سال وهتلاقى المتخصص الى هيجاوبك عن سوالك فى بيجــو

[hisam2010]

المشاركة الأصلية كتبت بواسطة emadabd السلام عليكم من فضل حضرتك عاوز اعرف ثمن ريموت المفتاح للبيجو 307 موديل 2007 في حدود كام و متوفر ام لا مع العلم المفتاح الثاني موجود وكذالك الكارت اللي عليه الكود وشكرا

وعليكم السلام....
مفتاح ال 307 متوفر طبعا ...
لو بالريموت بحوالى 985 جنية مصرى
لو عادة حوالى 375 جنيه

[hisam2010]

المشاركة الأصلية كتبت بواسطة هيثم سامي سليم لو سمحت يابشمهندس العربية بيجو 405 موديل عام 2009 هي عربية ايراني ولا فرنسي ولا فرنسي تجميع ايراني العربية مشتراه من توكيل وجيه أباظة والفاتورة مع صاحب العربية رأي حضرتك ايه

السيارة بيجو الفن اخر موديل ليها فى مصر سنة 2005
اما 405 موديل 2007 فهى اسمها ROA إيرانى الصنع وهى سيارة زى الزفت واحسن شوية.
اما 405 موديل 2009 فهى اسمها PARS ايرانى بس افضل شوية من ال roa لكن بردو سيئة

[aamke]

السلام عليكم و رحمة الله و بركاته ، شكر خاص للمهندس هيثم المحترم على المجهود الرائع و الصبر على كل الناس و الأسئلة و الاستفسارات ، و جعله الله في ميزان حسناتك إن شاء الله .
عندي استفسار لعلى أجد عندك جواب شاف إن شاء الله .
عندي بيجو 405 م 2003 كربراتير عادي لسة شاريها من خمسة شهور تقريبا ، البوجيهات لسة مغيرها من شهر و نصف تقريبا لأن السيارة اثناء السفر قطعت مني جامد ، و غيرت فلتر الهواء بالكامل و فلتر البنزين و غيرت البوجيهات ، و مشيت السيارة كويس ، و لكن بعد الشهر تقريبا من كام يوم رجعت تنتش تاني ، ففكيت البوجيهات لقيتها كلها مهببة .
ياترى ده ضبط مسمار هواء الكربراتير و لا تحتاج أكس و باب .
و أيا كان الشغل المطلوب لو أعمله عندكم في المركز يتكلف كاف من فضلك .

[hisam2010]

المشاركة الأصلية كتبت بواسطة aamke السلام عليكم و رحمة الله و بركاته ، شكر خاص للمهندس هيثم المحترم على المجهود الرائع و الصبر على كل الناس و الأسئلة و الاستفسارات ، و جعله الله في ميزان حسناتك إن شاء الله . عندي استفسار لعلى أجد عندك جواب شاف إن شاء الله . عندي بيجو 405 م 2003 كربراتير عادي لسة شاريها من خمسة شهور تقريبا ، البوجيهات لسة مغيرها من شهر و نصف تقريبا لأن السيارة اثناء السفر قطعت مني جامد ، و غيرت فلتر الهواء بالكامل و فلتر البنزين و غيرت البوجيهات ، و مشيت السيارة كويس ، و لكن بعد الشهر تقريبا من كام يوم رجعت تنتش تاني ، ففكيت البوجيهات لقيتها كلها مهببة . ياترى ده ضبط مسمار هواء الكربراتير و لا تحتاج أكس و باب . و أيا كان الشغل المطلوب لو أعمله عندكم في المركز يتكلف كاف من فضلك .

وعليكم السلام ورحمة الله وبركاته........
أشكرك على المقدمة الطيبة وربنا يتقبل اللهم آمين...........
بالنسبة انك تغير بوجيهات والعربية تظبط وبعد شوية ترجع تانى تنتش اذن فى حاجة بتبوظ البوجيهات وهى الكاربرتير.... ودة لو هتعملو صيانة او ما شابة مش هتقل التكلفة فى التوكيل عندنا عن 200 جنية مصرى قابلة للزيادة على جسب قطع الغيار

[عطية فيكتور]

انا عندى بيجو 405 و بافكر اجيب واحدة 301 فعاوز اعرف حاجة مهمة عنها...
انا موش هاسأل عن الموتور او الفتيس لان كل شركة ليها نقطة قوة فى البيجو هى العفشة...
من ال504 لحداية ال407.

يعنى انا عندى فى ال405 لو العربية فاضية او محملة فى مطبات الهوا فى الطريق العربية استحالة ترد المطب , بعكس الكورى.
بس انا لاحظت ان ال301 و هى ماشية قدامى على الطريق فى مطبات الهوا بتطلع و تنزل كذا مرة لحد ماتثبت (زى الكورى)....
يا ريت تكون فهمتنى.