|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
 |
|
|
أدوات الموضوع |
|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
|
|
أدوات الموضوع |
|
#1
15-09-2009, 12:24 AM
|
|||
|
|||
|
مناقشة بين تصليح السيارات في مراكز الخدمة و الورش
السلام عليكم و رحمة الله و بركاته
في موضوع مهم حبيت يكون فيه مجال للمناقشة تصليح السيارات في مراكز الخدمة و لا الورش ؟ أكيد في مننا كتير لما جاب عربية حاول يروح مركز الخدمة و لقى اللي بيقوله : ليه بس دول غاليين و هتدفع ضعف ثمن قطعة الغيار و لقى طرف تاني بيقوله : و ايه المشكلة إنهم غاليين بس هتاخد خدمة قصاد اللي دفعته و لما نسأل اللي جربوا يصلحوا عربياتهم في الورش نلاقيهم مختلفين في طبيعة تجربتهم يعني منهم اللي يقول : و الله تمام و مدفعتش غير حاجات بسيطة و الباقي بيقول : يا ساتر ده البعد عنهم غنيمة ده انا حبيت أصلح التكييف لقيتهم بوظلولي الكاسيت ... الخ لذلك حبيت يكون في مناقشة في الموضوع ده علشان نقدر نلاقي طريقة تخدم العربية و صاحبها في نفس الوقت و مايكونش تصليح شيء على حساب خسارة شيء تاني 
|
|
#2
15-09-2009, 05:15 AM
|
|||
|
|||
رد: مناقشة بين تصليح السيارات في مراكز الخدمة و الورش
موضوع جميل صراحة
وياريت اللى خبرته كبيرة فى الموضوع دا يفيدنا
|
|
#3
15-09-2009, 11:48 AM
|
||||
|
||||
|
رد: مناقشة بين تصليح السيارات في مراكز الخدمة و الورش
انا عن نفسى رحت مركز الخدمة مرة واحدة و طبعا اتضحك عليا رسمى تغيير زيوت و فلاتر ب 60 دينار بما يوازى 1200 جنيه
 مع نها بتتعمل برة بربع المبلغ ده و كنت عاوز اغير تيل فرامل كمان فى التوكيل قالولى 80 دينار يعنى 1600 جنيه و رحت اشتريتهم و غيرتهم برة و كلفونى حوالى 600 جنيه بالمصنعية يعنى بصراحة سرقة رسمى.... فى الحاجات العادية و الاستهلاكية يبقى برة طبعا اما لو فيه مشكلة فى العربية مش عادية او حسيت ان الناس بتفتى فيها يبقى التوكيل احسن ... و عموما اللى بيتعامل مع ميكانيكى و مرتاح معاه ماعتقدش انه بيروح التوكيل خالص
__________________
 ......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
|
#4
15-09-2009, 05:26 PM
|
||||
|
||||
|
رد: مناقشة بين تصليح السيارات في مراكز الخدمة و الورش
http://www.masrmotors.com/vb/showthread.php?t=8825
ده موضوع متشابه مع موضوعك و الفكرة طبعا جيدة عايز أعرف رأيكم فى موضوع مش عارف أوصفه الحقيقة عميل أشترى عربية موديل 2007 مثلا و حجز معاد صيانة و رفعت العربية ولاقيت إن العربية عاملة حادثة و مركبة حاجات غير أصلى المشكلة مش فى قطع الغيار الغير أصلى المشكلة الحقيقية فى ركبة شاسيه أو أرضية أو شاسيه أو صدر و عشان أغير قاعدة مقطوعة مثلا ممكن أفك القديمة ألاقى القاعدة الجديدة مش هتركب غير لما الشاسيه يتظبط أعمل اية كمهندس صيانة انا طبعا بعذر العميل لكن بعتذر عن الإصلاح عشان هكلفه و غالبا مش هيلاقى النتيجة اللى متوقعها أذكر عربية العميل كان عايز يغير كاتينة و عشان أغير الكاتينة لازم أفك قاعدة علوية عند المحرك و للأسف الشاسيه مش كان مظبوط أعتذرت عن تغيير الكاتينة أنصح العملاء ان الإصلاح يكون فى مراكز الخدمة المعتمدة لأن التوكيل مش هيلم شغل الورش
