سؤال هام جدا .. لمحترفي سيفيا موديل 2000

[sameh_saso]

المشاركة الأصلية كتبت بواسطة houssam1111 متشكرين يا باشا على الاهتمام و الافادة ... و ردا على كلام معاليك اوضح الوضع الراهن ... 1- اللمبة اطفأت بعد ان اتضح ان هناك قطع في احد اسلاك حساسات الموتور . 2- لم اقم بتغيير الحساسات الموجودة بالماكينة الجديدة . 3- لم اقم بعمل اي تغيير بالضفيرة . 4- سكة الكونتاك تم ضبطها . المشاكل الموجودة حاليا ... 1- الكونتاك عند تدوير العربية صوته (( وحش )) و عالي و موش منسجم اطلاقا . 2- هناك رعشة بالاجزاء الامامية للسيارة حتى منتصف السيارة دون النصف الخلفي .. هل دي عدم ضبط قواعد الموتور ... ام انها سير التقسيمة .. مع العلم انه لم يتم لمسه اطلاقا على اساس ان الماكينة المفروض ما تم اللعب باجزائها .. 3- الحرارة حاسس انها مرتفعة شوية رغم ان مؤشر الحرارة منضبط . هل ممكن تكون اللخبطة دي من عيب بسير التقسيمة .. مع الشكر و التحية

, مبروك عليك الماتور الجديد
بالنسبة لصوت الخشونه في تدوير العربية هو ممكن يكون جاي من مارش العربية محتاج يتضبط كويس اكشف عليه مش هاتخسر حاجة
موضوع الرعشة في العربية اسبابها كتير بس ممكن نمسك حاجة حاجة وهي قواعد الماتور وربط عفشتك كويس.
وموضوع الحرارة هو عموما المؤشر بيقي اقل من النصف . يعني بعد الشرطه علي طول التي قبل النصف
وحكاية سير الكاتينة انا استبعده خالص

وابقي طمنا علي حل المشكلة وبعدين ياريت تقولنا مواصفات الماتور وجبتوه منين وسعره وتكلفة تركيبه علشان الافادة تعم علي باقي الزملاء الاعزاء

[black_louts2006]

اولا السلام عليكم ورحمة الله
احب اقولك ان لمبة الشك انجن اللي في التبلوه دي غالبا ما ىبتنور لان سلك بيكون انقطع وده للأسف العيب اللي موجود في السيفيا علشان كده انا عملة مرمه لكل الضفيره بتاع عربيتي بنفسي علشان السلوك ما تنقطعش بسهوله
ثانيا : الرعشه دي اسبابها كتير جدا بس لو الرعشه دي وانت واقف سالنسيه ومش دايس فرامل فاده ممكن يكون من حاجه من اتنين "كهربة العربيه مش مظبوطه " وده انا بستبعده لان لمبة الماتور مش منوره زي ما انت بتقول " ان يكون الماتور اللي انت جبته كان محتاج يجدد شوية حاجات قبل ما تركبه " زي مثلا اولسيهات الصبابات لانها ممن تكون نشفت نتيجة الركنه بس علي العموم ممكن تمشي بيها شويه علشان المكنه ممكن تكون محتاجه تريح وشوف كده واحنا معاك