سال وهتلاقى المتخصص الى هيجاوبك عن سوالك فى بيجــو

[dracuola]

يا اوستاااااااذ هاااايثمممممممممممممم
سلام عليكم

انا بفكر جدياً في اني اشتري سيارة من الاتنين دوول بس مش فاهم الفارق بينهم ايه بالتحديد

السيارة بيجو 2008 موديل 2014 العادية ولا البانوراما ،،،
انا فاهم ان واحدة فيهم السقف بانوراما والتانية فتحة سقف عادية
بس معقول الفارق دا بس يفرق في سعر العربية 20 الف جنيه تقريبا ( وفقا لأسعار موقع كونتاكت كارز ) ؟؟؟
أتمني اعرف الفروق اللي بين الموديلين ،،
وكمان السعر الحالي للموديلين في التوكيل سعرهم كامل بالظبط ؟
وهل السيارة دي عملية ولا تنصحني بسيارة اخري ( بيجو ) برضو وهل فيها عيوب او مشاكل واضحة ؟

في انتظار الرد السريع بالله عليك

شكرا جزيلا

[matrixegy]

السلامة عليكم
اولاً شكر خاص للباشمهندس هيثم على سعة صدرة على اجابات جميع اعضاء المنتدى بخصوص استفسارتهم
ارجو منك يا اخى ان تفدنى لانى على وشك شراء سيارة بيجو 207 موديل 2008
بالنسبة لقطع الغيارواسعارها عالية التكاليف ام معقولة واماكن الصيانة وهل يوجد بها عيوب فى الفيتيس مثل 307 ارجو منك الافادة يا اخى وكل عام وانت واهل بيتك بخير

[midohadji]

موضوع رائع " انا معايا ستروين سي 3 وعاوز اغير زيت فتيس المانيوال ممكن تقولي اجيب زيت ايه ومنين وحجم قد ايه (كام لتر) ومكان الطبة عشان رحت لميكانيكي مش لاقيها "

[phan]

السلام عليكم و كل عام وانتم بخير
لو سمحت يابشمهندس انا عربيتى 405 موديل 90 فرنساوى كانت بتجيب 120ك/س عند 3000 لفة على ال rbm عملت عمرة غيرت طقم صباب وشمبر وجوان سلندر وطقمين سبيكة استندر كله فرنساوى اصلى وديسك واسطوانة وبيلة دبرياج ULK المانى وطقم شميس اتعمل فى المخرطة العربية صوتها نعم جدا
بس المشكلة انها اصبحت 110ك/س عند 3000 لف ممكن اعرف السبب ايه
واسف جدا على الاطالة
وشكرا وكل سنة وخضرتك طيب

[Mohamedbherey]

المشاركة الأصلية كتبت بواسطة hisam2010 هذا الموضوع يحكمه العديد من العوامل المختلفة وبالتالى لا يمكن الحكم شفاهة سواء بالنسبة لحالة أستاذ محمد او الأنسة هدير نرجو زيارتنا لمعاينة السيارة وتحديد العيب بدقة وذلك مجاملة دون قيمة

الحمد لله المشكله طلعت فى فلتر البنزين متغيرشى بقاله فتره كبيره , وربنا يسامحه الميكانيكى الى روحتله قالى الموديل ده مالوش فلتر بنزبن وانه بيتغير مع طلمبه الينزين , لكن العربيه وقفت بيا اول امبارح خالص و قطرتها لميكانيكى تانى وكانت مطلعه عطل على الكمبيوتر Polution وطلع الفلتر وغيره وبقت العربيه حاجه تانيه بفضل الله , شكرا لسعه صدركم ومساعدتكم واثابكم الله على نيتكم فى قضائ حوائج الناس