خطاب عاجل ونصيحة للرئيس مرسى (سيب الكرسى)

[Eng/salwa]

المشاركة الأصلية كتبت بواسطة danoora اولا انا اسفة يا م/ سلوي على تبسطي معاكي في الحوار كان اعتبارا مني ان احنا كلنا اخوات و مانتبهتش ان حضرتك مهندسة ولازم احتفظ باللقب في الحوار ثانيا انا مش حاطة كل معلوماتي الشخصية عشان هي ببساطة شخصية و كتير بشارك في المنتديات و ماكنتش ملزمة ابدا اني اوضح سني و عنواني و تاريخ ميلادي و زواجي و دراستي وووو .. الا لادارة المنتدى.. ابنتى دنوره اولا طبعا كلنا اخوات وانا لم اسجل هنا فى المنتدى علشان اسخر من احد او احد يسخر منى ثانيا اعتقد انى من حقى اعرف اللى بتتناقش معى على الاقل اسمها ايه وسنها علشان اعرف اكلمها كما ناديتينى ب سلوى و سوسو بدون حتى ما تراعى انى فى سن والدتك تقريبا وبعدين لم اطلب منك عنوانك وتاريخ ميلادك و زواجك و دراستك وووووو خلافه مما ذكرتيه وسوف افترض حسن نيتك و انك لا تسخرى من طلبى بهذه الطريقة لانك فى سن اولادى وطالباتى بالجامعة ثالثا.. عشان خاطر حضرتك انا دنورة عندي 26 سنة طالبة في كلية تربية جامعة الاسكندرية.. لكى مطلق الحرية فى انك تحتفظى ببياناتك ولا تقوليها انتى حره طلما زى ما بتقولى بتسجلى فى منتديات كتييييره ولكنى عادة انا شخصيا احب اعرف انا بتناقش مع مين على الاقل ابسط المعلومات برضه انا حرة طلما لا اتعدى على خصوصيات احد و لا اتعدى حدود الزوق والادب فى الحوار مع من هم اكبلر منى سنا و اصغر بالطبع رابعا .. ظواهر التشدد اللي حضرتك تفضلتي بذكرها .. أ- سيطرة حزب الحرية و العدالة و حزب النور على اغلب المناصب : مااظنش انهم مسيطرين على شئ غير البرلمان و التأسيسية .. الاول جاء عن طريق الانتخابات و صناديق الاقتراع اللي صوت الاغلبية و الثانية طبيعي جدا لانهم الاغلبية في البرلمان لان هي دي وظيفة البرلمان التشريع وهو انتى يا دنورة عاوزة ايه اكتر من كده يمسكوه فى البلد برلمان ولجنة وضع الدستور و اظن شوفى اللى حاصل دلوقتى فى كل محافظات البلد بعض رفض باقى طوائف و احزاب الشعب للاعلان الدستورى و الشباب اللى لسة بيموت خلينا واقعيين لازم لا نكابر و البلد لازم يشترك فى تسييرها وحكمها كل فئات الشعب ما ينفعش حزب واحد و فصيل واحد فى كل مكان بلاش نغالط بالرغم اننى ممكن تحسبينى من التيار السلفى والحمد لله بس الديمقراطية بتقول لا انفراد بالحكم من فصيل واحد وانا لا احب ان نتصنف كلنا كمصريين الى اخوانى سلفى ناصرى ليبرالى مسيحى وفدى برادعاوى لا احب ابدا هذا التصنيف بل يجب ان نكون كلنا مصريين فقط البلد هتتحرق بالشكل ده لو د/ مرسى مالحقش البيان الدستورى ليناسب كل المصريين ويحجم سلطة رئيس الجمهورية ب-مناقشة مواضيع تافهة: موضوع سن الزواج من الموضوعات اللي تمت مناقشتها اثناء وضع الدستور مش فجأة طلعت في دماغهم و الدكتور احمد غانم عمل بحث في الموضوع ده ان في ولايات امريكية السن القانوني للزواج 14 و 15 و16 و لما الاسلاميين اعترضوا اعترضوا على تحديد سن معين للزواج