اسبيرانزا تيجو اللغز؟

[abonagham]

للأسف

السوق المصري سوق سعر وليس سوق جودة

[king mimo20]

المشاركة الأصلية كتبت بواسطة abonagham للأسف السوق المصري سوق سعر وليس سوق جودة

بالظبط كدة العربية خسارة فيها التصميم الخارجى الرائع لكن من جوة وامكانيات مفيش يعنى التريوس جنبها هامر + التقفيل السيئ ليها والعربية مش مغرية قوى كدة وحرام عليها ال 2000 سى سى كتيير قوى ptmnlo123per195ما هو دة حاجة من الاتنين يا التوكيل مش بيفهم يا اما الصين الشركة بتشتغلنا ptmnlo123per1127
معلش يا ا/بدر انا بقول رائ عن العربية ومش اقصد اقلل من مجهود حضرتك
حضرتك على عينى وراسى وتشكر على المجهود

[pro mada]

انا بالذات مش هتكلم عن العربيات الصيني

[kholio2005]

السلام عليكم اخوانى
ياجماعة ياريت اللى يتكلم يكون عن تجربة مش مجرد انه بس ان الواحد يسمع اى شئ يردده و خلاص أو مثلا علشان هى صينى تبقى زى اى حاجة صينى قليلة الجودة أو يكون شاف عيب مثلا زى ان الباب مش بيتقفل بسهولة تبقى العربية كلها وحشة
الحمد لله العربية معايا من حوالى 4 شهور
عايز اقولكو ان مفيش حاجة بالسعر دة لحد ازيد 50 أو 60 ألف جنيه ممكن تقارن بيها أساسا ولا حتى التيريوس اللى ممكن تقلب من اى شوية هوا بس المشكلة ان الناس اما بتسمع كلمة صينى تقولك على طول فيه حد يجيب حاجة صينى
العربية زيها زى اى عربية تانية فيها مميزات و عيوب
ممكن ألخصها فى الأتى , المميزات اللى شفتها الى حد الأن :
1- ارتفاعها عن الارض ممتاز و دة اكتر ماميميز العربية و مناسبة جدا لشوارعنا
2- السحب برده كويس جدا جدا بالرغم انها 1600 سي سي
3-صاجها قوى يعنى امتن مثلا من التيريوس
4-كماليات ممتازة
5- بالنسبة للتكييف هو كويس جدا جدا بالذات باليل , الصبح لو العربية واقفة فى الشمس مدة طويلة بياخد وقت شوية عقبال اما يسقع بس كل اللى فى العربية حيحسو بيه و بيقى زى الفل
6- من أكتر مايميز العربية الثبات بتاعها مع انها عالية بس يمكن اللى بيديها الثبات دة انها عريضة لان فيه مثلا عربيات عالية زى التيريوس أو الشيروكى الليبرتى الثبات بتاعها ضايع( ودة من كلام ملاكها يعنى مش بقول اى كلام من دماغى)
7- الموتور صوتوه هادى جدا يكاد ممكن متسمعوش لو انت واقف و العربية دايره
8-العفشة ممتازة ولاهى ناشفة ولا هى ناعمة
9- ممكن تتحكم فى وسع الصالون أو الشنطة لان الكراسي اللى ورا بتطلع لقدام و ترجع لورة وحتى اما بترجع الكراسي لورة خالص بتقى مساحة الشنطة واسعة برده
العيوب اللى شفتها اللى حد الان :
1- الابواب مش بتتأفل على طول يعنى لازم ترزعها بس اما روحت التوكيل ظبتتولى 3 أبواب و فيه باب واحد متظبطش كويس (بس اعتقد ان دة مش عيب قوى يعنى لان زى اى عربية فيه لمبة التابلوه بتقولك ان فيه باب مفتوح)
2- خامات الطابلوه و الابواب داخلية متوسطة الجودة يعنى تقريبا زى العربيات الكورى شوية
3- مركز الصيانة اللى روحته فى الاسماعلية فى صيانة الالف مش اد كدة يعنى تحس ان الصنايعية اللى هناك معندهمش خبرة اوىو تحس كدة ان مفيش اهتمام اوى بالعميل بس أعتقد ان اللى فى القاهرة حيكون أفضل يعنى مثلا كان فيه لمبة الدينامو بترعش بس قالولى ان الكهربائي مش موجود علشان يبص عليها فعملتهاش لحد اللواقتى مستنى اما اروح اى مركز صيانة تانى
4- التقفيل متوسط الجودة (على فكرة العربية بتنزل فى ايطاليا باسم dr5 و تقفيلها شكلو ممتاز جدا أكيد مش تقفيل زى أبو الفتوح)
5- استهلاك البنزين عالى شوية اما تمشي بيها جوة البلد يعنى 20 لتر ممكن يعملو حوالى 150/160 كيلو تقريبابس على السفر استهلاكها كويس

