محرك ال BYD

[fineart607]

شكرا للتوضيح والراجل عنده حق لانك لما تيجى تشترى من اى معرض يقولوا لك ده ما تور ماتسوبيشى وعفشه كمان ومش بيكون فى امانة فى البيع
جزاك الله خير يا صاحب الموضوع للتوضيح

[كيا سيفيا]

الاستاذ الفاضل / اشرف
بعد التحيه....
اهلا وسهلا بحضرتك وعلى تفضلك بالمشاركه وارجو ان تكون دائم المشاركات لكى نثرى الحوار ونخرج بأفضل نتيجه للاعضاء التى هى اول اهتمامتنا وغايتنا فى المقام الاول وليس اصحاب التوكيلات او المنتجين للسيارات .
عندما يتم الاعلان عن السيارة انها مزوده بمحرك ميتسوبيشى ويتم سرد مواصفات المحرك وعلى انه من انتاج شركة ميتسوبيشى اليابانيه ويتهافت العملاء على حجز وشراء السيارة طبقا للمواصفات المعلنه من الوكيل ثم يتضح بعد ذلك انه ليس من انتاج الشركه ولا يمت له بصله . ماذا يكون ذلك اليس تدليس وغش تجارى .
ثانيا حضرتك اشرت الى ان من يشترى السياره هو عارف انه بيشترى سيارة صينى واذا كان الموتور يابانى فهذه ميزة اضافيه . واقول لك معقول هذا الكلام اللى انت بتقوله فجميع من اقدم على شراء هذه السياره لكون موتورها يابانى والا كان من باب اول اشترى اى موديل صينى اخر اعلى فى الكماليات وارخص مش كده برضه.
ايضا اشرت الى ان اللى عايز يشترى العربية هيشتريها عشان معجب بيها وراضى عنها مش عشان موتورها ايه وووو...... مبدأ الاعجاب لكل من اشترى هذه السسيارة هو ماتم الاعلان عنه من ان الموتور من انتاج شركة ميتسوبيشى ليس الا . ولازلنـــــــــــــا فى انتظار توضيح من مسئول شركة الامل
وتقبل تحياتى

[ashrafsoft]

واقول لك معقول هذا الكلام اللى انت بتقوله فجميع من اقدم على شراء هذه السياره لكون موتورها يابانى والا كان من باب اول اشترى اى موديل صينى اخر اعلى فى الكماليات وارخص مش كده برضه.

يعنى حضرتك بتقصد ان اللى بيشترى العربية بيشتريها عشان موتورها ؟ طيب مش يمكن الموتور كويس وباقى العربية مش كويسة خالص هيبقى دفع 70 الف فى موتور بس!!!!!!!
وحضرتك بتقول من باب اولى نشترى اى موديل صينى اخر اعلى فى الكماليات ومعتقدش فى كماليات مطلوبة اكتر من اللى فى بى واى دى وارخص فى السعر ممكن لكن ليست بنفس الجودة ولا الفخامة ولا الكفاءة

مبدأ الاعجاب لكل من اشترى هذه السسيارة هو ماتم الاعلان عنه من ان الموتور من انتاج شركة ميتسوبيشى ليس ال

اتفق تماما مع حضرتك واكيد محدش يرضى بالغش ولا الكذب ولكن
هل حضرتك سألت فى التوكيل وقالو كلام وبعد ذلك لقيته غير صحيح ؟
عموما انا ردى على حضرتك ليس الا من باب النقاش وهدفى الافادة وانا منتظر مع حضرتك والاخوة رد المسئولين
لكن صدقنى العربية جميلة جدا جدا والموتور فعلا ممتاز
عن تجربة شخصية جبت بيها 150 كم وكنت مشغل التكييف وبسم الله ما شاء الله حتى مفيش صوت عالى
على فكرة انا عربيتى 2007 يعنى مش فيها مشكلة علو الصوت من بعد سرعه 120 اللى ظهرت حديثا
ربنا يبارك فيها ان شاء الله ويبارك لكل واحد فى سيارته ويرزق من لم يملك سيارة ان شاء الله

[كيا سيفيا]

ولازلنـــــــــــــا فى انتظار توضيح من مسئول شركة الامل

[pointer]

المشكله مش في التكنولوجيا بس
الموتور
قبل التكنولوجيا فيه تصميم
ماتريالز مواد الصناعه
آلويز سبائك و اسأل مهندسبن النقل ليه مش عرفين نعمل تحويله السكه الحديد رغم اننا بنعمل قضبان عادي
بوليمارات ده احنا عملنا فرح لانتاج اول استيكه مصريه من 5 سنين
وفي الاحر بعد كل ده دور علي التكنولوجيا
و اللي معاه عربيه و عحباه يحمد ربنا عل النعمه و ياما شركات كبيره طلعت لينا عربيات بلاوي