سال وهتلاقى المتخصص الى هيجاوبك عن سوالك فى بيجــو

[hisam2010]

المشاركة الأصلية كتبت بواسطة phan السلام عليكم ورحمة الله وبركاته لو سمحت يابشمهندس معلش احنا تعبين حضرتك معنا بس كنت طالب من حضرتك معرفة مدى زيادة او تقليل كهربة الاسبيرتير وكذلك هواء الكربيرتير على معدل استهلاك البنزين فى بيجو 405 ولماذا يرتفع معدل الاستلاك من وقت لاخر وشكراااااااااا لاهتمامكم بالرد على الاعضاء

وعليكم السلام ورحمة الله وبركاته....
طبعا العامل الأكبر فى معدل إستهلاك البنزين الكابرتير وبالتحديد بيكات الكاربرتير لازم تروح تظبط الكاربتير وتغير البوجيهات لو مهببه

[hisam2010]

المشاركة الأصلية كتبت بواسطة mahmoudeino السلام عليكم استاذ هيثم ان شاء الله عاوزاجيب عربيه بيجو 305 تكون تمام تنصحني بموديل كام؟ وسعرها ف حدود قد اي؟ جزاك الله خيرا

وعيلكم السلام....
موديل 84 فيما فووق بيسموها الطيارة
وبيركب عليها فتيس وموتور الـــ 405
اما الموديل تحت 85 حلو بس موتور بقى شاحح قوى وقطع غياره شاحة وغاليه علشان كدة هتلاقيها رخيصة جدا

[hisam2010]

المشاركة الأصلية كتبت بواسطة M.A.Doma السلام عليكم مهندس هيثم كنت حابب استفسر من حضرتك او بمعنى اصح تنصحني بخصوص اني مقبل على شراء سيارة وقدامي خيارين اتنين بس Peugeot 508 allure - 115,000 BMW 316i Luxury - 120,000 طبعا الاسعار دية بالريال وهنزلها مصر ان شاء الله وكنت حابب تنصحني بخصوص الاعتمادية الاكتر وفي حوار البنزين وقطع الغيار والتصليح طبعا في مصر والف الف شكر ليك

وعليكم السلام
يمكن من أصعب الأسئلة ان الواحد يقارن بين ماركتين عربية وخصوصاً لما يكون بين الأسد الفرنسى والوحش الألمانى...
ملخص المقارنة وبمنتهى الحيادية انا حالفنى الحط أتعامل مع مراكز خدمة معتمدة وغير معتمدة لبى ام دابيلو واتعاملت مع التوكيل الرئيسى ، الأفضلية لـــ 508
من حيث الأتى :
1- ثمن قطع الغيار لا يقاااااارن ب 316 على الإطلاق حيث ان ال 508 ارخص ......
مثال ( قطع غيار أصلية 100%) :-
فلتر هواء بــ 77
فلتر بنزين 47
بوجيهات ب 300
فلتر زيت 45.5
اما ال316 مش هقولك هسيب تسأل وتتخض براحتك

2- توافر قطع الغيار لل 508 بشكل جيد جداً (عدا بعض أجزاء الBODY)
3- التوكيل نفسه بافاريا بالحجز وتاخذ معاد بعد فترة كبيرة ومفيش غير فى القطامية او أبو رواش
اما بيجو بالحجز بردو بس مراكز الخدمة فى كل حتة(17 مركز خدمة فى القاهرة والجيزة والأسكندرية ) وعلى مستوى متقارب من الكفاءة
4- بالنسبة للمحرك يكفى إن المحرك ل 508 انتاج شركة bmw لبيجو والفتيس لا يوجد بها أى مشاكل
5- وبالنسبة لأفضلية الشكل تختلف من شخص الى أخر
6- وفى النهاية سعر السيارة نفسه لل 508 أرخص بحوالى 50 الف ج.م

[drshata]

الحمد لله اشتريت بيجو 307 موديل 2007 بس فتح السقف والتكييف مش شغلين فهل لهم علاقة ببعض وايه ممكن تكون المشكلة اللي اشتريت منه بيقول فيوز فلو صح اروح لمين يعمله
وشكرا مقدما

[hisam2010]

المشاركة الأصلية كتبت بواسطة drshata الحمد لله اشتريت بيجو 307 موديل 2007 بس فتح السقف والتكييف مش شغلين فهل لهم علاقة ببعض وايه ممكن تكون المشكلة اللي اشتريت منه بيقول فيوز فلو صح اروح لمين يعمله وشكرا مقدما

الف مبرووك وربنا يبارك لك فيها......
بالنسبة لفتحة السقف ممكن يكون الفيوز بتاع الموتور ضارب او الموتور نفسه بايظ او هو شايلفيشة الموتور علشان فرش السقف بايظ...
بالنسبة للتكييف فده لازم اشوف العربية لأن أكثر من عيب وتشرفنا فى مركز الهرم