ماقالوش ان البنت لازم تتجوز و هي عندها 9 سنين لان الامر ده بيختلف من مجتمع لآخر [COLOR="rgb(85, 107, 47)"]ايييييييوه الامر ده بيختلف من مجتمع لآخر وده موضوع تناقشت فيه قبل ذلك مع عضو محترم يا ريت تقرأى مشاركتى و رأىى فى هذا [/COLOR] جـ- نفس الاجابة أ دـ الاسلوب الهجومي موجود لدى الطرفين و ان كنت ارى انه في التيار الديني اقل حدة عن التيارات الاخرى ووجوده سمة طبيعية للاسف في السياسة .. و مع ذلك لازم يكون في طريقة مهذبة للحوار و انا شايفة انه التيار الديني ملتزم بالموضوع ده.. وموضوع التنابز بالالقاب موجود لدى الطرفين و ان كنت اعتب على التيار الديني اكثر في الموضوع ده لانهم تيار ديني .. لا اظن انه برضه موجود بكثرة على حد علمي شخصية واحدة او اتنين بالكثير [COLOR="rgb(85, 107, 47)"]الطريقة المهذبة للحوار لابد ان تتوفر لدى كل الاطراف ولا تنابز ................. ده المفروض ولا نقول طرف اقل حده من الآخر[/COLOR] الشيخ اللي تجاوز مع الهام شاهين و شخصية اعلامية تانية.. موضوع انهم خلفاء الله .. الصراحة مع كامل تقديري ليك يا باشمهندسة عمري ماشفت حد بيقول انا خليفة الله او مايشبه كده من قريب او بعيد و موضوع انهم صح و غير غلط .. كام فصيل سياسي شوفتيه حضرتك بيقول لا و الله انا غلط و غيري الصح موضوع التكقير ده اللي غريب قوي .. كل شوية يتقال الاسلاميين بيكفروا الناس .. حضرتك قوليلي مين اتكفر قبل كده [COLOR="rgb(85, 107, 47)"]كتيييييير واعملى بحث على النت و شوفى والمفروض اننا لا ننفر احد من الدين و النصح يكون بالحكمة و الموعظة الحسنه [/COLOR] على حد علمي ان عمر اديب و غيره ماشي في سكة التكفير دي كويس.. [COLOR="rgb(85, 107, 47)"]عمرو اديب ووائل الابراشى وغيرهم منهم لله لانهم بيشعلوا النار حسبى الله و نعم الوكيل فى كل من يلبسون الاقنعه [/COLOR] المحاكمات هاتتعاد و تقريبا لسه البيان صادر مش من زمان ومع كده الناس زعلانة [COLOR="rgb(85, 107, 47)"]يا مسهل [/COLOR] تخفيف الضغوط على المواطن عن طريق مجلس شعب مقوض و مخنوق من مجلس عسكري و من ناس مش عاوزة تديله اي صلاحيات .. غير ان اهم مهمة مفروض للبرلمان هي التشريع [COLOR="rgb(85, 107, 47)"]ده تخفيف الضغوط على المواطن الغلبان والاسعار و خلافه اللى الغلابه خلاص ما بقوش لاقيين يأكلوا [/COLOR] و لو قفل قناة التت هتترفع دعوى انها مافيهاش حاجة تخل بالآداب اكتر من اي فيلم عادي بيعرض في اي قناة عادية و اكيد كلي امل في الدستور الجديد ان تتحط فيه مواد اكثر جدية في التعامل مع الامور المخلة بالآداب [COLOR="rgb(85, 107, 47)"]لأ طبعا ياريت تتقفل والغريب انا قرأت خبر هنا بالمنتدى عن غلقها وللاسف لم يحدث ولو وضع بالدستور ما يمنع الاخلال بالاخلاق و اللآداب ملايين سوف تؤيد هذا [/COLOR] انا اسفة جدا على الاطالة .. و انا سعيدة ان حضرتك حد بيحترم الدين في كلامه و حاسس بأهميته في حياتنا .. وخوف حضرتك على البلد و تقبلي مني كامل الاحترام و التقدير

