|
المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
أدوات الموضوع |
#1
|
||||
|
||||
أفضل انواع الزيوت المستخدمة فى مصر...
انا من انصار الزيوت الل بتتغير على فترات متقاربة ، يعنى الحاحاجات اللى بتتغير على 3000 الى 5000، لا افضل الزيوت التخليقية لأن بلدنا متربة وبنزينها مش حلو ودا بيخلى الزيت يتوسخ بسرعة فحتى لو هو من النوع الذى لا يفقد لزوجته فخواصه بتتأثر بالتراب
انا جربت الانواع الآتية وعارف انها ممتازة: شل هيليكس(الجركن الأصفر)، توتال كوارتز 5000،موبيل XHP ،إسو يونيفلو لا انصح بزيوت محركات التعاون لانها سريعة البخر الزيوت من الانواع اللى انا قلتهالك دى تتغير من 3500 كيلومتر الى 4000 كيلومتر الزيت بتعرف اساسا من حاجتين، اللزوجة اولا واللون(بدرجة اقل) ثانيا اللزوجة بتتعرف بمقارنة العرق (بكسر العين) اللى بيعملة الزيت فى إيدك بنفس اللى كان بيعمله وهو جديد، يعنى انت اول ما بتحط الزيت بتاخد نقطة منه بين صباعينك الإبهام والسبابة وتفصل الصباعين عن بعض وتشوف المسافة اللى هايفضل الزيت متصل ببعضه فيها قبل ما يفصل عن بعضه لما المسافة دى تلاقيها قلت يبقى الزيت لزوجته قلت(مع مراعاة ان الإختبار يتم والزيت بارد فى الحالتين) الحاجة التانية بالنبة للزوجة لما تلاقى الزيت وهو ساخن بينقط من على المقياس كأنه ماء بدو تماسك تعرف ان لزوجته قلت يالنسبة للون ، لما لون الزيت يوصل انه اسود غطيس لا يظهر فيه اثر للون الزيت الاصف الأصلى يبق لازم يتغير، لكن طول ما هو اسود بس فيه اثر للصفار مش مشكلة طالما اناللزوجة على ما يرام سبعاوى وردا علي السؤال التالي " انا رحت محطة شل اشترى زيت محرك يعمل 3000 كيلو العامل ادانى عبوة لونها احمر ب 36 جنية وكان عندة عبوة لونها اصفر قالى دى 5000 كيلو المهم رحت عند ورشة تغيير الزيوت جنب البيت بحب اتعامل معاهم عشان الراجل بيحط الزييت وبيظبطلى كل حاجة براحتى فقالى الزيت دا بكام قلتلة ب 36 جنية وبيعمل 3000 كيلو قالى ازاى دا انا عندى الزيت ال 1000 بيعمل 35 جنية وورانى علبة عندة شل بس لونها ابيض انا استغربت ازاى الراجل قالى دا يعمل 3000 والعامل بيقول دا مستحييل عشان ال 1000 بيتباع بنفس السعر تقيبا بعد فحصى للعبوة اللى انا جبتها ملاقيتش اى كتابة تقول انه يعمل 3000 بس رمن 50w و 20ًw طب ازاى انا اعرف بقى الزيت دا يعمل كام الف ممكن اى حد كدا ينصب عليا مش عارف وايه افضل زيت وماركة وعمر يعنى 3000 ولا 5000 ولا 10000 ولا 1000 اشتغل على ايه؟؟؟؟؟ وازاى اعرف وشكرا ليك يا سبعاوى باشا " قال الفيلسوف :wink: الإتنين كلامهم صح، عامل محطة البنزبن وعامل تغيير الزيت الزيت اللى هو بيقول علية عامل الزوت ابو علبة بيضا دة زيت عادة ، يعنى احادى الدرجة وبيكون درجة لزوجة SAE40 ، ودة بيستعمل للمحركات القديمة وبيتغر كل ألف لكن بالنسبة للمحركات الجيدية هتلاقى نوعين زيت والأتنين درجة لزوجة SAE20- 50، نوع رخيص بيتغير كل 3000 ونوع اغلى بيتغير كل 5000 وبعدين بعد كدة هتلاقى انوع غالية تخليقية فى منها 9000 وفيه منها 12000 الف وبتكون درجة لزوجةSAE10-50 أو SAE5-50 انا معرفش ايه هو نوع عربيتك، فالنصيحة انك تحط النوع اللى بيقعد 5000 كيومتر(الأصفر بتاع شل) او ما يقابله من الشركات الأخرى(توتال كوارتز 5000)او(موبيل XHP) او (إسو يونيفلو) وغيره كل 3500 الى 4000 كيلومتر علشان بلدنا تراب وبنزيننا وحش وبالتالى الزيت عمرة بيكون اقصر شوية من المواصفات العالمية لو موتورك خفيف يبقى مافيش غير شل X100 وتغيره كل 1500-2000 كيلومتر
__________________
كن مطمئنا جدا جدا و لا تفكر فى الأمر كثيرا بل دع الأمر لمن بيده الأمر السرعة فى القلب و القلب ميت..هدفى بدون تفكير و سباق بدون قلب.. |
#2
|
||||
|
||||
رد: أفضل انواع الزيوت المستخدمة فى مصر...
تسلم ايدك معلومات قيمة انا بحط زيت تويوتا هو 10000 كيلو العبوة ب 150 جنية بنزلة علي 8000 كيلو وبيبقي ماشاء اللة في لزوجة تقبل مروري اخي الكريم |
#3
|
رد: أفضل انواع الزيوت المستخدمة فى مصر...
انا بحط فيسكو 2000 الاماراتى بصراحة تحفة المفروض بينزل على 5000ك بس بيقعد لحد 8000 ك ولزوجته ما بتتغيرش وكمان بينظف الموتور وبيحافظ عليه وسعره 97 جنيه
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم |
|
|