ارجو المساعده من اهل الخبره في ابيزا 2000

[hossamalsadik]

انا معايا ابيزا 2000 العربيه معايا كويسه
- قطع غيارها موجوده جديد وأستيراد والحرافيين مليانه
- أسعار قطع الغيار فى العادى مثال
سير كاتينه 80ج - فلتر زيت 35ج وركبته زى الفل والأصلى ألمانى علامات 55ج - فلتر بنزين 45ج وممكن يركب بتاع الدايو25ج - دراع باب داخلى 40ج وملحوظه قطع الغيار معمره جدا خاصة لو ألمانى ولما تاضيها أستيراد سعر قطع الغيار هيكون رخيص وكمان معمر لأنه أصلى
- موفره جدااا فى استهلاك البنزين
- قويه أعتماديه شكلها وده ازواق بالنسبه لى شيك جدا التكييف انا معنديش بس الى عنده شغال زى الفل على الماتور 1000سى سى ويتسقطلها مواتير كتيير لو حبيت عزم اكبر
- السحب معايا تمام
- الصيانه فى ميكانيكية متخصصة فى الألمانى مثال سيد بالحرافيين وفى هناك كتير غيره وفى ورشة الزعيم بصقر قريش وفى كتير متخصصين فى صيانة الفلكس فاجن هى عاوززه صنيعى نضيف ومتورها زى اى ماتور مش عاوز فتى من صنايعى كفتجى بس كده
- الثبات على السرعات العالية ممتاز وهى مشهوره بكده

[mkhaled]

المشاركة الأصلية كتبت بواسطة hossamalsadik انا معايا ابيزا 2000 العربيه معايا كويسه - قطع غيارها موجوده جديد وأستيراد والحرافيين مليانه - أسعار قطع الغيار فى العادى مثال سير كاتينه 80ج - فلتر زيت 35ج وركبته زى الفل والأصلى ألمانى علامات 55ج - فلتر بنزين 45ج وممكن يركب بتاع الدايو25ج - دراع باب داخلى 40ج وملحوظه قطع الغيار معمره جدا خاصة لو ألمانى ولما تاضيها أستيراد سعر قطع الغيار هيكون رخيص وكمان معمر لأنه أصلى - موفره جدااا فى استهلاك البنزين - قويه أعتماديه شكلها وده ازواق بالنسبه لى شيك جدا التكييف انا معنديش بس الى عنده شغال زى الفل على الماتور 1000سى سى ويتسقطلها مواتير كتيير لو حبيت عزم اكبر - السحب معايا تمام - الصيانه فى ميكانيكية متخصصة فى الألمانى مثال سيد بالحرافيين وفى هناك كتير غيره وفى ورشة الزعيم بصقر قريش وفى كتير متخصصين فى صيانة الفلكس فاجن هى عاوززه صنيعى نضيف ومتورها زى اى ماتور مش عاوز فتى من صنايعى كفتجى بس كده - الثبات على السرعات العالية ممتاز وهى مشهوره بكده

طيب انا عايز استفيد من خبرتك مع العربيه
هي الاداء العام ليها كويس و حدود السعر طبعاااا هي شلها في منتهي الشياكه سواء من الخارج او الداخل
يعني انت بتسافر بيها مثلا مسافات بعيده
طيب الاداء كويس و هي فيها 4 افراد عشان الموتور 1000سي سي
انا بجد بحب العربيه ديه جدااااا بس انا نفسي في غربيه مريحه من حيث الاعطال و قوه التحمل
وهي واسعه من الداخل وهي فيها فرامل abs ebd
انا اسف للاطاله عليك بس انا نفسي استفاد من خبرتك مع العربيه
لانها اول عربيه فكرت فيها بس كل الناس قالتلي لالالالا وانا حاسس انها ممتازه

[mkhaled]

المشاركة الأصلية كتبت بواسطة hossamalsadik انا معايا ابيزا 2000 العربيه معايا كويسه - قطع غيارها موجوده جديد وأستيراد والحرافيين مليانه - أسعار قطع الغيار فى العادى مثال سير كاتينه 80ج - فلتر زيت 35ج وركبته زى الفل والأصلى ألمانى علامات 55ج - فلتر بنزين 45ج وممكن يركب بتاع الدايو25ج - دراع باب داخلى 40ج وملحوظه قطع الغيار معمره جدا خاصة لو ألمانى ولما تاضيها أستيراد سعر قطع الغيار هيكون رخيص وكمان معمر لأنه أصلى - موفره جدااا فى استهلاك البنزين - قويه أعتماديه شكلها وده ازواق بالنسبه لى شيك جدا التكييف انا معنديش بس الى عنده شغال زى الفل على الماتور 1000سى سى ويتسقطلها مواتير كتيير لو حبيت عزم اكبر - السحب معايا تمام - الصيانه فى ميكانيكية متخصصة فى الألمانى مثال سيد بالحرافيين وفى هناك كتير غيره وفى ورشة الزعيم بصقر قريش وفى كتير متخصصين فى صيانة الفلكس فاجن هى عاوززه صنيعى نضيف ومتورها زى اى ماتور مش عاوز فتى من صنايعى كفتجى بس كده - الثبات على السرعات العالية ممتاز وهى مشهوره بكده