عايز اضيف حاجة ان معظم الناس هنا فى بورسعيد مش بيركبوا أى عربيات يعنى مثلا مش بيقتنعو الا باليابانى أو الالمانى(بالذات الهوندا أو الفولكس بجميع موديلاته بالذات الجولف) ومش بيقتنعوا باى عربية متقفلة فى مصر حتى لو مرسيدس بس العربية بدأت تعمل شغل جامد أوى هنا فى بورسعيد و ناس كتير جابتها

وبرده علشان الكلام يكون مظبوط انا بتكلم على الفترة اللى جربت فيها العربية من يوم ماستلمتها يعنى مش حنقدر نقول التقييم الفعلى 100% الا بعد تجربة العربية لاكتر من 3 سنين على اللأقل

[خالدخليفة]

اولا يااستاذ خوليو الف مبوك عليك وعقبال الهامر ان شا ء الله ثانيا اهم مافى اى شىء عايز تشتريه مدى احتياجك ليه وكيفية استعمالك والتيجو بالنسبة لكلامك وشرحك ليها ومكان اقامتك هيا عربية مناسبة جدا لبورسعيد بلد صغيرة والتنقل فيها بسيط واى مشوار محتاج عربية منظرها العام كويس ومش عايز حمل شاق عليها لكنها متستحملش مثلا واحد زى حالاتى ونا لما قارنتها بالنيسان الصنى ال1600 لقيت قدرة الصنى كموتور اعلى موتور الصنى بيخرج 118 حصان وموتور التيجو 1600 117 فى الصنى متعديش سرعتك حسب كتالوجها عن 180 لكن التيجو 175 الشنطة اصغر بالنسبة للصنى يعنى لاز تلم الكراسى علشان شنطتها تساوى شنطة الصنى ميزة التيجو انها عالية وهيا مناسبة جدا لمعظم شوارع مصر الصنى عالية لكن مع الوقت والاستعمال الساعدين بتريح او يمكن لان انا بستعملها كعربية نص نقل علشان شغلى طبيعى جدا انها تبقى ثابته وده معناه انك موصلتش بيها سرعة تزيد عن 100 لكن نا وصلت بالصنى لحد 185 كيلو فى الساعة وهيا عند ال185 ثباتها بدا يقل يعنى معنى كده ان ثبات الصنى لد 180 كيلو وانا شخصيا لا انصح بالسرعات العالية ولكن حبيت اجرب العربية بس زائد ان السرعات العاليه عايزة واحد حافظظ الطريق وحافظ جميع مشاكله ورايح جاى عليه على طول مش مثلا بيمشى على الطريق مرة كل شهر مثلا ده ميبقاش حافظه لان الطريق ممكن يتغير فيه اى حاجة اخيرا التيجو انا فوجئت انها عربيه عادية جدا لكن مظهرها العام محترم يعنى بتاعة مشاوير بسيطة و اخيرا شوية العيوب والكلام اللى قلته على الصيانة كلام يخوف لان اهم حاجة فى اى منتج صيانة مابعد البيع لانك مش بتلاقى الفلوس وحتى لو بتلاقيها فمش معنى كده انك ترميها وانا شخصيا عانيت من توكيل نيسان فى انهم بيبالغو جدا فى اللى محتاجاه العربية ومصاريف الصيانة وقطع الغيار علشان الزبون يدقع اكتر لكن الشهادة لله مفيش حاجة اسمها قطعة غيار مش موجودة او فنى مش متواجد هما مشكلتهم المبالغة يكتبلك كشف كبير باللى محتاجاه العربية واللى مش محتاجاه كلمة اخيرة طالما اشتريت حاجة لازم تبقى مبسوط بيها ومتكيف معاها و مع عيوبها لان مفيش حاجة كاملة الا اللى صنعها ربنا سبحانه وتعالى الف الف مبروك ويارب عقبال الهامر بس ساعتها تعرفنا برضه