رد شركة الامل على شكوى صيانة الالف والتجربه المريرة بفرع العباسيه

[drasd]

السلام عليكم
طيب انت عرفت منين ان اللي اتصل دا مدير فرع العباسية هو عرفك بنفسه ؟؟؟
وعموما انا برضه مع الراي اللي قالك تكلمه وتقوله
لاشكر على واجب
وانا دايما في الخدمة
يامدير مركز الخدمة

[ahmad2]

[ كيا سيفيا ]الاخـــوة الافاضل
بعد التحيه....

اتصل بى بالامس السيد / احمد ماهر مدير مركز صيانة الـ byd فرع العباسيه ( المشكو فى حقه ) وسألنى :
ـ انت فلان اللى عامل شكوى على النت .
ـ ايوة يا أفندم انا
ـ طيب متشكرين يا باشـــا.
وانتهت المكالمه عند هذا الحــــد.
فلم اعرف لماذا اتصل حضرته بى . وهل الاتصال ده بناء على تكليف من ادارة الشركه لبحث الشكوى واذا كان كذلك فهل من المعقول ان يبحث شكوى العملاء المشكو فى حقه .
انا يا جماعه مش فاهم سيادته اتصل بى ليه فهل من مجيب ؟
عندي ثلاث ملاحظات على شكواك :
أولهم أسلوبك الراقي حتى في الشكوى ينم عن حسن الخلق والله أنا مصدقك تماما في كل ما ذكرتة بارك الله فيك
وثانيهم أطلب من الأستاذ أحمد ماهر ومع تقديري لوظيفتة السابقة وبكل احترام أن يعرض نفسة على طبيب نفسي
وثالثهم أين الشركة من كل ما قيل ؟ لية كدة ؟ لا تهتم بشكوى العميل أم لا تهتم بسمعتها أم ماذا بالضبط

[ezzat2002mo]

بصراحه اسلوب بليغ فى خدمه العملاء اول مرة اشوفه

اسمه "الشركه دايما على حق والعميل " ولمؤاخذة

[ehabpopo]

المشاركة الأصلية كتبت بواسطة mms شوف حضرتك هو اتصال المشكو فى حقه له عده دلالات : 1- انه علم بالشكوى ووصلو مضمونها ....وده كويس انك نعرف ان الشكوى وصلته . 2- ان الشكوى لها تاثير والا كان طنش ومانصلشى بحضرتك . 3-ان رئيسه الاعلى وبخه فاتصل بحضرتك يقولك متشكرين على اللى صابنى من وراك . 4-انه فعلا يستاهل انه ينشكى . ودا باين من عدم مناقشته لحضرتك فى موضوع الشكوى ودا دليل على عدم اهتمامه بحلها .

انا مع حضرتك فى كل الدلائل اللى انت وضحتها ...
وكمان عايز اضيف ان دى خطوة ايجابية من المسئولين بالتوكيل ... بمعنى ان صاحب الشركة بيسعى انه يراضى العملاء وانة يرتقى بمراكز الصيانة الخاصة به ... ودى حاجة كويسة جدا
وكنت عايز ابلغ صاحب شركة الامل ان الكلام ده مش ها يحصل غير لما الناس دى تمشى من الشركة ... وتستبدلهم بناس تتقى الله فى عملها ... لان الواضح انهم مش بتفرق معاهم حاجة خالص ... والدليل على كدة المكالمة التليفونية الغريبة دى ....
وصدقنى والله احنا كعملاء وكاصحاب العربية ... مش عايزين الارض تتفرش ورد ولا حاجة ... عايزين العربية تتصلح او تتصاين بمايرضى الله ... وكمان نتعامل معاملة الادميين
ربنا يكون فى عون صاحب الشركة ... ويكون فى عون العملاء

[كيا سيفيا]

المشاركة الأصلية كتبت بواسطة ahmad2 [ كيا سيفيا ] عندي ثلاث ملاحظات على شكواك : أولهم أسلوبك الراقي حتى في الشكوى ينم عن حسن الخلق والله أنا مصدقك تماما في كل ما ذكرتة بارك الله فيك وثانيهم أطلب من الأستاذ أحمد ماهر ومع تقديري لوظيفتة السابقة وبكل احترام أن يعرض نفسة على طبيب نفسي وثالثهم أين الشركة من كل ما قيل ؟ لية كدة ؟ لا تهتم بشكوى العميل أم لا تهتم بسمعتها أم ماذا بالضبط

الاستاذ الفاضل / احمد
بعد التحيه....
اشكر حضرتك جزيلا على مرورك الكريم وايضا على اطرائك المقبول . ودعنى فقط اجيب على ملاحظتك الثالثه :
عرضت شكواى هنا فى يوم السبت الموافق 8/10/2011 وصدقنى احمد كنت حاسس بمرارة شديده وانا اعرض الشكوى نظرا لما عانيته انا والكثيرين وكنت آمل فى تحرك سريع وواعى من الشركه لبحث الشكوى ومحاولة حلها من باب حرصها على عملاءها وايضا تحسين تلك الصورة والانطباعات السيئة عن مركز خدمه العباسيه .
ولكنى فوجئت بتلك المكالمه التليفونيه فقط من السيد / مدير المركز. وهنا لدى اقتراح للشركه نظرا لاننى لازلت احد عملاؤها ولم ولن تنفصل علاقتى بها الى الان بل ستستمر حتى انتهاء فترة ضمان السيارة واقتراحى هو انشاء ادارة صغيره تسمى خدمه العملاء والمستهلكين تكون مسئوليتها الاولى تنحصر فى التواصل بين المستهلك والعميل والشركه والرد على شكاوى العملاء سواء بالاتصال الشخصى او اى وسيله تراها الشركه.
احمد مرة اخرى شكرى على تواصلك ومرورك وتقبل تحياتى