اتمنى الافاده ستيب واى 2013 أم صنى 2013 ؟؟؟؟

[m.ezzat]

السلام عليكم ورحمة الله وبركاته

اخوكم عضو جديد معاكم ودى اول مشاركه لى ...وأحب ارحب بكل الاعضاء الكرام اللى دوما بيفيدونا بكل جديد فى عالم السيارات بمصر ( وفقككم الله)

اخوانى انا محتار بين عربيتين فى السوق حاليا لانهم متقاربين فى الفئه السعريه ولكن كل واحده فيهم ليها مميزات وعيوب عن التانيه ...

العربيتين هما :
(1)رينو سانديرو ستيب واى 2013 ودى عجبانى لانى بحب شكل الهاتشباك وهى فى نفس الوقت اللى جربوها بيقولوا انها واسعه ومريحه من الداخل يعنى مساحه متقاربه مع السيدان من الداخل ... وفيها وسائل امان حلوه ايير باك للسائق وفرامل abs ومرتفعه كمان عن الارض وعفشه مريحه وموتور جيد لحجم السياره ... وبتنزل موديل واحد بجنوط اسبور ومعها كمان حامل امتعه ع السقف نيكل بيدى شكل حلو للسياره من الخارج ..عيبها بالنسبه للى انها داخليا فقيره جدا طبعا كماليات زيرو.

(2) نيسان صنى الشكل الجديد 2013 شكلها مش وحش لسيدان متوسطة الحجم وعائليه اكتر ..وشنطتها اكيد اكبر من الستيب واى ...بس الملحوظه ان سعر الفئه اللى متقاربه منها مع الستيب واى 97000 انا معرفش عنه اى تجهيزات خالص غير انها اتوماتيك وفاضيه... فياريت تفيدونها بتجهيزات الفئه دى منها ايه بالظبط؟؟؟ .. عشان اقدر اقارن كويس بالرغم انى واثق انها هتكون خاليه من وسائل الامان اللى بالستيب واى والفرق بس انها هتكون اتوماتيك ... والله واعلم

انا كده خلصت وطولت عليكم معلش ... وننتظر الافاده من الساده الكرام

[Islam Samir]

اللى انا اعرفه ان الصنى الشكل الجديد مش نازل منها غير 3 فئات
الاولى مانيوال وهى دى اللى ب 102 الف وممكن تكون غليت عن كده
و التانية اوتو ودى ب 107 و اكيد غليت عن كده
و اخيرا السوبر صالون و دى ب 117 و اكيد غليت عن كده
تجهيز اساسى فى ال 3 فئات ... ايرباج للسائق و الراكب - ABS - EBD
و لو حضرتك قصدك على الشكل القديم (هى اللى ب 97 من التوكيل) برده فيها كل التجهيزات اللى فاتت

[محمدالسيدعبدالله]

نيسان صني احسن

[eng/walaaeldeen]

السلام عليكم
اعتقد ان النيسان افضل
والله اعلى واعلم
والله المستعان