استفسار عن سعر كمبرسور التكيف الاصلى لسيارة فيات 132

[أيمن الروبي]

المشاركة الأصلية كتبت بواسطة michohat قرأت ان من ضمن اهتماماتك اعمال الدهان فهل حضرتك متهم بدوكو السيارات لانني انوي ان اقوم بتجهيز العربية بيدي وذلك بعد سمكرتها ومن ثم يكون دور الصنايعي رشها فقط

عندي خبره كبيره الحمد لله في الدوكو لو احتجت حاجه تفهمها او تعملها قولي وانا افيدك بأذن الله

[yabulaila]

المشاركة الأصلية كتبت بواسطة محمدصلاح القاضى برجاء اعطائى سعر كمبروسر (كباس) التكيف الاصلى الخاص بالسياره الفيات 132 سعه 2000 سى سى وليس نوع اخر ولكم جزيل الشكر والتقدير

انا لغاية وقت قريب كنت لسه شغال بالكومبريسورالأصلى اللى هوه على فكره ماركة YORK و على فكره هوه هوه نفسه اللى راكب على المرسيدس ال 200 و ال 230 من موديل 77 الى 81 و على الفولفو كمان فى نفس السنوات السابقه و هو كمبريسور جميل و لكن مشاكله كتير لأنه كل شويه البلي اللى جواه بيبوظ و تضر تفكه و تغير البلى و تشحن غاز مره تانيه و طبعا لولا ان كل ده انا بعمله بنفسي كنت غيرته من زمان...و لكن بعد ما لفيت و سألت وجدت ان احسن حاجه انى اركب كمبريسور ساندن يابانى و بالذات اللى رقمه 508 لأنه ده اللى ممكن يركب على ال132 مع عمل تعديل بسيط لقاعدة التكيف الأصليه اتكلف 160 جنيه و كذلك تعديل فى الخراطيم و اللواكير اتكلف 90 جنيه ده طبعا بالأضافه لتمن الكمبريسور استيراد ب 400 جنيه و لا تنسى انه لو عملت التعديل ده لازم تركب مروحه اضافيه امام سربنتينة التكيف هما بيسموها مروحه لطش و دي تمنها 150 جنيه علشان الكمبريسور الساندن بيسخن ااغاز جامد و لازم تبرده.......يا ريت اكون قد افدتكم فى اول مشاركه لى مع هذا المنتدى الرائع

[محمدصلاح القاضى]

كلامك والله زين وخصوصا حكاية المروحه اللطش والسخونة بتاعت الزيت
بس ياريت توضح لنا طريقه فك الكمبورسر القديم عشان البلى
ولو امكن يبقى بالصور تبقى عملت الواجب كله

[yabulaila]

و الله انا نفسى فعلا ان انا اشرحها خطوه خطوه بس انا عندى مشكلتين انى مش قوى فى الكتابه العربي و ثانيا وقت الفراغ بس على العموم السر فى الكباس من الخلف لو نضفته كويس حتلاقى تيله كبيره تفكها ببنسه ببوز بس هي فكها صعب شويه و بعد كده تفك الطنبوره اللى قدام و تشيل التيله اللو فى وسط الأكس و تبتدى تدق على الأكس من قدام بس اوعى تنسي تركب المسمار فى الأكس قبل ما تبتدي الدق بعد شويه حتلاقى الظهر ابتدى يخرج لبره وشويه شويه هيطلع فى ايدك بعد ما يطلع هتلاقى ادامك كرنك زى بتاع العربيه و بعد كده تفك مسامير الوش اللى قدام بس خلى بالك من الشفط سيل و انتا بتفك الوش لأنه حساس جدا
بقولك ايه نمرة موبيلى 01006000645

[محمدصلاح القاضى]

الموضوع شكله كبييييييييييير
وللاسف الموبايل اتسرق
وبأذن الله اكلمك اول ما الظروف تتحسن