الانطباع الاول عن امجراند EC7

[Sky_Rider]

المشاركة الأصلية كتبت بواسطة ShekeeS الكلام بقى كتير عن الامجراند و السؤال عليها بقى كتير ودة مؤشر للنجاح

بمناسبة الكلام الكثير .... ده كلام من موقع http://www.dhcar.cn
طبعا الترجمة من الصيني للعربي في جووجل ركيكة شوية ... بس المضمون موجود

http://translate.googleusercontent.c...QcxJFiBUkE81Rg

( صورة)

[عصام الجارحي]

المشاركة الأصلية كتبت بواسطة MmFFoR السؤال ليه لما ابوالفتوح جمع الشيري 516 في مصر سعرها ب 62 - 68 الف فل اوبشن شملة التكييف التاتش!! و لما نزل موديل احدث كان ب 70 الف الام 11 و لما ابوغالي نزل الموديل الانجلون (هو هو نفس الموديل دا ) نزلها ب 75 الف و لما غليت باقت 80 الف مستوردة بالكامل للي يعرف يعني جمرك 40% و ضريبة 15% و لما غبور نزل نفس الموديل الشكل الاحدث لا اكثر صناعة مصري (يعني المفروض الجمرك 10 - 15% على السيارة و ضريبة 10% يعني بتخفيض 30% من ثمن السيارة نفاجأ بان ثمنها تقريبا هو نفسه تمنها مستوردة بالكامل!!!! ب 76 الف!!! حد عندوا تعليق؟؟ هناك اختلاف طبعا بين الاسبرانزا والجيلي الانجلون سعرها في بلدها اقل من سعر الايمجراند في بلدها ايضا هناك اكثر من فئة واكثر من سعر لو قارنت فئتين متطابقتين في الاوبشن هتلاقي ان سعر الايمجراند اغلي في بلادهم فالبتالي لما مش هتحس ان غبور مغلي في السعر ولا حاجة خصوصا لو اتطلعت علي كمياليات الفئة اللي بيجمهعا غبور هتلافيها الفئة الثانية ذات الماتور 1500 بتعمل 78800 يوان صيني يعني اكثر من 76 الف جنية مصري يبقي فين الغلو وللعلم اقل فئة للايمجراند ثمنها 75800 يوان في بلدها معتقدش ان السعر مبالغ فيه تحياتي و على فكرة برغم ان مبيعات غبور ممتازة الا ان خدمة ما بعد البيع مهينة زي ما نذكر حملة تغور من وش غبور و مشاكلة العديدة مع حماية المستهلك و عملائه الذين يصادفوا بوجود عيوب تصنيع يرفض بعدها التوكيل الاستبدال او التراضي مع العميل بكل صلف و عناد يؤدي الى ارهاق عملائه و ضررهم الشديد

المشاركة الأصلية كتبت بواسطة Sky_Rider اللة عليك يا ا\ عصام .. فيديوهات جامدة جدا ... بتلاقيهم فين دول ... و بعدين على فكرة شكلك كدة فاهم صيني .. مش كدة برضو ولا ايه.. ههههههههه و الله يا جماعة انا بجد شايف انها جمعت ميزات كثيرة في عربية واحدة .. وياريت انت و بابا محمد ربنا يدلكم على الصالح ... و المنطق و اللي حصل قبل كدة بيأكد ان لو العربية انتشرت و نجحت والناس حبتها ............. مش بعيد تغلى .. وغبور مبقاش وكيل وشريك مع جيلي باستثمارات بملايين في المصنع اللي في مصر عشان ينزل عربية فاشلة ... مش منطقي ... تحياتي احمد شهاب

ههههههههه صيني طيب الواحد يتعلمها ازاي دي دي عاملة زي الهيروغليفي

واكيد هتغلي علي اول الموديل الجديد
وان شاء الله مش هتفشل
دا انا حاسس ان اللي اتحجز منها حتي الان يساوي مبيعات الجاك منذو نزولها مصر

