أفيدونى أفادكم الله

[lo2a]

أولا : بشكر كل القائمين على المنتدى وعلى جميع الأعضاء ألى بحس أنى فى وسط أهلى وأنا معاهم فى المنتدى .
ثانيا : أنا أشتريت لادا 2105 موديل 94 ماتور ممتاز ودواخل فابريكه بس هيا عاوزه شويه تظبيط صاج وعفشة فكنت ناوى أشدها بس لما عرفت أنها كانت تاكسى وأنا برخصها نفسى شالت منها وبقيت محتار أبيعها ولا أشدها أفيدوووووونى يا أهل الخبره .
ثالثا : أنا ملاحظ ان الشيخ طارق أبو زيد ملهوش ظهور فى المنتدى ولا المشاركات ولا أنا مش واخد بالى عشان بقالى 10 شهور مدخلتش المنتدى ياريت تطمنونى على الشيخ ورقم تلفونه عشان محتاج أعرف أسعار شويه حاجات وتلفونه ألى هنا مبيردش .
أسف على الاطاله بس ده من حبى فيكم ومن وسع صدركم وشخصياتكم الكريمه
وبوعدكم لو شدية العربيه ومبيعتهاش حعملكم تقرير كامل من الالف الى الياء

[lo2a]

63 مشاهدة فى 24 ساعة ولسه مفيش رلا رد واحد

[محمود سيد محمود]

بالنسبة لموضوع ان العربية كانت تاكسى دى مسألة انا كنت رافضها خالص لما كنت بشترى عربيتى لان كان من وجهه نظرى انها هتكون مستهلكة جدا
لكن انت بتقول ان العربية فبريكة والماتور ممتاز يبقى ايه اللى مضايقك بس فى الاول والاخر العربية حالة وربنا يباركلك فيها ان شاء الله
اما موضوع الشيخ طارق فهو فعلا بقاله فترة مش ظاهر وان شاء الله خير

[lo2a]

المشاركة الأصلية كتبت بواسطة محمود سيد محمود بالنسبة لموضوع ان العربية كانت تاكسى دى مسألة انا كنت رافضها خالص لما كنت بشترى عربيتى لان كان من وجهه نظرى انها هتكون مستهلكة جدا لكن انت بتقول ان العربية فبريكة والماتور ممتاز يبقى ايه اللى مضايقك بس فى الاول والاخر العربية حالة وربنا يباركلك فيها ان شاء الله اما موضوع الشيخ طارق فهو فعلا بقاله فترة مش ظاهر وان شاء الله خير

أنا متشكر جدا على رد حضرتك ويارب يطمنا على الشيخ طارق

[lo2a]

أنا مش متعود على كده فين الخبرات والردود أنا أخر مرة كنت هنا منن عدده شهور كانت الردود أكتر من المشاهدات عاوز أستفيد من الخبرات الموجوده معانا فى المنتدى