#1
|
|||
|
|||
انا جديدة خالص و عايزة استشارة
السلام عليكم الاول..انا لسة شارية ماروتى زيرو بقالى 4 ايام بس و دى اول مرة اسوق فخبرتى مش اد كده يعنى و عايزة شوية استفسارات..اولا العربية مش بتدور من اول مرة ابدددددددا تانى او تالت مرة مش عارفة العيب فيا و لا ايه ايه احسن طريقة تدور بيها فالشتا؟ثانيا الدبرياج عالى شوية هو ده عادى عشان جديدة و لا اروح اوطيه لانى خبرتى لسة مش اوى و العربية بتجرى منى لانى بدوس بنزين زيادة تقريبا على ما الدبرياج يفصل بتفضل رجلى عليه كتير..ثالثا هل العربية دى بتسخن زيادة فعلا لانى شوفت الموضوع دع فى كذا منتدى و قلقنى؟رابعا _معلش طولت_الوكيل اخباره ايه؟و الصيانة الدورية كويسة و لا ايه نظامها؟خامسا ايه احسن كاسيت اجيبه بس يركب مكانه لانى مش عايزة اكسر الحتة اللى مكتوب عليها ماروتى تحت دى عايزة حاجة ع اد مكان الكاسيت..معلش طولت عليكو و شكرا مقدما
|
#2
|
||||
|
||||
رد: انا جديدة خالص و عايزة استشارة
حكاية الدوارة ديه ممكن تكون من حضرتك عشان أنتي خايفة تحرقي المارش. خلي حد بيسوق مدة يجرب. لو فعلا بتاخد وقت يبقي ده مش طبيعي ديه عربية جديدة و لازم تدور من أول مرة صيف أو شتا. الدبرياج مش هيوطي بشكل ملحوظ بعد شوية. رأيي تظبطي رجليك و تخفي من علي البنزين سنة و كمان سيبي الدبرياج علي مهلك. يعني سيبي دبرياج لحد العربية ما تمشي و أول ما تمشي وقفي رجلك و ما تسيبيش تاني و لما العربية تمشي و تستقر كمان ثانيتين تلاتة سيبي رجلك من علي الدبرياج خالص. العربية ناس كتير جدا بتشكر فيها لكن ما ليش تجربة شخصية معاها عشان أفيدك في حكاية السخونة. للأسف بردو مش هقدر أفيدك في حكاية التوكيل. الكاسيت هاتي أي ماركة محترمة زي سوني و بيونير و كينوود و ال جي و سيمفوني و يستحسن تروحي عند محل محترم تنقي حاجة تركب عندك علي الطبيعة و هو اللي يركبها بردو. عشان ما تجيبيش حاجة و تطلع كبيرة و ترجعي بقي و الفيلم ده. و أخيرا ربنا يملاهالك بركة و يسترلك طريقك.
|
#3
|
||||
|
||||
رد: انا جديدة خالص و عايزة استشارة
حضرتك علشان لسة جايبة العربية و قلقانة.....يومين و حضرتك هتدوريها من اول مرة و هتكونى تعودتى عليها و موضوع الدبرياج بلاش توطيه...السخونة متقلقيش منها العربية لسة زيروووو...
__________________
كن مطمئنا جدا جدا و لا تفكر فى الأمر كثيرا بل دع الأمر لمن بيده الأمر السرعة فى القلب و القلب ميت..هدفى بدون تفكير و سباق بدون قلب.. |
#4
|
|||
|
|||
رد: انا جديدة خالص و عايزة استشارة
السلام عليكم..
dr.nora اولا : العربية مش بتدور من اول مرة ممكن عشان حضرتك مش متعودة عليها.. ثانيا: الدبرياج كدة عادي لان "الجراند ماروتي" بتاعتي لما كانت جديدة كان برضو الدبرياج عالي ثالثا: العربية مش بتسخن ولا حاجة خالص.."اهم حاجة مؤشر الحرارة ميعديش النص" رابعا: الوكيل معرفش عنه حاجة بصراحة..ومش بثق الا ف الميكانيكي بتاعي..! خامسا: بالنسبة للكاسيت حضرتك تجيبي كاسيت بفلاشة..سعره مش هيعدي 300 جند..بس اغلب الكاسيتات بتكون عريضة حبتين...يعني لازم حضرتك تشيلي الساعة عشان الكاسيت يركب مستريح..او لو الكاسيت اللي فيها شغال راديو كويس..اشتري البتاع ده اللي بيركب فيه فلاشة وبيتحط ف الولاعة...وده يبقي حل كويس جدا وبرضو توفير ف الاموال...! شكرا.. |
#5
|
|||
|
|||
رد: انا جديدة خالص و عايزة استشارة
مبروك اولا علي الماروتي
و ربنا يحفظك و يحفظهالك بصي ياستي باعتباري لسه جايباها من شهرين تقريبا فممكن اقولك علي شوية نقط حكاية انها مش بتدور بسرعة دي انا بردو بعاني منها خصوصا اليومين الساقعة دول العربية مابتدورش من اول ولا تاني و لا تالت مرة بردو و ان كنت قد بدات استخدم زرار التسخين و دا بقي بيفيدني انها تسخن بسرعة بصي عشان تستخدميه حطي المفتاح في الكوناكت و لفيه اول لفة لحد ما الانوار بتاعت التابلوه تنور قدامك و لاتقي مؤشر البنزين بدا ياخد مكانه الطبيعي و بعدين اضغي ضغطتين بنزين كدة و شدي الززرار دا لبرة حوالي عقلتين صباع تقريبا يعني و شغلي العربية هتسمعي صوت كدا كان الموتور صوته عالي عادي استني دقيقة و نزليه لحد مايبقي طوله عقلة صباع تقريبا و بصي علي مؤشر الحرارة اول ما ييجي علي ال c اضغطي الزرار رجعيه للاخر و اوعي تنسيه مرفوع عشان حسب ماسمعت بياثر علي الموتور العربية مابتسخنش مني يدوب المؤشر بتاع الحرارة بييجي علي النص و بحطلها مية خضرا يمكن من ساعة ماجبتها مازودتهاش غير مرة واحدة يدوب مايجييش كوباية بالنسبة للدبرياج هتتعودي عليه مع الاستخدام مش عايزة اقولك كام مرة كانت بتفصل مني عشان مكنتش متعودة عليه بالرغم من اني اتدربت علي عربية 128 الدبرياج بتاعها اعلي من الماروتي اهم حاجة و انتي بترفعي رجلك سنة سنة من علي الدبرياج انك ماتتوتريش و ماتستعجليش علي الحركة بس شوية كدا و هتلاقي نفسك اتعودتي عليها بالنسبة للتوكيل الصراحة انا لسه ما اتعاملتش معاه و عملت صيانة الالف في البنزينة
__________________
|
|
|