بعد المقارنة بين M11 واللوجان ...يبقى السؤال المحير !!!!!!!

[YahiaAshraf]

المشاركة الأصلية كتبت بواسطة mahshahin اولا احب اشكر كل اعضاء المنتدى لانهم ما بيبخلوش علينا باي معلومة ..... انا كنت خلاص قررت اشتري اسبيرنزا M11 وطبعاً بعد المفضلة بين اللوجان ..... انا روحت عند سمير ريان وكانوا وقفين جنب بعد M11 واللوجان وطبعا دة كان من حسن حظي عشان اقدر اقارن . وطبعا من حيث الشكل مفيش اي مقارنة بينهم ال M11 شبابية جدا وعصرية ورياضية وشكلها تحفة غير اللوجان تحس انها عربية قديمة ..... والاسبيرنزا نازلة فول ابشن وفيها فرامل ABS + EBD وسنسور مطر وسنسور اضاءة واللوجان اعلى فئة فيها هاقول المغربي فيها كمبيوتر رحلات فقط اما الروماني فيها زيادة اير باج + ABS بعدين دخلت الاسبيرنزا شوفتها من جوة حاجة فخمة جدا الصراحة اكنك راكب سيراتو لو ان ال M11 اشد كمان (من وجهة نظري) ً بس الشنطة كانت صغيرة ودة طبعا عشان التصميم الرياضي وبعدين نزلت ركبت اللوجان ): مش هاكولكم مفيش مقارنة نهائي قرفت اوي الصراحة طبلوة عادي جدا مفيهوش اي لمسة جمالية واللي غازني اوي اوي موضوع الزراير بتاعت الازاز والكلاكس اللي موجود في الدراع .... تحس انك راكب ميكرباص الترامكو ..... لكن الشكل العام للصالون مقبول والخامات كويسة والميزة الاكبر الشنطة واسعة جدااااااااااااااااااااااا اااااااااااااااااا طبعا انا لما روحت كنت بقارن بين الكماليات والاكسسوارات اللى موجودة والشكل لكن لما فتحت الموقع هنا لاقيت ناس كتير بتشتكي من ال M11 والشكوة كانت متركزة على الدينمو اللي بيفصل لوحدة وقربة المية اللي ببتخرم ومكنة الازاز الخلفي بتبوظ لوحدها وامبير البنزين بيبوظ وفي شكوة قليلة من الطابلوة بيبوظ وبيعمل اصوات وفي عضو ذكر انه غيرو مرتين ... لكن لكن لكن ((( محدش ذكر فيهم عربيتو كانت موديل كام ودة شئ مهم لانهم اكيد الموديل بتاع السنة اللي بعدها بيعدلو الحاجات دية )))) والله أعلم واللي يقدر يفصل في النقطة دية اصحاب الموديلات الجديدة لكن كل الاعضاء ذكرو ان التوكيل غير كل الحاجات دية ومتحملوش تعريفة ودة شئ كويس لكن الشئ اللى مش كويس ان في أعضاء ذكرو ان قطع الغيار مش متوفرة ... ودة شئ مش كويس والله اعلم دلوقتي الحال بأه أيه لكن من وجهة نظري ان العيوب دية مش كبيرة يعني دينمو وقربة مياة ومكنة ازاز وعداد البنزين ...عيوب مش كبيرة ومفيش حد اشتكي من العفشة او الموتور او التكييف او الفتيس ودول طبعا اهم حاجات في العربية او هما العربية اصلا اما اللوجان وعلى كلام اعضاء المنتدى ان صوت الموتور عالي وقطع الغيار غالية شوية لكنهم اجمعو انها معمرة والمشكلة الاكبر من وجهة نظري بردو لازم تفتح الشنطة والتنك من بره ... (( مش بقولكم تحس انك راكب ميكرباص الترامكو )) لكن العربية بردو متعتربش ليها مشاكل فنية وأيضا شكر ملاك السيارة في العفشة وانها ناعمة جدا لكن السوال المحير فعلاً وبعد كل الكلام دة كله أشتري أيه M11 ولا لوجان ؟؟؟؟؟؟؟؟؟؟؟ انا من وجهة نظري المتواضعة كفة اللوجان تكسب طبعا لانها رينو ماركة معروفة منذ قديم الزمن ولها سمعتها المعروفة واللي ماتقدرش تضحي بيها وغير كدة انتشرت اكتر من ال M11 وال M11 صيني لكن اثبتت نفسها في مصر وسيارات اسبيرنزا عموما مغرقة البلد لكن مش M11 وبعدين حيران اضحي بكل الكماليات دية والشكل التحفة دة عشان خاطر قلقان من الصيني وكلام الاعضاء من حيث قلة قطع الغيار ومحدش بيشتغل فيها برة التوكيل .... أرجوكم دلوني اعمل ايه انا ان شاء الله هاشتري اخر الشهر دة .........