كلنا لازم نحترم الدين ونخاف على بلدنا ونقلع الاقنعة


ياريت تقرأى الموضوع ده
( ممنوع الدخول لمن يلبس القناع mask ) ستجديه فى الاستراحة
http://www.masrmotors.com/vb/showthread.php?t=103442

اتمنى لك كل التوفيق يا دنورة انتى واولادى وكل شباب مصر

[محمدصلاح القاضى]

اليوم فقط
اصبح الشعب المصرى اشجع شعب امام العالم بأكمله
فهو نصير نفسه بعد الله سبحانه وتعالى
فهو يرفض الذل والهوان من اى شخص كان سواء كان سلطته وصلاحيته
واصبح يعدل الى مساره الصحيح
والاعلان الدستورى للدكتور مرسى
يجعل اضعف شخص فى مصر يشعر بتقيض لحريته فى التعبير حتى عن ما بداخله لانه يتعارض مع النظام
وهذا الاعلان لم يستطيع نظام مبارك وضعه رغم جميع مساؤه لكن كان يحاول ان يحترم حرية الشعب قدر المستطاع
لكن باعلان حضرتكم الدستورى خسرت الكثييير من المؤيدين لحضرتك ورغم ان حضرتك تملك من العلم قدرا لابأس به يتمنى احد ان يصبح مثل قدرك
لكن بقرارت حضرتكم التى اعتبرها فيها شىء من الانفراد والسيطره لشخصك وجماعتك وللاسف بعضها يلغى بعد فتره وهذا ان دل على شىء انما يدل على مدى تخبطكم فى شئون الدوله وعدم توافر الوعى الكامل بكيفية اداره البلاد وخصوصا فى ظل الازمات المتتاليه وعدم وجود حكومه تمثل كفاة اطياف الشعب
جعلت الناس تشعر بانهم يعيشون فى نظام استعمار لكن فى اول طريقه لفرض السيطره الكامله
وكنا ننتظر من معاليك الرجوع فى الاعلان الدستورى لحماية البلد والحفاظ على الامن العام ومحاوله امتصاص غضب الجماهير
لكن للاسف معاليك اخذتكم العزه بالاثم فتعنتوا فى الاعلان ولم تتراجعوا
ولكن هناك ميزه واحده للاعلان الدستورى
وهى انها
ساعدت الشعب المصرى فى توحيد الصف رغم اختلاف الاديان والاحزاب موجهين غضبهم فى مواجهة الاخوان المسلمون متمثلين فى حزب الحريه والعداله وشخصكم الكريم
وللاسف انتم لم تتعلموا من اخطاء السابقين |
ولذلك عليكم مواجهة مصيركم المحتوم
والسلام وعليكم ورحمة الله وبركاته

رساله من العضو
محمد القاضى
مصرى جداااا

[bunnybunny77]

سيادة الرئيس مرسى حماه الله قدها و ادود, و ثبت خلال الفترة السابقة انه و بالرغم من كل المحاولات الدنيئة و المؤامرات التى تحاك له و التى تظهر فى ذروتها الان, يهديه الله لاتخاذ قرارات تجهض هذه المؤامرات بل و تقلبها لصالح مصر وشعبها,
الله مع الحق دائما و سينصره ان شاء الله رغم كيد الحاقدين و الفسدة و المنتفعين و الجهلاء و الجبناء, وفقك الله يا سيادة الرئيس

[mms]

المشاركة الأصلية كتبت بواسطة Eng/salwa بسم الله الرحمن الرحيم السلام عليكم ورحمة الله وبركاته أ د /محمد مرسى انا اخت مصرية لك من ملايين المصريين فى هذا البلد المحروسة مصر الحبيبة وانا اعرفك شخصيا من كلية الهندسة جامعة القاهرة كليتى الحبيبة والتى اكن كل احترام لزملائى وزميلاتى خريجى هذة الكلية العريقة التى اعشقها عاوزة اتكلم معك بمنتهى البساطة و بدون حرج (اترك الرئاسة سيدى الرئيس لكل لائم ولكل منتقد !!!!!!! أترك الكرسى المسئولية كبيرة قوى عليك والمنتقدين كتييييير و المهاجمين اكتر عارفة انك بتحاول تقوم بالبلد بس جماعة الاخوان بدل ما يساعدوك من ناحية بيشدوك لتحت التشدد منهم فى اشياء مش وقتها خالص هيضيع الامور من ايديك انصار منافسك الفريق شفيق مش قليلين لا تنسى انهم كانوا تقريبا 50 % يعنى نصف البلد تقريبا عاوزين الشماته ومتربصين بك من كل اتجاه خطأ عامل مهمل للمزلقان فى اسيوط حمل عليك وعلى حكومتك لن يتركك احد حتى تقوم بالبلد دعهم يجربون وتصبح مصر حقل تجارب للجميع قل لهم تعالوا انتوا تحملوا المسئولية وشيلوا البلد بصراحة انا لم انتخبك اول مرة انتخبت د/ابو الفتوح وكنت اتوسم فيه خير والوسطية كنت خايفة من تشدد التيارات الاخوانية برغم انى و الحمد لله مسلمة و ملتزمة بس قلت يا ريت لو لم يكسب ابو الفتوح يكسب حمدين صباحى ولكن عندما وصلنا لمفترق الطرق كان مستحيل اختار شفيق او عمرو موسى انا مشفقة عليك من الحمل الثقيل عليك لاننى اعرفك شخصيا اعلم انك متقى لله واستاذ كبير فى الهندسة بس يمكن السياسة عاوزة ناس تانية وعلى فكرة اى حد كان هيفوز غيرك بالرئاسة كنت برضة هتعاطف معه وادعو له بالتوفيق و النهوض بالبلد والله حتى لو كان شفيق او غيرة كنت مش هحاربه او اتصيد له اخطاء كنت هقول برضه نصبر على اى رئيس الله يكون فى عونه لكن يبدو ان المصريين اصبحوا عدوانين قوى ومتصيدين قوى وكلامهم كتير قوى و مجادلين قوى كلهم اصبحوا فاهمين فى كل حاجة ومش راضيين عن اى حاجة عاوزين اعتراضات ووقفات ومليونيات وبس لا للعمل و الانتاج ولا للصبر كل واحد شايف نفسه هو بس اللى صح والباقيين غلط ما فيش حد يضع نفسه مكان الآخر و يلتمس له العذر حاجة غريبة وكأننا كل همنا الاعتراض وبس طيب اقترح عليك سيدى الرئيس محاولة اخيرة ربما نصلح شئ ؟؟؟؟؟؟ إشرك معك كل منافسيك على الكرسى وكل أعلام البلد من السياسين اللآمعين ومسكهم وزارات وحكومة و برلمان و لجنة دستور وابعد شوية عن فصيلة بعينها ....... انسلخ بعيدا شوية عن الاخوان وقرب شوية من الفصائل المدنية العادية حمدين صباحى وخالد على و حمدى قنديل وعمرو موسى و جورج اسحاق و غيرهم كتير استعين بناس من دول يمكن العملية تتلحق قبل فوات الآوان قلبى معاك المسئولية كبيرة والحمل اكبر واى مصيبة هتحصل جوة البلد و ربما برة البلد هيتقال مرسى السبب والتطاول وسلاطة اللسان كتروا قوى واللى قبل كده ماكانش يقدر يفتح فمه اصبح يتريق و يشتم ويجعجع ويرسم كاريكاتير ونكت وحاجات كتيير لا تصح ومهما هتقول عيب ما فيش فايدة والله لو كان شفيق او غيرة مسك البلد كنت برضة هكون مشفقة عليه من المسئولية بس للاسف مش عارفة ايه اللى حصل لنا المفروض مصلحة وطننا يكون فوق الجميع فين الديمقراطية وادب الحوار فين العمل والصبر لرفعة الوطن الكل عاوز مصلحته وبس الحق الامور قبل ان تتفلت منك يا د/مرسى والا الافضل سيب الكرسى و ارجع درس فى كلية الهندسة ياعينى عليكى يا مصر

