ارشيف الاستراحة 2011

[حازم شاهين]

رحم الله أبى القاسم الشابى
توفى فى سن 25 سنة
يقال أنه لو كان ألله قدر الله طول العمر
لانتزع إمارة الشعر من أحمد شوقى

و بعد خمسة و سبعين عام من وفاته
ألهمت كلماته الخالد الشعب التونسى
فى ثورته البيضاء

مبروك لتونس و لشعبها العظيم

[سالم سلامه]

بارك الله فيك حازم بيك

[د.كمال]

الأخوه الأعزاء حبيت أجبلكوا النهارده حبه غرائب عن عالم الحيوان كنوع من الفرفشه عشان نخرج من الجو المتوتر بتاع تونس والهجوم على المنتدى وغيره وغيره من اعباء الحياه
- إذا مات الفيل وهو واقف فأنه يظل واقفا لبضع ساعات قبل أن يسقط
- النعامه لا تدفن رأسها فى الرمال هربا من المخاطر بل بحثا عن الماء
- النعامه تعيش حتى سن 75 عاما وتظل قادره على التكاثر حتى سن ال50
- زئير الأسد يمكن سماعه من على مسافه 8 كيلو متر
- ذكر الثعلب لا يقترب سوى بأنثى واحده فقط طوال حياته وإذا ماتت تلك الأنثى فإن الذكر يظل عزبا طوال حياته ...أما إذا مات الذكر فإن الأنثى لاتتورع عن الارتباط بذكر جديد
-إذا علقت رجل الذئب فى مصيده فأنه سيعمل على عض وقطع رجله
- هناك نوع من النمل يشتهر بأسم (النمل السفاح) وذلك لأنه يشن غارات على مستعمرات النمل المجاوره له حيث يقتل ملكاتها وينهب محتوياتها ثم يقتاد عددا من ذلك النمل ويجبره على العمل كعبيد لديه
-النمله تستطيع ان تحمل أجساما أثقل منها ب50 ضعف وتجر أجساما أثقل منها ب30 ضعف
-وضعيه عين الحمار فى رأسه تسمح له برؤيه حوافره الاربعه بشكل دائم فى ان واحد
-تنام الابقار 3 ساعات يوميا فقط
-تتذوق الفراشات بواسطه أقدامها
اما الغريبه التاليه فهى من عالم الانسان
قبل بضع سنوات ضربت صاعقه رعديه ملعبا لكره القدم فى جمهوريه الكونغوالديمقراطيه خلال احدى المباريات والغريب ان ان تلك الصاعقه قتلت جميع لاعبى أحدى الفريقين فى حين لم يصب أى لاعب من لاعبى الفريق المنافس
دمتم بخير ........................م نقول

[Komy]

