تيدا ولا بومة ؟؟

[pharm45]

التيدا طبعا تتحمل الاعداد الكبيرة لانها أعلى من اللانسر بكتييير

[elgdawy2007]

المشاركة الأصلية كتبت بواسطة pharm45 التيدا طبعا تتحمل الاعداد الكبيرة لانها أعلى من اللانسر بكتييير

لو على تحمل الوزن الاكثر خليك فى النيسان صنى ليه بقى النيسان صنى سياره قطع غيارها سهله ومنتشره جدا واسعارها مقبوله غير كده بقى صيانتها نفسها سهله مش عويصه زى التيدا تحب تغير بوجيهات مثلا تفك حاجات كتير عشان توصل ليها غير كده سعر اعاده البيع ماسك نفسه جدا صاج قوى كماليات عاليه فى الفئه السوبر صالون بالزات سعر منافس جدا الخلاصه سياره الكل فى 1 يعنى فيها مزايا كتير لا تتوافر فى اى سياره اخرى مثيله بسعر تنافسى وكويس جدا وعيوبها محدوده جدا بالمقارنه بأمكانيتها وبالمقارنه ايضا بالانسر البوما مش حتلائى فيها مزايا الصنى العديده اتمنى اكون افدتك ومتنساش الاستخاره قبل كل شيىء والله الموفق

[centon]

بص انا كنت زيك كده
التيدا اللى ب 115 الف اللى هيا اسمها باز لاين اول فئة فيها
ABS - ABD - BA - واسعة ما شاء الله - عالية عن الارض - كاسيت سى دى 4 سماعات
عربية اعتمادية - ليها اكتر من موزع معتمد وامتر من مركز خدمة وده يدل على ثقة فى نيسانط
باور كهربا - سنتر - ريموت - ثبات ما شاء الله - عزل العربية اكثر كن رائع

نيجى للانسر الحزينة اول فئة
مفهاشلا ABS ولا ABD ولا كاسيت سى دى فيها كاسيت شرايط وواطية على الارض
باور زيت - مفهاش سنتر - عزل مقبول الى حد ما

النصيحة النيسان احسن مليون الف مرة

[acasper3d]

راي الشخصي التيدا تقارن بالانسر الشارك الجديدة الي هية الموتور بتعها 1600 . بس التيدا 118 حصان عزل وثبلت فوق الممتاز انا كنت في التوكيل وشفت التيدا من جوا الموتور ومن الصالون . واسعة فخمة من الداخل من حيث الفرش قطع غيار تقريبا نفس اسعار الياباني توكيل 10/10 زي السبع الي في زهراء المعادي. ف حضرتك شوف الانسر الشارك الجديدة اي نظمها . وفي حاجة كمان التيدا الجيدة تقفيل مكسيكي مش ياباني زي الاول فده ممكن يدي افضلية للشارك

[bakka2010]

التيدا كسياره أجود من البومه بكتير . واسعه أوى من جوه وقويه وسحبها حلو وعاليه عن الأرض أوى عشان المطبات واحدث بكتير من البومه اللى بقالها سنين كتير أوى . إنما اللانسر وإن كانت أقل فى الجوده والكفائه إلا إنها أكثر إنتشارا وده معناه توافر فى قطع الغيار والبدائل بتاعتها وسهوله التصليح وسعر إعادة بيع حلو . شوف أنت عاوز أيه ؟ عاوز تركب عربيه أفضل وأكفأ وأجود وأفخم وتحافظ عليها وتعمل صياناتها فى التوكيل ومش ناوى تبيع لمدة كام سنه .. يبقى تيدا . إنما لو عاوز عربيه عمليه تريح بالك وجودتها عاليه برده مش وحشه تبقى البومه . أنا كمان محتار بين البومه والتيدا اليومين دول . وانا عارف أن التيدا أكفأ واجود بكتير . لكن اللى مخلينى متردد أن قطع غيارها غاليه وغير متوفره . وأنا لو جيبتها مش هابيعها لسنين إن شاء الله عشان كده إعادة البيع مش فارق معايا . وصلى إستخاره وربنا يختار لك اللى فيها الخير ليك . وياريت يا باشا تبقى تقول لنا أشتريت أيه وأيه رأيك فيها .