انا كان ليا بس تعليق
حضرتك بتقول الرينو معروف من زمان

دى اصلها داتشيا
بس مصر بتنزلها على اسم رينو

و هى كعربيه حلوه

انا ركبت الام 11 و الله حلوه

[mahshahin]

المشاركة الأصلية كتبت بواسطة yahiaashraf انا كان ليا بس تعليق حضرتك بتقول الرينو معروف من زمان دى اصلها داتشيا بس مصر بتنزلها على اسم رينو و هى كعربيه حلوه انا ركبت الام 11 و الله حلوه

لا انا قصدي شركة رينو عموما .... بس برضو شركة رينو لما هاتحت علامتها على منتج اكيد يعني مش هايكون اي كلام .... ومش هاتضحي بأسمها ... وانا كنت دخلت على موقع الشركة وهي فعلا داتشيا زي ماحضرتك قولت .... والمصنع اللي في المغرب رينو اشترت خط الانتاج وحطو علامتهم على العربية ..... وشكرا على ردك

[hebawagdi5]

انا رحت النهارده شفت ال m 11 و كمان m 12 بصراحه حاجه فوق الوصف اوبشن وكماليات وشياكه وفخامه وشكل رائع للاتنين حاجه كده مافهاش غلطه ..من اول المفتاح لحد اخر جزء في العربيه بس تفضل المشكله انها صيييييييييييييييييييييني
يعني ازاي حاجه بكل الامكانيات دي وتبئى ب 74000 ده الحاجات دي مش موجوده في عربيات معديه المية الف
ده اللي بيخلي الواحد يخاف يعني اكيد كل ده جاي على حساب الجوده حاجه كده زي الموبايلات الصيني
بصراحه الموضوع محتاج مجازفه ان الواحد يحط فلوسه في عربيه صيني وخصوصا لما تبئى عربيه العمر
ولو ان الشارع مليان عربيات اسبيرنزا بس الموضوع بردو محتاج شجاعه

[star over]

اللوجان اعتمادية بجد وعربية واسعة وعالية وبجد حلوة جدا .. اما الام 11 حلوة واوبشن وتمام بس صيني وهتخسر كتير في اعادة البيع وفي قطع الغيار الغير متوفرة بكثرة .. الاختيار ليك بس انا ارشح اللوجان وبرضه بص على الفيرنا واللانوس والافيو

[mms]

ايه يعنى صينى!!! يعنى الصين هتعمل العربيات دى وتقفل ؟؟؟ اكيد هتفضل شغاله ومن مصلحتها قبلنا عشان تفضل شغاله انها تعالج العيوب وترفع الجوده وتوجد قطع الغيار .... والواضح - وبكل حياد - ان جوده العربيات الصينى بتزيد وعيوبه بتقل وده امر مبشر توكل على الله و متقولش صينى دى تانى ...وربنا يوفقك .