عايز ارجع صوت زنة الانوس تانى

[عمرو لانوس]

السلام عليكم يا شباب ... انا معايا دايو لانوس 2 موديل 2008 العربية فيها مشكلتين اولا كانت ناعمة جدا كأن الى صنعها نسى يركب ماتورها وحاطلها ماتور تويوتا ولا حاجة بس كانت بتسحب بنزين روحت التوكيل ابورواش وقلتلهم بتسحب بنزين معرفش عملوا فيها اية العربية رجعت عادية جدا زيها زى اى لانوس مكتومة شوية ومش ناعمة خالص زى الاول !! مش عارف من اية وروحت لميكانيكية كتير يقولولى دة عادى العربية زى الفل وبتسحب !! انا مش عارف ارجعها لحالتها ازاى !! ثانيا : العربية كانت بتعمل صوت الزنة المعروفة بتاعت الانوس على اى غيار وباستمرار بقت بتعملها فاول الغيارات بس !! وبعد كدة صوتها بيطخن ويعلى !! دة من اية ؟؟؟

[محمدصلاح القاضى]

اولا سحب العربيه اللى اختلف على حضرتك
دا سببه من سير الكاتينه
لان سير الكاتينه كان مش مظبوط فكانت العربيه بتسحب وبتجرى لكن بتاكل بنزين بافترى
واما انظبط يا انظبط تمام بحيث انه ظابط توقيت فتح صبابات العادم وصبابات البنزين
او مش مظبوط بمعنى ان العربيه مش بتاكل بنزين لكن مش بتسحب ولا بتجرى
وحله انك تظبط السير تانى وتعيد تقسيمة الموتور

والمشكله التانيه ممكن تكون فى علبة شكمان اوشكت على التلف فغيرت صوت العربيه شويه

[hamada_el3sola]

المشاركة الأصلية كتبت بواسطة محمدصلاح القاضى اولا سحب العربيه اللى اختلف على حضرتك دا سببه من سير الكاتينه لان سير الكاتينه كان مش مظبوط فكانت العربيه بتسحب وبتجرى لكن بتاكل بنزين بافترى واما انظبط يا انظبط تمام بحيث انه ظابط توقيت فتح صبابات العادم وصبابات البنزين او مش مظبوط بمعنى ان العربيه مش بتاكل بنزين لكن مش بتسحب ولا بتجرى وحله انك تظبط السير تانى وتعيد تقسيمة الموتور والمشكله التانيه ممكن تكون فى علبة شكمان اوشكت على التلف فغيرت صوت العربيه شويه

كما قال العضو المحترم فى المشكلة التانية حتة الزنة والصوت غير علبة الشكمان لانى فعلان من حوالى شهر لقيت الصوت اتغير والزنة بقيت ضعيفة وطخين وفعلان لقيت علبة الشكمان فيها خرم كبير وتالفة جدااا وتم تغير العلبة وكلة تمام

[عمرو لانوس]

المشاركة الأصلية كتبت بواسطة hamada_el3sola كما قال العضو المحترم فى المشكلة التانية حتة الزنة والصوت غير علبة الشكمان لانى فعلان من حوالى شهر لقيت الصوت اتغير والزنة بقيت ضعيفة وطخين وفعلان لقيت علبة الشكمان فيها خرم كبير وتالفة جدااا وتم تغير العلبة وكلة تمام

الف شكر يا شباب ... جارى التنفيذ