|
#1
19-11-2012, 02:28 PM
|
||||
|
||||
خطاب عاجل ونصيحة للرئيس مرسى (سيب الكرسى)
بسم الله الرحمن الرحيم
السلام عليكم ورحمة الله وبركاته  أ د /محمد مرسىانا اخت مصرية لك من ملايين المصريين فى هذا البلد المحروسة مصر الحبيبة وانا اعرفك شخصيا من كلية الهندسة جامعة القاهرة كليتى الحبيبة والتى اكن كل احترام لزملائى وزميلاتى خريجى هذة الكلية العريقة التى اعشقها عاوزة اتكلم معك بمنتهى البساطة و بدون حرج (اترك الرئاسة سيدى الرئيس لكل لائم ولكل منتقد !!!!!!! أترك الكرسى المسئولية كبيرة قوى عليك والمنتقدين كتييييير و المهاجمين اكتر عارفة انك بتحاول تقوم بالبلد بس جماعة الاخوان بدل ما يساعدوك من ناحية بيشدوك لتحت التشدد منهم فى اشياء مش وقتها خالص هيضيع الامور من ايديك انصار منافسك الفريق شفيق مش قليلين لا تنسى انهم كانوا تقريبا 50 % يعنى نصف البلد تقريبا عاوزين الشماته ومتربصين بك من كل اتجاه خطأ عامل مهمل للمزلقان فى اسيوط حمل عليك وعلى حكومتك لن يتركك احد حتى تقوم بالبلد دعهم يجربون وتصبح مصر حقل تجارب للجميع قل لهم تعالوا انتوا تحملوا المسئولية وشيلوا البلد بصراحة انا لم انتخبك اول مرة انتخبت د/ابو الفتوح وكنت اتوسم فيه خير والوسطية كنت خايفة من تشدد التيارات الاخوانية برغم انى و الحمد لله مسلمة و ملتزمة بس قلت يا ريت لو لم يكسب ابو الفتوح يكسب حمدين صباحى ولكن عندما وصلنا لمفترق الطرق كان مستحيل اختار شفيق او عمرو موسى انا مشفقة عليك من الحمل الثقيل عليك لاننى اعرفك شخصيا اعلم انك متقى لله واستاذ كبير فى الهندسة بس يمكن السياسة عاوزة ناس تانية وعلى فكرة اى حد كان هيفوز غيرك بالرئاسة كنت برضة هتعاطف معه وادعو له بالتوفيق و النهوض بالبلد والله حتى لو كان شفيق او غيرة كنت مش هحاربه او اتصيد له اخطاء كنت هقول برضه نصبر على اى رئيس الله يكون فى عونه لكن يبدو ان المصريين اصبحوا عدوانين قوى ومتصيدين قوى وكلامهم كتير قوى و مجادلين قوى كلهم اصبحوا فاهمين فى كل حاجة ومش راضيين عن اى حاجة عاوزين اعتراضات ووقفات ومليونيات وبس لا للعمل و الانتاج ولا للصبر كل واحد شايف نفسه هو بس اللى صح والباقيين غلط ما فيش حد يضع نفسه مكان الآخر و يلتمس له العذر حاجة غريبة وكأننا كل همنا الاعتراض وبس طيب اقترح عليك سيدى الرئيس محاولة اخيرة ربما نصلح شئ ؟؟؟؟؟؟ إشرك معك كل منافسيك على الكرسى وكل أعلام البلد من السياسين اللآمعين ومسكهم وزارات وحكومة و برلمان و لجنة دستور وابعد شوية عن فصيلة بعينها ....... انسلخ بعيدا شوية عن الاخوان وقرب شوية من الفصائل المدنية العادية حمدين صباحى وخالد على و حمدى قنديل وعمرو موسى و جورج اسحاق و غيرهم كتير استعين بناس من دول يمكن العملية تتلحق قبل فوات الآوان قلبى معاك المسئولية كبيرة والحمل اكبر واى مصيبة هتحصل جوة البلد و ربما برة البلد هيتقال مرسى السبب والتطاول وسلاطة اللسان كتروا قوى واللى قبل كده ماكانش يقدر يفتح فمه اصبح يتريق و يشتم ويجعجع ويرسم كاريكاتير ونكت وحاجات كتيير لا تصح ومهما هتقول عيب ما فيش فايدة والله لو كان شفيق او غيرة مسك البلد كنت برضة هكون مشفقة عليه من المسئولية بس للاسف مش عارفة ايه اللى حصل لنا المفروض مصلحة وطننا يكون فوق الجميع فين الديمقراطية وادب الحوار فين العمل والصبر لرفعة الوطن الكل عاوز مصلحته وبس الحق الامور قبل ان تتفلت منك يا د/مرسى والا الافضل سيب الكرسى و ارجع درس فى كلية الهندسة  ياعينى عليكى يا مصر
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم 
|
|
#2
20-11-2012, 07:34 AM
|
|||
|
|||
|
رد: خطاب عاجل ونصيحة للرئيس مرسى (سيب الكرسى)
وياترى حضرتك قلتى إيه يوم عبارة السلام يوم المخلوع ما غرق في عصره الميمون 1200 مصري...وراح يتفرج علي ماتش كورة ويبوس مراته....نسيتوا ولا إيه....؟؟؟؟بتضحكوا علي مين....؟؟؟؟غيركم أشطر...العبي غيرها ياهندسة....
