#1
|
|||
|
|||
ساعدوني في مشكلتي ارجوكم
عندي مشكله في العربيه بقالي فتره
العربيه مازدا 929 موديل 1981 سعه 2000 سي سي كاربيراتير 2 باب العربيه كانت بتوصل لسرعه 170 ك/س بتسارع ممتاز و بدون اي عناء و لكن من قتره العربيه بقت بتنتش في اخر كل غيار و بتوصل من 100 الي 120 بطلوع الروح و اول ما توصل 120 تبدا تنتش بالرغم ان الدواسه ماوصلتش للاخر ضبطت التكيهات و غيرت البوجيهات و غيرت الاسبراتير وغيرت فلتر البنزين والهواء و جبت طقم اصلاح للكربيراتير و نظفت الكربيراتير مرات عديده مع العلم ان العربيه متعمره من سنه تقربيا كرنك جديد ستاندر اول خرطه و بساتم جديده و صبابات جديده و ماتاكلش زيت خالص المشكله الرهيبه ان كل ميكانيكي بيقولي سبب شكل و يشتغل و بعدين يشتغلني و يقولي كده ميه ميه و كانك يا ابو زيد ما غزيت و عمال اكع مصنعيات بلا فائده و دي اخر الاراء 1- رداخ البنزين مش قوي كفايه (طرمبه البنزين كهرباء ياباني ميتسوبيشي اصلي بقالها سنه ونصف تقربيا) 2- العربيه خالفه تقسيمه 3- التكيهات ضبطها غريب لما تضبطها علي 20 تبرجل في السلنساه و تسخن و لازم تضبط علي 30 عشان البرجله تقل شويه و مع ذللك السلنسيه مش حلو في رعشه بتيجي كل 5 ثواني تقريبا . فهل لو التقسيمه خالفه تعمل كده ولا الطرمبه ولا ايه يا ريت كل اللي عنده فكره او تفسير يساعدني و لكم جزيل الشكر |
#2
|
رد: ساعدوني في مشكلتي ارجوكم
عليك واستشارات الباشمهندس/ سمير عياد اللى حيظهر كمان شوية ... يالا يا باشمهندس أفتينا
__________________
هشـــام باهـــى اسكندرانى يعيش فى القاهرة من 14 سنة |
#3
|
||||
|
||||
رد: ساعدوني في مشكلتي ارجوكم
حد اتاكد من ميكانزم البوابة التانية ؟
هل تقدر تربط زمنيا ما بين ظهور المشكلة و اى اعمل صيانة مثلا زى تغيير سير الكاتينة هل الماتور به صمام بيئة egr
__________________
سبحانك لا علم لنا الا ما علمتنا |
#4
|
|||
|
|||
رد: ساعدوني في مشكلتي ارجوكم
ماتبص علي سشرفيس الكهربا الابلتين و الكوندسر و البوبينه
|
#5
|
||||
|
||||
رد: ساعدوني في مشكلتي ارجوكم
طالما توجد تنتيشه مع السحب فى السرعات العاليه وممكن تراجع على خرطوم البنزين الذاهب من الطلمبه للكربوراتير جايز يكون مخنوق أو به أنثناء بيؤثر على كمية البنزين الذاهبه من الطلمبه للكربوراتير ____________________ بالمناسبه ماهى أخبار أستهلاك البنزين معاك أعتقد حتقوللى كويس ويمكن تكون ملاحظ توفير فى الآونه الأخيره
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
|