت مية وزودت فى القربة فقط بس كانت العربية سخنة وكنت مبطلها فزودت القربة بدون ما اجى جمب الريداتير خالص وبعدها دورت العربية |
|
|