|
|||||||
| رينو RENAULT RENAULT شريك اساسى مع نيسان اليابانية وتحتل المركز الرابع عالمياً تحت قيادة كارلوس غصن اشهر الموديلات سينيك كليو ميجان |
 |
|
|
أدوات الموضوع |
|
|||||||
| رينو RENAULT RENAULT شريك اساسى مع نيسان اليابانية وتحتل المركز الرابع عالمياً تحت قيادة كارلوس غصن اشهر الموديلات سينيك كليو ميجان |
|
|
|
أدوات الموضوع |
|
#1
13-02-2014, 03:17 PM
|
|||
|
|||
تجربتى وطارق ميكانيكى رينو الهرم
طارق ميكانيكى رينو ... كان شغال فى التوكيل ... أمانة ... شطارة . .. فاهم جدا ....هذا ما قرأته عن طارق على صفحات إحدى منتديات السيارات
أول مرة ذهبت إليه بسيارتى رينو ميجان .. كانت تخلط مياه بسيط على الزيت فذهب ظنى إلى وش السلندر ولكن بعد ما راجعت بعض أعضاء المنتدى وكلمت طارق تليفونيا أجمعوا أنه غالبا كولنت المياه ذهبت إلى طارق فى الهرم قام أخوه بالكشف على السيارة وقال إن الكولنت سليم .. قلت له ولكن هناك خلط زيت بمياه التبريد وإن كان بسيط أتى طارق وقام بفك الكولنت واكتشف أن الجوان فقط هو التالف قام بالتغيير سعر الجوان عند طارق 100 جنيه ... سعره برا 45 جنيه وأجر التركيب 50 جنيه قلت له مش هتكرمنى ؟ قال لى دى مفيهاش خالص وكان عندى ترس ديفيزر تالف وأريد تغيير طقم الكاتينة معه قال لى سعر الترس 1250 قلتله غالى جدا ... قال أنا بشتريه من التوكيل .....وسألته عن مصنعية تغيير الكاتينة .. قال 200 جنيه .. قلت له ليا أنا ب150 جنيه وهى برا عند أى حد ب 150 قال ماشى بس لما تيجى تغيره ... وقال لى ان مصنعية تغيير الكاتينة والديفيزر والطرمبة نفس السعر قلت له أشتريه من الخارج أشتريته هو وفلتر زيت ب 1100 جنيه وبعدها بفترة أكثر من شهر تقريبا عدت له مرة أخرى من أجل تغيير الكاتينة قام الصنايعى باسم بفك السيارة من أجل التغيير وقال السيارة تحتاج طلمبة مياه ... وسعرها فاليو أصلى عند طارق 350 قلت له غالية دى برا سعرها يتراوح 250 ل 300 جنيه .. غضب جدا وقال بصوت عال استحالة دى أكيد مش أصلية قلت له خلاص أروح أجيب قطع الغيار من برا ذهبت مواصلات من الهرم إلى عين شمس وهو مشوار رخم جدا وقمت بالاتصال به من عند محل قطع الغيار ... وقال لى سنحتاج جوان ترس ديفيزر وسعره عند طارق275 ... وأنا اشتريته ب 175 ...نوعه corteco وجوان الكامة عنده ب 100 اشتريته ب 50 وطبتين مش أصليين عنده ب 100 اشتريتهم ب 60 للعلم الطبتين يمكن تركيبهم مرة أخرى ولا داعى لشراء جديد واشتريت الطلمبة ب 275 والتيل الريمسا عند طارق ب 250 أمامى ... وفى كل مكان لا يتعدى ال 190 جنيه واشتريت أنا الفاليو أمامى ب 250 والخلفى ب 120 قال لى عنده مجموعة السيور الأصلية ب 650 ورأيتها عند المحل ب 650 قلت له فى التليفون طالما عندك نفس السعر أشتريهم من عندك قال لى لا هات كل حاجتك من هناك بالمرة .. قلت له لا أنت أولى طالما عندك الأصلى بتاع التوكيل رجعت له بعد المغرب وباسم مسك جوان الديفيزر فى أيده وقال دا مش أصلى وأخذنى طارق داخل المحل وورانى الجوان الأصلى اللى بيبقى جاى فى علبة رينو ... ويأتى معه مسمار وطبة لترس الديفيزور طبعا الجوان اللى أنا جبته أصلى من صناعة شركة corteco وهى التى تصنع هذا الجوان لشركة رينو ولكن الفرق ان الآخر يأتى بالعلبة ومع المسمار والطبة والفرق 100 جنيه ! وأنا أصلا اشتريت ترس جديد بمسماره بطبته قال لى أيضا ان طرمبة المياه التى اشتريتها تقليد قلت له نفس العلبة ونفس البار كود ! قال العلبة الكابتن بيضربها يا باشا برغم إن نفس الطرمبة برضه ! ولذلك لم يخرجها من علبتها ولم أريده أن يخرجها كى لا أحرجه لأنى أثق فى الرجل الذى أشترى منه قطع الغيار وبعد كل هذا العناء والتعب فى المواصلات...وصلت الحمد لله ... وأخو الأستاذ طارق سألنى عن الأسعار وجاوبته وقلت له تفضل الفاتورة قال لا متلزمنيش ... وقال لى مجبتش ليه سير الكاتينة بالمرة ؟ قلت له الأستاذ طارق قال إن عنده الأصلى وبنفس السعر ... قال لا كنت جبته من برا ! .. إذ بباسم يأتى بطقم غير طقم التوكيل ... سعره حوالى 500 جنيه ... هنا صدمت بصراحة ... وقلت له دا مش بتاع التوكيل ... دا مش أصلى .. قال لى يبقى منركبوش وهات الأصلى ... قلت لا ركبه وأمرى لله وتحدثت مع طارق وقال لى دا طقم ألمانى أحسن من اللى بيجى فيها ... وقال انت متعرفش ان البلية بتاع طقم التوكيل صينى للعلم يا أصدقاء بلية الشد الأصلية نوعها جيتز مصنوعة فى الصين فعلا وبلية الدليل نوعها كورام ومصنوعة فى إيطاليا ونفس الطقم الأصلى من غير علبة التوكيل ممكن تشتريه بسعر أرخص عند نفس المحل ! (الطقم الأصلى بعلبة التوكيل خارج التوكيل ب 650 جنيه ) بصراحة صمتت لأنى لو طولت معاه هيقول لى مجبتش ليه حاجتك بالمرة من برا ! ولكن أيضا هو قال ان عنده طقم التوكيل بدليل كل قطعة أتيت بها يحاول أن يرينى الأصلية بعلبة التوكيل إلا هذا الطقم ! وأتى وقت الحساب قال لى 250 جنيه ! بعد أن كان اتفاقنا على 150 جنيه ....قال أصل غيرت ترس ديفيزر وطرمبة مياه ..قلت له اتفقنا أيضا ان كلهم مصنعية واحدة وأين اتفاقنا .. قال لأ يا باشا أنا نزلت معاك 50 جنيه المرة اللى فاتت وهذا لم يحدث !! ... المهم تفاوضت معه إلى أن وصلت ل 200 جنيه بجانب 650 سعر الطقم اللى هو أصلا برا ب 500 أريد أن أنوه أن طارق قال لى انه مبيكسبش فى قطع الغيار حاجة أنت بس بتدفع تمن المواصلات 10 أو 15 جنيه بالكثير قوى مثل ما قال ولم أرضى بتغيير تيل الفرامل عنده ومشيت وما اكتشفته اليوم أن الطقم الذى باعه لى طارق يأتى معه 2 طبة وكل دا بال 500 جنيه ... طارق باعوا لى ب 650 بدون الطبتين ويبيع الطبتين منفردتين ب 100 جنيه هذه المعلومة لم أتوصل إليها فقط من محل قطع الغيار الذى اشتريت منه بل من خلال بحثى على الإنترنت على موقع الشركة المصنعة للطقم إسمه Ruville ورقمه التعريفى 5551970 هذا حق له ؟ شئ آخر نسيته عندما ذكرت لكم ما قاله باسم لى أن جوان الديفيزر غير أصلى وجدت أكثر من علبة ماركة corteco ملقاه على الأرض أمام الورشة ! لكل شخص رأيه ... وأنا أرى أن طارق ميكانيكى رينو عادى جدا ...ولم أرى عنده ما يزيد عن غيره من ميكانيكية فى صقر قريش بل رأيت أسعار هلامية ولن أتعامل معه مرة أخرى بإذن الله وهذا انطباعى الشخصى 
|
|
#2
13-02-2014, 03:31 PM
|
||||
|
||||
رد: تجربتى وطارق ميكانيكى رينو الهرم
ربنا يعوض عليك --- الزمن اللي احنا فيه صعب جدا
__________________
............  الله العظيم أعلي وأعلم اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك لا نفع للمال اذا كانت النفس فقيرة ولا ضرر من الفقر اذا كانت النفس غنية Its easy taking it apart. But getting it back together is another story .
|
|
#3
18-02-2014, 10:31 PM
|
|||
|
|||
|
رد: تجربتى وطارق ميكانيكى رينو الهرم
قرارك صح واعتبرها تجربة
|
|
#4
23-03-2014, 05:16 PM
|
|||
|
|||
|
رد: تجربتى وطارق ميكانيكى رينو الهرم
ممكن اعرف حضرتك بتتعامل مع مين فى شراء قطع الغيار والاصلاح ولية حضرتك ما جبتش الحاجة من التوفقيقة لاني بسمع ان هناك ارخص حاجة
وعذرا لاني لسة جايب ميجان مستعملة وشكرا على الافادة
|
|
#5
23-03-2014, 08:10 PM
|
||||
|
||||
|
رد: تجربتى وطارق ميكانيكى رينو الهرم
مفيش صنيعى عنده ضمير الا من رحم ربى
انا شفت صنيعيه بتبوظ الشغل عشان مختش من عندها قطع غيار يعنى مثلا ميركبش الحاجه مظبوط او ميربطهاش كويس ولما تيجى تشتكى يقولك مهوا ده المضورب اللى انته جايبه من بره يا استاذ وبعده كده يقعد يتباه قدام صحابه انه باع حاجه بضعف تمنها لزبون وادهله فى نص دماغه ((لغتهم )) بيتابها انه نصاب ربنا يتوب علينا من البلد دى توكيلات حراميه ونصابين وصنايعيه نصابين من اسبوعين مرجلش فرامل فى توكيل ابو غالى فى العبور ب160 جنيه رجلشه بس ب160 جنيها وكتبنها فى الفاتوره 80 جنيه رجلشت تيل فرامل امامى و80 جنيه رجلشت تيل فرامل خلفى لما بعملها عند صنيعى بره بياخد 10 جنيه
|
|
|
|