اختى الفاضله جزاك الله كل خير على حسن القصد وسلامه النيه . وعفا الله تعالى عنك ان اخطاتى الحل .
اوافقك فى ان المتجرئين كثر . و المتربصين اكثر .
لكن كيف يكون الحل عندك ؟ ان يترك القوى الامين حمل المسؤوليه الى الخائن الاثيم ؟
او كيف يكون الحل ان يشرك الحاكم معه المناوئين له فى امور الحكم ؟!!!!
ان المساله ليست تركه تقسم حتى يقتسم فيها من يحضر ...................
او ان شؤون الحكم وليمه يجب ان نرضى منها كل ساخط ..................
او ان مستقبل الوطن مجرد تجربه بحيث يتصدى للقيام على امره من شاء ان يجرب .
الامر غير ذلك تماما ...
ثم كيف تسوين بين د. مرسى والفريق شفيق .......... الاول مشهود له بطهاره اليد ونقاء القلب وحسن السمعه ونضج التفكير وتوقد الذهن ورحابه الصدر ,,,,,,,,,, شاء من شاء وابى من ابى .
اما الآخر فحدثى ولا حرج ... هو المقرب من مبارك ( واقر بانه قدوته ! ) ويده ملوثه بدماء الشهداء . ومدنسه بسرقه اموال المصريين .فهو حاليا فى اقل وصف الهارب من العداله .........اسمحيلى ليس من العقل ولا من العدل التسويه بين الرجلين .
اختى الفاضله.................. ..........
لا تقلقى :

• مرسى الوحيد المنتخب انتخابا حرا وتتجلى فيه اراده الشعب حاكما ومسؤلا .
• الزند وعبدالمجيد معينين من نظام فاسد وظالم واستبدادى . مجالهما القضاء والنيابه وليس الحكم والسياسه .
• ان هيبه القضاء تنبع من كونه محقق العدل فان لم يحققه فلا هيبه له .
• ان البراءه من دم الشهداء وضياعه سدى فى دوامه الاجراءات والشكليات ليست من العدل .
• الاخوان المسلمون مؤسسه محترمه يؤكد احترامها تاريخها وواقعها المادى المنظور . وما ينال منها ما هو الامحض افتراءات واكاذيب اتحدى ان يثبتها مخلوق .
• ان الاحداث الآنيه لن تعصف الا بالمغرضين .
• فلا تقلقى ,,,,,وتقبلى تحياتى ,

[danoora]

ماما سلوى انا اسفة حقك عليا والله ماكنتش اعرف و الله انا حضرتك اكبر مني اولا ثانيا انا ماكنتش بسخر و الله ابدا
ثالثا ادي راسك ابوسها
ليس منا من لم يوقر كبيرنا ويرحم صغيرنا