طيب انا عايز استفيد من خبرتك مع العربيه
هي الاداء العام ليها كويس و حدود السعر طبعاااا هي شلها في منتهي الشياكه سواء من الخارج او الداخل
يعني انت بتسافر بيها مثلا مسافات بعيده
طيب الاداء كويس و هي فيها 4 افراد عشان الموتور 1000سي سي
انا بجد بحب العربيه ديه جدااااا بس انا نفسي في غربيه مريحه من حيث الاعطال و قوه التحمل
وهي واسعه من الداخل وهي فيها فرامل abs ebd
انا اسف للاطاله عليك بس انا نفسي استفاد من خبرتك مع العربيه
لانها اول عربيه فكرت فيها بس كل الناس قالتلي لالالالا وانا حاسس انها ممتازه

[hossamalsadik]

طيب انا عايز استفيد من خبرتك مع العربيه
هي الاداء العام ليها كويس و حدود السعر طبعاااا هي شلها في منتهي الشياكه سواء من الخارج او الداخل اكيد شيك ومميزه
يعني انت بتسافر بيها مثلا مسافات بعيده
أنا ماسفرتش بيها مسافه طويله بس بس هيا تمام معيا جدا والحمد الله وده بيعتمد على حالة الماتور انك تكشف عليه قبل الشراء وتشوفه محتاج ايه وتعمله وكمان تهتم جداا جداا بالصيانه الدورية من فلاتر وزيت الخ فى المواعيد المظبوطه
طيب الاداء كويس و هي فيها 4 افراد عشان الموتور 1000سي سي
بص يابشا أنا معنديش تكييف وحالة الماتور عندى ممتازة بحمد الله والماتور 1000cc ولما بركب 6 أفراد مش 4 الأداء بيكون ممتاز وبطلع كبارى كمان ، الماتور الألمانى 1000cc غير اى ماتور 1000cc
انا بجد بحب العربيه ديه جدااااا بس انا نفسي في غربيه مريحه من حيث الاعطال و قوه التحمل الأبيزا أعتماديه جداا يعنى قطعة الغيار الأصلية معمره جدا عشان كده فى ناس بتفضل تشترى الأيستيراد لضمان اصليته عن الجديد ، يبقى كسب رخص سعر وأصلية القطعه
وهي واسعه من الداخل وهي فيها فرامل abs ebd
الأبيزا مو 2000- 2002 من الخلف أوسع من مو94مثلا وبيركب 2 ورا مستريح لكن لو مثلاا قرنها بالشاهين هنلاقى الشاهين اوسع وهاكذا يعنى وسعها معقول جدا ، الفرامل ممتازه عن تجربة وخاصة مع التيل الأسبانى الأصلى وثبات تام اثناء الفرامل وده بيحتاج كوتش سليم ظبط زوايه كويس علبة دريكسيون كويسه تيل كويس يعنى عفشه كويسه عشان تاخد أداء مظبوط زى ما شركة سيات صنعت العربيه وفى لمبة فى التبلوه خاصة ب abs ebd
انا اسف للاطاله عليك بس انا نفسي استفاد من خبرتك مع العربيه
ياباشا برحتك اسأل أحنا هنا عشان نفيد بعض
لانها اول عربيه فكرت فيها بس كل الناس قالتلي لالالالا وانا حاسس انها ممتازه
مانا الناس قالولى كده بردو ههههههه بس انا كان عجبنى شكلها ومناسبة السعر علاوة انى بثق فى السيارات الألمانية والأبيزا أسبانية بجنسية المانى هي نفس ركوبة الجلف 4 بس بسعر أقل تقريبا النص ومتنساش انها ممكن يتسقطلها مواتير كتير بعزم اكبر 1400 و1600 و1800 و2400 سى سى ومواتير الجلف بتركب عليها كمان وهيا نزل منها مصر بمواتير 1400 سى سى أورجينال فبريكه بس هيا قليله شويه .

[FlaminGo]

موضوع مفيد جدا ..... ساعدنى فى قرار الشراء ... عربية ممتازة كان معايا مو 94 ورقيت ل 2000 .... بصراحة ركوبة محترمة ولكن ثقافة الكورى طغت على روعة العربيات دى ... شكرا لكم