|
|
#3
20-11-2012, 02:39 PM
|
||||
|
||||
رد: خطاب عاجل ونصيحة للرئيس مرسى (سيب الكرسى)
السلام عليكم ورحمة الله وبركاته انا لا العبها ولا العب غيرها انا بكل امانة قلت رأى مجرد خاص بى ولك الحق ان تقول رأيك انا لم ادافع عن المخلوع ولا ابكى على ايامه ربنا ينتقم منه كل ما نحن فيه من اهمال و فساد هو حصاد ايامه انا مجرد شخص اعرف د/مرسى شخصيا و اشفق عليه واظن ده واضح من كلامى السابق اللى اعتقدت حضرتك انه لعبه ويعلم ربى اننى لا اجيد اللعب بالالفاظ او اللف والدوران وادعو ربنا ان نعبر بالبلد من هذه المرحلة الصعبة و لا اتمنى لمرسى او على فكرة لو كان اى شخص آخر مسك البلد غيرة لا اتمنى له سوى التوفيق و النجاح سامحك الله على سوء الظن بى كان ممكن تقول رأيك بأسلوب الطف و ابسط من هذا والا خلينا بقه كلنا نبدأ شجارات جديدة و مجادلات بدون مراعاه لرأى الآخر وهو ده اللى جايب البلد للخلف ربنا يسترها على بلدنا من كل الاحداث الجارية وطلما حضرتك ناصح قوى كدة اسما خليك ناصح تفكيرا و قولا ولا تتسرع فى الحكم على احد وتحجر على نواياه لا يعلم النوايا الا الله هداك و هدانا جميعا رب العالمين وربنا يسترها  آه وعلى فكرة انت سألتنى قلت ايه عن المخلوع يوم غرق العبارة قلت ربنا ينتقم منه و دعوت عليه بكل ما أوتيت من قوة حسبى الله ونعم الوكيل فيه وفى كل مفسد فى الارض ربنا يورينا عجائب قدرته فيك يا مبارك انت وكل اتباعك وكل من سرق و نهب البلد و تركها خربانه وربنا يعين القائمين بالامر فى البلد ونعديها على خير اخى الناصح ابقى فكر كويس واقرأ قبل ان ترد على احد واحسن الظن والبلد لا تتحمل اى ألعاب وعلى فكرة احنا لو هنقعد نقول طيب ما حصل مصائب كتيييير ايام مبارك يبقى عمرنا ما هنتقدم هو احنا هناخد ايام الملعون هذا مثال ربنا يلعنه دنيا و آخرة لازم نبص بقه للامام ونصلح و نتشتغل ونشوف سلبيت البلد ونصلحها مش سايبين الفساد و الخراب و الرشوة و السكك الحديد ورغيف الخبز و و و و ونقعد نقول ما كل ده كان ايام مبارك أمال احنا خاعنا مبارك ليه بقه لا حول ولا قوة الا بالله وعلى فكرة البلد مش هتتغير الا لما كلنا نتغير و نشتغل بضمير بقه ونبطل اتهمات وكلام وكمان حضرتك بتقول انتم نسيتم و كان غيركم اشطر همه مين دول اللى انت بتكلمهم هو لازم كل مناقشة يبقى فيها انتم و احنا و كأننا فريقين متضادين بلاش بقه الاسلوب العدوانى ده وكفاية القاء تهم و احنا و انتم ويتقسم الشعب المصرى الى فرق متعادية كفانا كفانا اخى الناصح صاحب التلميحات الناصحة ياريت نخلى النصاحة دى كلنا فى العمل و الانتاج مش الاتهمات و سوء الظن فقط هدانا الله و اياك  
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم التعديل الأخير تم بواسطة Eng/salwa ; 20-11-2012 الساعة 03:07 PM
|
|
#4
20-11-2012, 06:39 PM
|
||||
|
||||
رد: خطاب عاجل ونصيحة للرئيس مرسى (سيب الكرسى)
 الحمد لله رُزِقنا برئيس يحفظ القراّن الكريم ويتقى الله ويصلى الفجر ومعظمنا وأولهم أنا نيام فلنصبر وندعوا الله
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/  
|
|
#5
20-11-2012, 06:56 PM
|
||||
|
||||
رد: خطاب عاجل ونصيحة للرئيس مرسى (سيب الكرسى)
والله يا بشمهندس انا فعلا من جوايا شايفة انه متقى لله ومبسوطة ان رئيسنا يحفظ القرآن و يصلى الفجر وادعو له من كل قلبى ربنا يوفقه ويعدى بالبلد للامان بس ما يحدث بالبلد الاهمال والفساد اللى عاوز سنين لاصلاحه مناقشة سن زواج البنات و الفتاوى اللى مش وقتها خالص الاخوان و التشدد وتخويف الناس اللى ممكن تكون هى اصلا خايفة من الاسلام انا فعلا ادعو له بالتوفيق بس نفسى ينسلخ شوية عن الجماعة و يستعين بكل فئات الشعب عارفة ان ارضاء كل الناس غاية لا تدرك بس محاولات اسقاطه من الداخل كتيييرة جدا وعاوزاه يفوق وعموما ربنا معاه وربنا يسترها شكرا على المشاركة يا بشمهندس 
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم
|
 |
|
|
