تانك اللانوس 99 كام لتر .. و ايه اخبار البنزين معاكو

[Ahmed AlGamal]

اليومين اللي فاتو دول كنت دايخ على جركل بنزين ( انا ضد الكلام ده بس مضطر عشان انا لسه جايب العربية جديد و سواقتي على قدها جدا ما بطلعش غير و معايا مدرب القيادة و كل ما قول لحد يطلع معايا يقوللي مش فاضي و ما اقدرش استنى في الطابور و الكلام ده )

المهم الحمد لله ربنا سهلها و جبت جركن 20 لتر 92 ب 100 جنيه

اللي جابلي البنزين قاللي انه التانك بتاع العربية بتاعتي ( لانوس 99 ) 40 لتر و هو ميكانيكي على فكرة

مع ان ميكانيكي تاني قبل كده قاللي انه 60 لتر

المشكلة ان الجركن طلع مكتوب عليه 16 لتر ( جركن زيت موبيل) و مع ذلك ملالي نص التانك

معنى كده ان التانك 30 لتر ههههههه و بعدين بقىىىىى

ملحوظة : روحت للي جابلي البنزين و قلتله على حكاية 16 ده.. قعد يقوللي اصل الجركن ما بيبقاش مليان زيت على اخره انما احنا ماليينه على اخره و قعد يحور قلتله ماليش فيه و خدت 20 جنيه الفرق
المشكلة ان الحكاية ده خلتني اشك في امانة الراجل و ممكن يكونو بيغشو البنزين نفسه

ربنا يرحمنا من البنزين و قرفه .... عمال ارغي انا المهم انا عايز اعرف التانك كام لتر

[Ahmed AlGamal]

[eng/walaaeldeen]

السلام عليكم
فعلا الجركن 16 لتر زيت بس بيتحط فيه 20 لتر بنزين لأن الزيت مش مليان الى الأخر وبص على اى جركن مليان زيت وسوف تلاحظ الكلام ده و اللانوس بتشيل تقريبا 45 لتر بنزين تقريبا
والله المستعان

[miam0502788391]

20 لتر 92 ب 100 جنيه يعنى اللتر ب 5 جنيه :bb12 7bc6eab060e3e23
ما هذا الافتراء
انا لو منك ابلغ عنه مباحث التمويين
ده راجل حرامى

[حسام البورسعيدى]

هو انت من العريش ولا ايه يا ريس ؟؟؟؟