__________________
شارك دافع عن أفكارك
|
|
#5
15-09-2009, 06:26 PM
|
||||
|
||||
|
رد: مناقشة بين تصليح السيارات في مراكز الخدمة و الورش
اهلا بيكى فى مصر موتورز واسمحيلى احييكى على البدايه القوية والموضوعات الهامة والمتميزة فى الطرح
مبدئياً نصنف مراكز الخدمة : 1- مراكز خدمة التوكيل 2- ومراكز خدمة معتمدة 3 -ومراكز خدمة غير معتمدة 4- وورش اصلاح متخصصة وعامة بالنسبة لاسعار قطع الغيار كل ما كانت من مصدرها الاساسى (التوكيل) لازم تبقى اغلى علشان الموزعين يعرفو يبيعو وده فى اى نظام تجارى مش بس العربيات فيه اسعار قطع غيار بتبقى بره التوكيل تماما لانها مش اصلية اساسا وان كانت ساعات بتبقى اقتصادية وكفاية بس فى نفس الوقت فيه حاجات مهم تاخودها من التوكيل علشان تضمنها وتضمن تركيبها فعليا انا مثلا لو محتاج بوجيهات تيل فوانيس صاج هجيبة من بره لكن لو محتاج موتور فتيس كنترولر هجيبة من التوكيل وتعدد الخيارات شىء كويس بس المشكلة ان فى عربيات مبيبقاش فيه غير خيار التوكيل وبس وطبعا هنا بتبقى المعاناه بكل اشكالها من ناحية اسعار الصيانة غالبا مراكز الخدمة التابعة للتوكيل او المعتمدة او حتى غير المعتمدة طالما ماشية باسس هندسية وتجارية يبقى عندهم flat rate او نظام لتسعير المصنعيات قائم على سعر للساعة الواحدة فمثلا الفلات ريت بيقول الساعة بعشرين جنية وتغيير التيل يتاخد نص ساعة وتغيير موتور بياخد عشر ساعات وهكذا بتتحدد سعر كل عملية ميزة التوكيل ومراكز الخدمة المعتمدة ان ليها سياسة تسعير واحدة فى الغالب وبديك ضمان على شغلها لكن طبعا تكاليف ادارة التوكيل ومراكز الخدمة الكبيرة مش زى تكاليف ورشة او مركز خدمة غير معتمد وبالتالى بتلاقى فروق كبيرة فى الاسعار احياينا وخاصة ان الورش والمراكز المعتمدة بيسعرو بمرونة اكبر وبرضو مش كل عمليات الصيانة اللى اروح فيها للتوكيل فمثلا لو هغير وش سلندر ممكن فى التوكيل او مركز خدمة معتمد اما لو هغير تيل ولا طقم بوجيهات ممكن فى ورشة عادية وبرضو فيه عربيات لو هتغير فيها تيل حتى لازم فى التوكيل وهنا المعناه احتمالات الخداع والتحايل وارده فى كل الانماط لكن فى التوكيلات ومراكز الخدمة المعتمدة سهل تثبت حقك بفواتير ومقايسات سمعة التوكيل ومركز الخدمة وخبراته وتخصصة عامل جوهرى بيفرق بين توكيل وتانى ومركز خدمة والتانى وممكن يرفع من قيمة مركز مش معتمد عن توكيل بحالة اعداد مركز الخدمة او التوكيل ونوعية الاجهزة عامل مهم المتابعة وخدمة العملاء عامل مهم علشان كده مينفعش نلغى مراكز الخدمة او الورش الاتنين مكملين لبعض والفروق بينهم كبيره وهامة بس المهم المستهلك يعرف امتى يلجاء لمين والاهم ان العربية تسمح بتعدد الخيارت اساسا ومتقيدش مالكها بالتعامل مع التوكيل فقط
|
|
|
|
