|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#1
|
|||
|
|||
يا جماعة معايا 80 الف و اول مرة اشتري عربية و بدور علي اوتوماتيك
السلام عليكم
انا شاب 19 سنة, عمري ما سقت عربية بس باتعلم الايام دي و ان شاء الله بعد شهر هاشتري عربية بس اوتو معايا 80 الف و بادور علي عربية مناسبة تكون اوتوماتيك كنت من ساعة بالظبط ميال للوجان بس سمعت عن حوار النتشة دا و شوفتها من جوا الكلاكس في حتة غريبة كدة زي الاوتوبيس و مفاتيح الازاز تحت التسجيل و ضيقة اوي ورا و البابين الخلفيين ال handle بتاعهم بالبلدي كده فكسان اوي فبصراحة ابتديت اتقفل منها فا في ايه اوتو و كويس ممكن اجيبة ب80 الف و تكون شبابي و مش ضعيفة حتي لو كسر الزيرو و ازاي اتاكد انها كسر زيرو و متضحكش عليا و ملاقيش مشاكل في سفر مثلا ولا حاجة لان حتي لو ميكانيكي جربها مش هيسافر بيها يجربها مثلا و انا اتقفلت جدا من الفيرنا و الاسبيرينزا فبلاش دوا انا جربت الفيرنا تاكس السواق مشي بيها شوية في الشمس و شغل التكيف عطلت و نزلنا زقينا عشان تدور في عربية اي 10 بسال والدي عليها قالي تعبانة جدا دا الزيرو يعني فانا شكلي هجيب مانويال كسر الزيرو, تنصحوني بايه؟ |
#2
|
||||
|
||||
رد: يا جماعة معايا 80 الف و اول مرة اشتري عربية و بدور علي اوتوماتيك
بص حضرتك
بالنسبه للزيرو عندك بى واى دى اف3 عندك بروتون ساجا فول ابشنز اوتوماتيك ب 75 الف ************************* ************** : Wkiss5: |
#3
|
|||
|
|||
رد: يا جماعة معايا 80 الف و اول مرة اشتري عربية و بدور علي اوتوماتيك
موضوع الزراير والكلاكس فى اللوجان لما تتعود عليهم هاترتاح وتحس انهم طبيعى
بس اللوجان الاوتوماتيك من وجهة نظرى الشخصية احسن عربية ب 80 توكل على الله واشتريها واستخير الله الاول |
#4
|
||||
|
||||
رد: يا جماعة معايا 80 الف و اول مرة اشتري عربية و بدور علي اوتوماتيك
اما بخصوص اماكن الزراير فمع مرور الوقت هتلاقي الحكاية دي عادي جدا بالنسبة ليك اما حوار النتشة فهو مش ملاحظ للي ساق اوتو قبل كده لكن بما انك اول مرة تسوق عربية يبقا مش هتلاحظ الموضوع دا والبروتون ساجا حلوة لكن قطع غيارها مش موجودة خالص برة التوكيل والتوكيل مبهدلها ومهملها خااالص وسئ جدا وانتا اتقفلت من الفيرنا والاسبرانزا يبقى من الاخر كده لو عايز عربية قطع غيارها متوفرة وسعر اعادة بيع وتوكيل محترم وواسعة جدا من جوه وعمر اطول واقوى من حيث الماتور هات اللوجان لانها 110 حصان اما لو عايز عربية زي البطيخة يا اما تطلع حمرا او قرعة انتا وحظك هات عربية صيني والصيني مالي الفئة دي اما لو بتفكر في كسر زيرو يبقا افيو لكن ابعد عنها عربية وحشة جدااا ومش شبابي خالص انا قولتلك كل اللي عندي لكن نصحتي ليك هات اللوجان لانك لو جبت عربية غير اللوجان هترجع تندم والله وهتقول ياريتني جبت اللوجان وتقبل تحياتي
__________________
الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn |
#5
|
||||
|
||||
رد: يا جماعة معايا 80 الف و اول مرة اشتري عربية و بدور علي اوتوماتيك
نصيحتي ليك بقي انك تجيب طالما كسر زيرو او لو عرفت تزود شوية وتجيبهم
_ شوفيرليه اوبترا _ نيو اكسنت _ تيجوو 4*4 |
الكلمات الدليلية |
رينو لوجان |
|
|