المشاركة الأصلية كتبت بواسطة Sky_Rider بمراجعة أسعار السيارات المذكورة في الصين .. هتلاقي ان اقل فرق سعر موجود بين الصين و مصر هو للامجراند ... وشوف ابو الفتوح و ابو غالي شايل كماليات قد ايه و برضو بيبعها غالية .. و متنساش حضرتك ان الاسبرانزا 516 ديه بقالها فترة .. واحنا هنا في مصر العربيات بتغلى بشكل جنوني بسبب سعر الصرف.. والعرض و الطلب ... شوف اسعار العربيات من سنتين لنفس الموديلات و اسعارها النهاردة .. كله غلي ... ياريس شوف السيراتو اول ما نزلت 2009 كانت بكام و دلوقتي بقت بكام ... و غيره كثير .. و بعدين انت اول واحد اشوفه بيقول ان خدمة ما بعد البيع لغبور بالسوء ده ... متنساش ان ده واحد واخد ثلث سوق السيارات المصرية ... اكيد في ناس مش هتبقى مبسوطة لسبب او لاخر ... واكيد في ناس اكثر هتلاقيها مبسوطة .... مع عدد السيارات المباعة بالكمية ديه ... وارد جدا الشكوى و المشاكل مع نسبة معينة من العملاء .. و ده متوقف على نوع المشكلة و ملابستها .. و العربية نفسها .. و بعدين انا مش عايز حاجة من غبور غير اول ثلاث سنوات ... بالرغم ان الضمان 5 سنين .. والله لو ماشيين معنا تمام يبقى خير ... محصلش ... هعيش حياتي برة الوكيل.. و كله بيمشي ... هو يعني كل اللي عندهم فرنا بيروحو الوكيل ....

اعتقد ان السعر المحدد من قبل غبور اقل من سعرها المحدد في الصين
دي والله اعلم الفئة الثانية وهذه الفئة ثمنها 78800 الف يوان ودي باين قوي لو قارنت كماليات هذه الفئة مع كماليات غبور هتلاقيهم متطابفين
وبعدين هي الهيونداي بعيدة لو وخدمة ما بعد البيع وحشة كانت انتشرت بهذه الصور
دا هورس موتورز وكيل جاك رغم انها عربية من الكتاب الا انه مبيعاتها تعبانة جدا
ودا لان خدمة ما بعد البيع وقطع الغيار تساوي 2 من 10

المشاركة الأصلية كتبت بواسطة hamaka أنا العربية لما شوفتها فى توكيل المهندسين عجبتنى جداً بصراحة ، بس قلقنى فيها حاجتين يهمونى جداً: أولاً العفشة بتاعتها ، هما قالولى انها ماكفيرسون و را و قدام و دا شئ كويس بس لازم نشوف الأول لما تنزل ، ثانياً السحب بتاعها خصوصاً انها كبيرة فعلاً جوة و برة و الشنطة بحر على موتور 1500 و بالذات و التكييف شغال ، و الغريب انى لما قولتلهم على المخاوف دى و سألتهم هل هيبقى فى تست درايف على أساس انها عربية جديدة و لسة الناس قلقانة ، قالولى لا مفيش و مش هيكون فى لأن الادارة رافضة الحكاية دى و قالو انهم هيوصلوا الكلام للادارة بخصوص طلب العملاء ان يكون فى تست درايف لتجربة العفشة على الأقل و التأكد انها تناسب شوارعنا ، بس عموماً العربية بشكل عام كويسة جداً بالنسبة لسعرها بس مش ناقصنى عشان أتوكل على الله و اخد القرار غير انى اركبها و أشوف العفشة و السحب او أى حد من الرجالة اللى ربنا كرمهم و حجزوا يفيدونا لما يستلموا و ربنا يكرمهم و يكرمنا باذن الله

التعليق الامامي مستقل والخلفي شبة مستقل وثبات العربية واضح جدا من جميع الفيديوهات انه محترم جدا
وزن السيارة 1280 علي موتور 1500 يولد 107 حصان وعزم 140 نوتن عند 4000 متهيالي انه كويس جدا
شوف وزن الام 11 1400 وكسور وموتورها 1600 وملاكها بيقولوا سحبها كويس جدا

[baba mohamed]

السيد الفاضل/ عصام الجارحي
كل عام وأنت بخير
أنت كنت فين أيام العيد؟ ، لم نسمع تعليقاتك الجامدة من يومين، وأحب أسألك أنت ذهبت لغبور كما أخبرتنا؟
ولو تابعت باقي المشاركات مع السيد sky_rider ومناقشاتي معه لعلمت أنني اتخذت قرارا بشراء الإيمجراند وسأذهب يوم السبت إن شاء الله للتعاقد ، أرجو دعاءك ، وشكرا.

