|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#1
|
|||
|
|||
مواقف كوميديه مع السيارات
انا عامل الموضوع ده عشان اتعرضنا كلنا لمواقف محرجه مع عربياتنا
فياريت اي حد عنده موقف مضحك مع عربيته يحكيلنا و هبتدي بنفسي
__________________
|
#2
|
|||
|
|||
رد: مواقف كوميديه مع السيارات
الحمد لله تم افتتاح اول مول في بورسعيد في شارع طرح البحر و طبعا حبيت اروح اشوف ايه النظام هناك فكلمت واحد صاحبي ليله ما عرفت ان المول افتتح و قولتله نتقابل بكره و نروح نشوف المول مع بعض قالي تمام فقام مكلمني تاني يوم الساعه 9 الصبح ( رخامه علي خلق الله ) و مكنتش عامل التليفون سايلنت فصيحت من اعز نومه هو كلمني عشان نروح المول فقعدت اتفاوض معاه نروح بليل اصر اننا نروح بالنهار فاتفقنا اننا نتقابل بعد الضهر و قد كان فقام فايت عليا بالهوندا بتاعته و روحنا المول و حاجه بسم الله ما شاء الله حاجه تشرح القلب ( بس طبعا مش زي مولات القاهره و اسكندريه ) و طبعا مفيش باركينج لضيق المكان فركناها بعيد عن الكافيتريا شويه ( انا اللي كنت سايق ) و قعدنا في الكافيتريا ( المول كان مليان بنات مش عارف ليه ) المهم بعديها بشويه جت عربيه هوندا برضه نفس اللون و الموديل و الجنط كمان ( صدفه عجب ) و ركنت قدام الكافيتريا بالظبط و احنا مروحين بحط المفتاح في كالون باب العربيه مبيدخلش قعدت احاول مفيش فايده طبعا كان منظرنا زباله و احنا بنحاول نفتح الباب و هو مش راضي يتفتح و اللي يضحك و اللي يقول اي خدمه ( غتاته بقه ) المهم اتلاقينا واحد شبه هوجن داخل علينا و بيزعق : انتوا بتعملوا ايه ؟ قولتله بقرف : في حاجه ؟ فقام قايل و هو بيشدني بعيد عن العربيه : انت بتسرق العربيه و لا ايه ؟ طبعا صاحبي اول ما شاف الراجل بالمنظر ده بعد بعيد بدل ما يضرب معايا مع انها عربيته المهم رديت عليه و انا بحاول جاهدا اني ابعد ايده عن القميص المكوي : هو في حد بيسرق عربيته يا بني ادم ؟ فقام قايل : دي عربيتي انا يا حيوان فقولتله بزعيق : ازاي دي عربيه صاحبي و احنا راكنينها هنا فقام قايل بغيظ : انا اللي راكن هنا لسه من شويه فقمت باصص علي رقم العربيه اتاريها مش عربيتا دي العربيه اللي ركنت قدامنا من شويه و طبعا اتمنيت اني اغووووووووور في سابع ارض لان منظري زباله جدا و طلعت حرامي قدام بورسعيد كلها فقومت قايله بمنتي الحرج : اصلها شبه عربيتي جدا و انا عربيتي راكنه هناك اهه انا اسف فقام قايل باستهزاء : ابقي خلي بالك المره الجايه يا حماده ( و الكلمه دي بتغيظني بس لو كنت اتشاكلت معاه كنت اتطحنت ) فقام صاحبي جايلي و بشدني و هو ميت من الضحك عليا
__________________
|
#3
|
|||
|
|||
رد: مواقف كوميديه مع السيارات
تاني موقف
طبعا زهقت من البواب اللي ما بيطوقش العربيه حتي مع انه بيقبض فلوس المهم قولت اروح المغسله و كان معايا 20 جنيه مش عارف اوديها فين ( كانت العربيه متفوله بنزين و مش محتاجه اي حاجه و الموبايل في يجي 20 جنيه رصيد و لا حاجه و لسه كنت متغدي مفيش حاجه اصرف فيها ال 20 جنيه فقولت اغسل العربيه ) و دخلت علي المغسله طبعا الاول اداها وش ميه بالرشاش و بعدين بقه المفروض انه بيحط الصابون بالرشاش برضه ( الصابون ده فوم ابيض بينزل بالميه ) اتلاقيته الرشاش ده بينزل سائل لونه اصفر مخضر قولته : ايه ده ؟؟؟؟؟ فقام رادد ببرود و حتي مكلفش نفسه انه يبصلي : ده صابون سايل ....... يا نهااااااااار اسود صابون سايل ؟؟؟؟؟ جايبلك انا اطباق و معالق و لا جايبلك عربيه ؟؟؟؟؟ ياريت الرشاش ده نزل رصاص و موتني احسن فقومت رادد عليه و انا مذهول : صابون سايل ازاي ؟؟؟؟؟؟؟؟؟ فقام قايلي و هو مبتسم : و الله يا باشا ده انضف نوع في السوق ....... حسبي الله و نعم الوكيل في الناس دي و طبعا العربيه لونها حسيت انه اتغير و قعدت نص ساعه عشان تنشف و في الاخر لهف مني 20 جنيه علي شويه ميه و صابون سايل ما كنت غسلتها في مطبخ بيتنا احسن
__________________
|
#4
|
|||
|
|||
رد: مواقف كوميديه مع السيارات
very funny topics, thanks
|
#5
|
|||
|
|||
رد: مواقف كوميديه مع السيارات
انا مره زمان ايام الكليه و الشقاوه عملت مقلب فى ناس كانو مغلسين على واحد صاحبى
بص يا سيدى, انا كنت راكن قصاد الكليه و خرجت علشان اركب العربيه انا و صاحبى و نلاقى البنات دول فى وشنا اعدين على عربيه رحت انا قلتلهم يعنى ينفع الكلام ده, تبوظو العربيه كدا, خلاص مفيش احساس الناس تعبانه فى الفلوس ازاى علشان تقعدو على العربيه و تبوظو الصاج و الدهان كده, اعدو يتأسفو و يقولو معلش و احنا أسفين و الكلام ده رحت انا فتحت باب العربيه الى جمب الى كانو قاعدين عليها (علشان الى قاعدين عليها مش عربيتى- انا عربيتى راكنه جمبها) و قلتلهم خلاص خلاص لمل يجى صاحب العربيه ابقو إتأسفولو, و مش عايز اقلك كان شكلهم عامل ازاى بس خلاص
__________________
. (لا تنسى ذكر الله) ((لا تنسونا بالدعاء)) > > إحترس من السرعه . |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
احدث جهاز لكشف اعطال جميع انواع السيارات launch pro3 | شركة الجراج | مراكز الصيانة | 0 | 18-11-2014 03:32 PM |