العربية مخنوقة

[محمود سيد محمود]

بعد ما نظفت الكربراتير لقيت العربية مخنوقة قوى وحاسس ان دواسة البنزين تقيلة مش عارف ليه

[محمود سيد محمود]

روحت امبارح لبتاع الكربراتير وقاله الكربراتير زى الفل والعيب اللى بتقول عليه مش بسبب الكربراتير وطلب منى اروح للميانيكى احسن
وفعلا روحت للميانيكى وعرفت ان العيب كان من بلستكة كده بتاعة دواسة البنزين مكانها تحت علبة الزيت بتاع الفرامل و ثمنها 2 جنيه وكمان غيرلى الابلاتين والحمد لله العربية بقت تمام دلوقتى

[محمود سيد محمود]

عشان ما حدش يختلط عليه الامر
البلستكة دى كانت هى السبب فى ان دواسة البنزين بقيت تقيلة على غير المعتاد وزى ما قولت قبل كده هى مكانها تحت علبة الزيت بتاع الدبرياج وهى بلاستكة بيضاء وصغيرة الحجم تقريبا بتمسك حاجة فى دواسة البنزين وهى ثمنها 2 جنيه بس
اما سبب خنقة العربية كان الابلاتين وتم تغييره وكان سعره 15 جنيه ومن ساعتها الحمد لله العربية بقت زى الفل
اعذرونى على عدم تنزيل الصورة بس لو الموضوع مش واضح اتصل بالميكانيى واعرفلكوا اسم البلستكة دى ايه بالظبط

[zing0]

لامؤاخذه .............
تيييييييييييت أم الأبلاتين إبن التييييييييييييت إللى كل شويه يلدع
ده أنا مغير لحد الآن أبلاتين و كوندنسر بثمن إسبراتير و موبينه ألكترونى
يومين تلاته بالكتير و يلدع, مهو كله واحد إبن تيييييييييييييت ضاربه
و حاياً إللى راكب لادع, سيبته زى مهو, و لا حتى فكرت أصنفرة , فى ستين تييييييييييييت

[Mohamed Beeh]

محتاج مساعدة من اساتذتنا ... عايز ميكانيكي لادا سمارا في منطقة الجيزة عمرانية هرم فيصل ,, المربع دا

مشكورين