[عصام الجارحي]

المشاركة الأصلية كتبت بواسطة baba mohamed السيد الفاضل/ عصام الجارحي كل عام وأنت بخير أنت كنت فين أيام العيد؟ ، لم نسمع تعليقاتك الجامدة من يومين، وأحب أسألك أنت ذهبت لغبور كما أخبرتنا؟ ولو تابعت باقي المشاركات مع السيد sky_rider ومناقشاتي معه لعلمت أنني اتخذت قرارا بشراء الإيمجراند وسأذهب يوم السبت إن شاء الله للتعاقد ، أرجو دعاءك ، وشكرا.

لا انا متابع تمام يا بابا محمد
هو بالامس فقط كنت خارج المنزل طوال النهار ولما رجعت تابعت
انا كنت محدد الامس للذهاب لكن لظروف ما اتغير الاتجاة
ان شاء الله هذهب في اقرب وقت وعندما ساذهب سوف اكتب مشاركة بازن الله
علمت طبعا بهذا القرار وسعدت جدا لذلك لاني استبعدت الجاك من زمان بعد ما الاخوة عاينوا العربية علي الطبية وشكروا فيها حتي احد ملاك الجاك شكر فيها
وكنت نفسي تتجهة الي الايمجراند بدون اي ضغوط علشان تحبها زيي كدا ههههههه
بس انا مغرم بها من قبل ما غبور ياخد التوكيل اساسا ........ههههه
وكان فيه حوار زمان هنا علي المنتدي بخصوص عدم نزول الاينجراند مصر حتي الان
ورد احد من مسئولي هورس موتورز وقال ان ماتورها 1800 مش هيتفع ينزل مصر لارتفاع السعر
حتي فيه اخ كريم رد عليه بانه يوجد منها 1500 وعطالوا رابط
المهم
ربنا يهدينا الي الاصلح بازن الله
كل سنة وحضرتك طيب

[hyundai 2005]

مساء الفل علي كل الناس معلش مقصر معاكم شويتين بس مشاغل
المهم انا شايفكم محتارين جدا
وعشان العيش والملح حبيت افككم من الحيره دي
بدايه القصه !!!
في اغسطس 2010 كان اول لقاء ليا مع الاميجراند !!!!!! ايوه اغسطس 2010 وطبعا كانت من اول 10 اشخاص في مصر يشوفوها وطبعا لان كان معايا الانجلون واللي في وجهه نظري ودي اذواق كانت احلي منها ما اهتمتش بيها اليوم ده وخصوصا لما عرفت ان العربيه صعب تنزل مصر لانها 1800 وكان السعر المتوقع يتعدي 120 الف جنيه فلذلك لم اهتم بها وده فيديو يثبت كلامي

http://www.youtube.com/watch?v=dRcUYm_re_E

اما بخصوص الحيره في موضوع العفشه والمحرك ؟
العفشه الاماميه فعلا ماكفرسون
ود شكلهاا


اما العفشه الخلفيه فهي ذكيه جدا وقويه وده شكلها


والحمد لله السياره 3 سنوات بدون مشاكل نهائي
اما عن المحرك فحدث ولا حرج
المحرك من اقوي المحركات اللي ممكن تقابلها صادم في ادائه للغايه كل اللي يشوف حجم العربيه وانها 1500 يتوقع اداء تعبان لاكن العكس صحيح
وده شكل المحرك فالعربيتين

هو فعلا شكل محرك تويوتا ونفس الفكر والتصميم ولكنه جيلي خااااااااااالص وليس لاي ماركه اخري
اولا التسارع من 0-100 في 10.4
وقريب حرفعلكم الفيديو اللي يثبت كلامي وافضل من تسارع الكروز والاوكتافيا وغيرها كتير
اقصي سرعه عن نفسي كانت 200 او 240 كم مش فاكر بصراحه بس اللي فاكره اني اتصورت فيها ورفعت صوره الوصل علي الموقع هنا وماحدش كان مصدق وقالو ليا ان الوصل ده جاي بالوسطه ههههههههه

سحب ناااااري وعزم قوي تسد قدام اي عربيه ايا كان نوعها معدل استهلاك بنزين جيد جدا
بس ليا توقع ان اداء الاميجراند للاسف حيكون اقل شويه لان عامل الوزن في صالح الانجلون
وانا تحت امركم فاي استفسار