محتار جدا و محتاج مشورتكم ضروري

[mido_4up]

أعتقد اللادا الافضل لك يا باشا

[Abo yassin]

بسم الله الرحمن الرحيم
تعتبر هذة هى المشاركة الأولى لى معكم و لكننى متابع جيد منذ فترة و أسمى أبو ياسين
نفس الحالة عندى بالظبط لأن أنا عاوز أشترى عربية زيرو و كمان حتشتغل تاكسى و بناء علية أخترت لآدا 2107 موديل 2011
بتستحمل قوى و حاجتها أرخص مما تتخيلوا يكفى ان عفشة العربية دى كلها ب 500 جنيه والماتور جديد ب 2500 و جوز المساعدين و المقصات ب 125 و بعدين كفاية قوى ان اى ميكانيكى بيشتغل فيها و هو فى الزمن اللى احنا فية دة حد يلأقى عربية ب 50.000 بس و عالية و واسعة و زى الفل مع شوارع مصر الممهدة جدا جدا و بصراحة بما ان العربية حتشتغل يبقى لازم حيكون فى أعطال و فى الحالة دى لازم تكون قطع الغيار موجودة و رخيصة و سهل تلاقيها و تتعمل فى أى مكان مش زى عربيات تانية محدش يعرف يجيب حاجتها او يصلحها برة التوكيل
شوف يا باشا . أنا بقارن بين اللادا و السابا البرايد الايرانى بقالى أكتر من شهر لان انا عاوز أزود دخل عائلتى ووجدت ان اللادا حتحقق المعادلة يعنى حقدر أراعى العربية و أديها كل حاجة لان قطع غيارها و زيتها و بنزينها و مصاريفها على أد أيدى و فى نفس الوقت بأذن الله حيتبقى معاك فلوس تعتبر دخل صافى لبيتك.
لو عندك أى حاجة أقدر أساعدك فيها لو أنا أعرفها مستحيل أتأخر عنك و لو انت عندك أى معلومة عن العربية اللادا تحب تقولها لى أكون متشكر ليك جدا جدا جدا
أبو ياسين
<!-- / message -->

<!-- controls -->

[حسام البورسعيدى]

طبعا ارشحلك الريجاتا لان هى احسنهم ..

حاول تبعد عن الادا لانها عربية مش تمام ومش مريحة .. بس ممكن تكون اعتمادية اكتر ..

الريجاتا افضلهم وبعدين الريتمو وبعدين ال 128 وبعدين الادا ..

وعندك كمان ال131 ممكن تحطها فى المقارنة ..

وربنا يوفقك ومبروك مقدما ..

[mr_astra]

انا كان معايا كل العربيات دى نصحتى ليك كالاتى
ابعد تماما عن الريجاتا على اد ما الموتور قوى جدا وعربية متزنة على الطريق على اد ما قطع غيارها غالية جدااااااا خصوصا الاكسسوار مش هتلاقية الا فى عزبة شلبى ( انا من القاهرة ) وغالى جدا طبعا الفانوس كامل الخلفى ب 200 جنية التابلوة بـ 2000 جنية كاامل دورت على جوان وش السلندر بتعها كتير اوى ،،،،، الريتمو شكلها فعلا مسابق وقتها عربية بتاعة حركات وسحب بس للاسف حوضها وشاسية ضعيف جدا كل شوية بتفتح ( بحكم انى من القاهرة ومطبات كتير اوى) طبعا الـ 128 غنى عن التعريف ناعمة اة روشة اة لكن صاحبة الميكانيكى تفضل على طول مصاحب الميكانيكى والعفشجى والكهربائي والدكتور عشان تعالج نفسك انت شخصيا تصلح حاجة تبوظ حاج وعلى بال ما تلف على العربية كلها تصليح ترجع لنقطة البداية ومن اول وجديد الـ لاداا انسبهم مع التحفظ على خشونة العربية نفسها صوت الموتور وطارة السواقة انما من وجهه نظرى انسبهم .........طب لية ما فكرتش فى المازدا 323 جبتها بعد الهم دة كلة ومعايا بقلها فترة اؤلك عيوبها ومميزاتها اولا ناااااااااااااااعمة جدا فوق ما تتخيل بنوعومة الزيرو والله ثبات على الطريق غير عادى مع السرعات العالية وملفات برحتك على اى سرعة لانها واطية على الارض اوى تسارع كويس اوى لان معظمها 1300 سي سي واشهر موديل 82 شكلها من برة شيك وصدقنى انها واسعة جدااااااا اوسع من الاكسل لانها معايا برضة عربية بجد مش عارف جايبة الوسع دة كولة منين وشنطة كبيرة صراحة تاخد كل حاجة الاولاد وشنط السفر عبها ان قطع غيارها غالية شوية انما معمرة
لعلى افدتك