زيت الفتيس المانيوال

[mohamed200]

السلام عليكم ورحمة الله وبركاته
ياشباب يا ريت حد يفيدني ازاى اكشف على زيت الفتيس ان كان ناقص او لا واعرف ان كان عايز يتغير ولا لا

[M.TONSY]

الافضل انك تروح عند البنزينة يكشفولك عليه
انما لو حابب تعمل الموضوع ده بنفسك يبقى تنزل تحت العربية وتبص على الفتيس هتلاقى طبتين واحدة فوق والتانية تحت هتفك اللى فوق بمفتاح 17 مشرشر براحة ولو لقيت تسريب سدها بسرعة واربط تانى كدة يبقى الزيت مليان اما بالنسبة للتغيير فوفقا للصانع زيت الفتيس بيتغير كل 40000ك وتغيره بزيت موبيل لزوجة 90 وفتيس الفيرنا بياخد 2 لتر ... وأى خدمة يا معلم

[mohamed200]

تسلم يا غالي على الافاده
ولما احب اغيره اصفي الزيت من الطبة اللى تحت وبعدين املاه من الطبة اللى فوق ولا فيه مكان تاني احط منه الزيت ؟

[M.TONSY]

المشاركة الأصلية كتبت بواسطة mohamed200 تسلم يا غالي على الافاده ولما احب اغيره اصفي الزيت من الطبة اللى تحت وبعدين املاه من الطبة اللى فوق ولا فيه مكان تاني احط منه الزيت ؟

بص انا عن نفسى ماغيرتوش قبل كدة بس فى الغالب طبة الكشف هى طبة الملى والله اعلم ده فى العربيات القديمة
انما الحديث بيتملى من مكان سلك عداد السرعة
نصيحة ريح دماغك واشترى الزيت وروح عندى اى ميكانيكى واعمل الشغلانة دى عنده وشوفه هيعمل ايه
ومش هاياخد منك غير 10 جنيه واديك تبقى اتعلمت منه
انما متعملهاش لوحدك من اول مرة ده فتيس مش ناقصة

[mohamed200]

شكرا يا غالي