المشاركة الأصلية كتبت بواسطة aboelesaad موضوع في غايه من الاهميه و بحي حضرتك اوووي بجد علي طرحه بس تعالا بينا ننظر للموضوع من الاصل بمعني اساس كثره المشاكل بين اي طرفين "بوجه عام" هو عدم التفاهم وعدم التفاهم بيجي من عدم تقارب الافكار والتربيه والتدين ومجتمعنا دلوقتي بعد جولات العولمه بقي منقسم لثلاث اطراف يا اما متمدن و بيقلد الغرب باسلوب اعمي ولا فاهم هو بيعمل كده لي " مجرد تقليد " عشان يكفي شعوره بالتمدن و انه مش دقه قديمه يا اما متدين جدا و متمسك بكل التقاليد والافكار القديمه والتي تعاكس تماما التمدن الحالي اما الطرف التالت الي هو قد يكون منعدم جامع ما بيد الدين و التكنولوجيا قدر يواكب العصر في صورته الاصليه متطور وليس متهور " علي رأي هاني رمزي قولتلك اتطوري مش اتهوري " فنيجي للقسم الاول : شباب مش شايفين الدنيا الا بعيون الغرب والي بيخليهم كده مفيش توعيه تماما من دور البيت "وما اكتر ده بمجتمعنا " تلاقيه كل حاجه مباحه ليه و الاب متخيل ان كده بيريح اولاده او بيعيشهم في دنيا جميله جنه عشان ميحصلهمش الي حصلو ويتعبهم وده يا اما خوف زياده مبالغ فيه غير مرغوب فيه يا اما عايز يتهور ويعيش اولاده في مجتمع مش مجتمعهم فبالتالي يطلع محصول تعب الاب زرعه بائسه لا تستطيع حتي مقاومه هواء الربيع فما بالك بهواء امشير .....؟؟؟؟ نيجي للقسم التاني : شباب مغلوقين تماما عن الدنيا وكل حاجه حرام " علي رأي ياسمين عبد العزيز ... التلفزيون ده حرام الابجوره دي حرام التليفون ده حرام " مش عاجبه حاجه في الدنيا ولا هيعجبه لانه فاهم الدنيا و الدين غلط فعايش في كهف ومش عايز يطلع منه القسم التالت : اب و ام ربو اولادهم علي الدين و سابوهم يكسرو في جبال الدنيا بمعني يشق طريقه بنفسه من وهو طفل يعلمه يعني اي مصرف شهري و ده مرتبه يدبر امور نفسه و لو مش عارف يشتغل ان شالله في البيت يفتح مشروع في البيت والزباين هما الاب و الام يكبر في ابنه يعني اي تحمل مسئوليه يعني اي الرجوله و التفكير السليم سايبين اولادهم ينطلقو بس مراقبين من بعيد من غير ما الاولاد يحسو بيهم زرعو فيهم التفاهم و كبروهم من بدري الخلاصه :::: اكنك بتولع شمعه اي رأيك تحاوط عليها اوي لدرجه ايدك تطفيها والا تحاوط عليها من بعيد بحيث تنور وتحافظ عليها والا تسيبها خالص تنور لوحدها و اي نسمه هوا يمطوحوها ...........؟؟؟؟ :::: نيجي بقي للشباب في فتره تجمع الكليه و ما بعد الكليه فتره الشغل ولد مستهتر معاه عربيه و مش عارف شقه فين و عامل شعره ازاي " من الفئه الاولي " يشوف بنت بدر منور عجبه لبسها و يقول جواه اكيد موقفتش مع ولد غيري ملهاش ماضي الييييييم " مهو عارف هو نيل اي فخايف يرتبط بواحده ليها ماضي " يروح يتقدم اهل العروسه يقولو ده شكلو جدع و ابن ناس و معاهم فلوس يلا اتجوزو و بعد 5 شهور او اقل يبدأ صدام اختلاف الدين و التربيه وينتهي الموضوع بطلاق وهكذا بعمليات تباديل مع باقي شرائح المجتمع وجه نظري المتواضعه للحل تجاه تلك النقطه لي الواحد ميبص هو تربيته اي و يشوف الي يناسبه .........؟؟؟ الشباب يقولو الحب هيصنع المعجزات ......... اه انا معترضتش بس اما يكون في توافق فكري و ديني و تربوي يصنع الذره و حياتك مش المعجزات بس خلينا نبص انا اي و عايز اي ومحتاج اي مش انبهر بشكل بنت او شكل ولد وهو لا تربيتي ولا تفكيري ولا اندرج تجاه كلمه حب احنا بشر و الحب بلا توافق يبقي بذره بلا تربه اه هتنور وتطلع بس هتموت بسرعه خلينا نطور مش نتهور خلينا واقعين مش عاطفيين خلينا مسلمين مش اوروبين اما في بقي منطق العصمه في ايد الزوجه انا معاك ان الزوجه الصالحه لها مقدره تدبر شئون بتها و تخليه جنه بالتدبير السليم بس في الاول و الاخر قلب عاطفي غير موضوعي " ولكل قاعده شواذ " يعني في رجاله خساره فيهم لقب راجل و في ستات بميت راجل " الرجوله مش بالصنف الرجوله بالفكر و القدره علي التصرف " بس الاسلام جه لكل زمان و مكان ولحد ما القيامه هتقوم فالراجل نسبته في القدره علي التصرف و تحمل المسئوليه اعلي بكتييييييييير من الست اما بقي عشان نعدل المجتمع بعد ما بااااااااااظ و خرررررب ومن وجه نظري المتواضعه "ومفيش ست تزعل مني " .......... بدايه الخراب اما طلعو في حوار المساواه بين الرجل و المرأه .........بدايه الخراب اما سمعنا ان ست صلت إمام وخلفها مجموعه من الرجال ببلاد الغرب ............بدايه الخراب اما الست بقت قاضيه طول ما الستات فاهمه ان الراجل زي الست والله هنفضل نرجع لورا لحد ما نفهم ونعرف ان الست ست و الراجل راجل الست اتخلقت عشان تراعي بيتها وتربي اولادها تتعلم اه و تبقي واعيه اه عشان تربي ولادها مش عشان يطلعو في دماغنا ويقولو ان الست تشتغل وتسيب ولادها لشغاله ولا تربي ولا تقول عيب و غلط و الطفل يطلع ولا يعرف الغلط من الصح ونسيب الشمعه منوره بلا جدران حمايه و مع اول نسمه هوا هتنطفي عشان نعدل الدنيا البنات تتعلم اه توصل لدرجه علميه قبل الزواج ممتازة بس من يوم جوازها تقعد في البيت معززة مبجله تشتغل الشغلانه الي ربنا خلها ليها شغلها في الدينا دي مش شغلانتها الراجل اتخلق عشان يشقي و يتعب و ربنا اداله مقومات جسديه و فكريه تأهله لكده اما الست حشرت نفسها في كل اشغال الراجل واهملت وظيفتها الاساسيه والله حاجه في قمه الحزن اما نلاقي الستات بيلعبو مصارعه ..... تنازلو عن كونيتهم كانثيات لمجرد المساواه بين الراجل و المرأه والدنيا اتقلبت الراجل بقي فافي و فرفور و الست بقت عضلات و ابضاي الحل نفهم كل حاجه في امور دينا ونواكب العصر بلا تهور اتمني يكون كلامي واضح وتكون وجه نظري وصلت للجميع تقبلو جميعا خالص تحياتي

كل ده يا ابو الاسعاد ده انت طلعت داهية طب انا مستنى اشوفك لما تتجوز زينا كده هتعمل إيه

[lol64]

شكرا احمد وان شاء الله ننشر الموضوع ده