مشكلة فى عمود الكردان

[screamseko]

غير التنين ب60 جنيه تقريبا وبتكون يباني يعني الواحده ب30 لسه مركبهم في ال 125

[screamseko]

وابقي بص عالبليه كمان بالمره بما انك حليت بتعمل 40 او 45 تقريبا

[screamseko]

التأكد من إتجاه الجزء الكبير من الكردان يعنى تعلم الإتجاه قبل مايفك ومايشيلش اى جزء من عليه عشان ماتضطرش توديه يترف عن الخراط والحذر ثم الحذر فى الفك والتركيب لأنه جزء مهم جدا وخطييير فى العربية

: 01F6EB~150:

[thechemist]

المشاركة الأصلية كتبت بواسطة Hisham.Elgazzar الشكر لله لا شكر يا على واجب أهم حاجة يفك صح ينطر الصلايب بخفة وإحتراف مع عدم الطرق على أجزاء الكردان التأكد من كبس جسم الصليبة الداخلى بالشحم التأكد من وضعية بلى كل كرسى من كراسي الصليبة وتلييسهم بقليل من الشحم لسهولة التركيب الحذر الشديد من الطرق على الكردان أو الربط المتعافى عليه بالمنجلة التأكد من تتييل صامولة الجزء اللى فيه المشرشرة وفك التيلة قبل فك الصامولة عشان المفتاح اللى بيفك بيه مايقطمش زى ماانا قطمت كوعة المانى تشحيم بلية كرسى النص قبل تركيبها إذا أمكن والتأكد من تركيب التيله بتاعتها ولما تنزل الكردان تفرفش المسامير والصواميل بقليل من الجاز والبنزين وتسيبهم ينشفوا التأكد من إتجاه الجزء الكبير من الكردان يعنى تعلم الإتجاه قبل مايفك ومايشيلش اى جزء من عليه عشان ماتضطرش توديه يترف عن الخراط والحذر ثم الحذر فى الفك والتركيب لأنه جزء مهم جدا وخطييير فى العربية

:Bra vo:

استاذى كده تمام جدا بس بعد اذنك أخر جزئية
(التأكد من إتجاه الجزء الكبير من الكردان يعنى تعلم الإتجاه قبل مايفك ومايشيلش اى جزء من عليه عشان ماتضطرش توديه يترف عن الخراط ) الجزء الكبير من الكردان اللى هو من أول كرسى النص الى المشرشر اللى داخل فى ترس البنيول للكرونة عشان لما نركب نركب من نفس الاتجاه هو ده اللى انا فهمته من الجزئية دى بس مش عارف كده انا صح ولا غلط

فعلا انا استفدت من المعلومات القيمة دى جدا لأن الميكانيكية ساعات يعك الدنيا ويحاول يعمل شغل لو لقى اللى قدامه مش فاهم
انا باذن الله هاخد العربية من عند السمكرى النهارده وهاروح أعمل الكردان باذن الله قبل ما ارش العربية

[thechemist]

المشاركة الأصلية كتبت بواسطة screamseko غير التنين ب60 جنيه تقريبا وبتكون يباني يعني الواحده ب30 لسه مركبهم في ال 125

تمام يأستاذ screamseko انا فعلا قولت اغير الاتنين بالمرة عشان مفكش مرة كمان
لكن بعد ماغيرتهم بلى الصلايب بيكون له صوت ورررررة ده غير انه ممكن يعمل خبطة مع بداية الحركة نتيجة البوش بين الصلايب هل ده اختفى بعد ما غيرتهم