استفسار بخصوص تنظيف دورة بنزين الالنترا

[casper__007]

السلام عليكم

لو سمحت يا رجاله انا كان ليا شويه استفسارات بخصوص الموضوع ده

انا امبارح اشتريت زجاجه تنظيف لدورة البنزين لونها احمر العنق بتاعها طويل كده ومكتوب عليا بالخط العريض Fule injection وكانت ب 15 جنيه من البنزينه
بس الراجل اللى فى البنزينه قالى ان الزجاجه السودا احسن من الحمرا بس بصراحه ملقتش مكتوب عليها injection مردتش اشتريها واشتريت الحمرا
لما حبيت احطها قالى لا يابيه ديه لازم تحطها قبل ما نحط البنزين فى التنك والبنزين ينزل على السائل مش السائل هو اللى ينزل على البنزين

مع العلم
- العربيه النترا 2008 مانيوال
- انى مسافر مشوار حوالى 130 كيلو النهارده وهرجع كمان 4 ايام
- حطيب بنزين فى العربيه حوالى 3/4 التانك بالظبط عند العلامه اللى قبل الاخيرة
- المفروض انى هغير زيت لما ارجع من السفر ( وكنت قريت فى موضوع انى لازم اغير زيت بعد تنظيف دورة البنزين )

اعمل ايه دلوقتى ؟؟؟؟
وياترى كلام الراجل ده مظبوط ولا غلط ؟
والعلبه السودا احسن من الحمرا ولا ايه ؟
واعمل ايه بعد ما اغير الزيت ياترى فى اى حاجه تانيه تتعمل ؟؟
ياريت بس لو حد هيساعدنى يكتب الخطوات بالترتيب

[askafrawy]

المشاركة الأصلية كتبت بواسطة casper__007 السلام عليكم لو سمحت يا رجاله انا كان ليا شويه استفسارات بخصوص الموضوع ده انا امبارح اشتريت زجاجه تنظيف لدورة البنزين لونها احمر العنق بتاعها طويل كده ومكتوب عليا بالخط العريض Fule injection وكانت ب 15 جنيه من البنزينه بس الراجل اللى فى البنزينه قالى ان الزجاجه السودا احسن من الحمرا بس بصراحه ملقتش مكتوب عليها injection مردتش اشتريها واشتريت الحمرا انا مش عارف النوع الحضرتك بتتكلم عليه هل هو STP ,ولا نوع تانى بس المفروض هتلاقى مكتوب عليه انه FUEL INJECTION CLEANER ودة خاص بدورة الوقود ككل شامله الرشاشات فلو مكتوب عليه كدة يبقى مفيش مشكله بالنسبة لاضافته مش مهم قبل ولا بعد ماتفول المهم انك بتضيفه على تفويلة الا ربع او مكتوب على العبوة كام جالون بالظبط التضيفها وممكن تضيفها عادى بعد ماتفول العربية مافيش اى مشاكل لما حبيت احطها قالى لا يابيه ديه لازم تحطها قبل ما نحط البنزين فى التنك والبنزين ينزل على السائل مش السائل هو اللى ينزل على البنزين مع العلم - العربيه النترا 2008 مانيوال - انى مسافر مشوار حوالى 130 كيلو النهارده وهرجع كمان 4 ايام - حطيب بنزين فى العربيه حوالى 3/4 التانك بالظبط عند العلامه اللى قبل الاخيرة - المفروض انى هغير زيت لما ارجع من السفر ( وكنت قريت فى موضوع انى لازم اغير زيت بعد تنظيف دورة البنزين ) موضوع تغيير الزيت بعد اضافة منظف دورة الوقود دة فعلا قريته لكن مش كل مرة هضيف منظف وقود هغير زيت وخصوصا ان منظف الوقود ممكن تحطه كل 2000 كيلو ...لكن مستحب تغيير الزيت لان كل الشوائب هتتجمع فى الاخر فى الكارتير وبالتالى مستحب تغيير الزيت بعدها اعمل ايه دلوقتى ؟؟؟؟ وياترى كلام الراجل ده مظبوط ولا غلط ؟ والعلبه السودا احسن من الحمرا ولا ايه ؟ واعمل ايه بعد ما اغير الزيت ياترى فى اى حاجه تانيه تتعمل ؟؟ ياريت بس لو حد هيساعدنى يكتب الخطوات بالترتيب

لو هتكتبها كخطوات
1- هتفول العربية عادى بالكمية المكتوبة على عبوه fuel injection cleaner الانت هتختارها بناء على المكتوب عليها هل هى لدورة الوقود العادية ولا لدورة الوقود والرشاشات
انا بستخدم نوع من ليكويمولى سعره 35 جنيه ولحد دلواتى ماشي عليه
2- هتضيف العبوة كامله على التنك وهتطلع مشوار السفر بتاعك
3-هتستنى لحد ما تفول تانى وممكن ساعتها تغير زيت

[casper__007]

المشاركة الأصلية كتبت بواسطة askafrawy لو هتكتبها كخطوات 1- هتفول العربية عادى بالكمية المكتوبة على عبوه fuel injection cleaner الانت هتختارها بناء على المكتوب عليها هل هى لدورة الوقود العادية ولا لدورة الوقود والرشاشات انا بستخدم نوع من ليكويمولى سعره 35 جنيه ولحد دلواتى ماشي عليه 2- هتضيف العبوة كامله على التنك وهتطلع مشوار السفر بتاعك 3-هتستنى لحد ما تفول تانى وممكن ساعتها تغير زيت

هو مكتوب عليه ( تنضيف كامل للبخاخات والصبابات واليه حقن الوقود )

معلش بقى علشان انا مفهمتش كويس اللى حضرتك قولته
انا دلوقتى فولت 3/4 التانك احط السائل بقى على البنزين فى التانك دلوقتى ولا مينفعشى دلوقتى ولازم استنى لما اجى افول تانى ابقى احطه قبل ما احط البنزين ؟
وبالنسبه لتغيير الزيت
اغير بعد ما ارجع من السفر واكون استخدمت البنزين اللى انا حاطيته دلوقتى ولا اكون فولت كمان مرة ؟
يعنى تفويله احط عليها السائل وتفويله بعدها من غير سائل وبعدين اغير الزيت ؟؟؟

[askafrawy]

المشاركة الأصلية كتبت بواسطة casper__007 هو مكتوب عليه ( تنضيف كامل للبخاخات والصبابات واليه حقن الوقود ) معلش بقى علشان انا مفهمتش كويس اللى حضرتك قولته انا دلوقتى فولت 3/4 التانك احط السائل بقى على البنزين فى التانك دلوقتى ولا مينفعشى دلوقتى ولازم استنى لما اجى افول تانى ابقى احطه قبل ما احط البنزين ؟ وبالنسبه لتغيير الزيت اغير بعد ما ارجع من السفر واكون استخدمت البنزين اللى انا حاطيته دلوقتى ولا اكون فولت كمان مرة ؟ يعنى تفويله احط عليها السائل وتفويله بعدها من غير سائل وبعدين اغير الزيت ؟؟؟

حط المنظف عادى على التنك مفيش اى مشاكلوتغير الزيت بعد ماتفول تانى وانت راجع عشان تضمن ان المنظف تخلص من كل الرواسب فى دورة البنزين

[casper__007]

المشاركة الأصلية كتبت بواسطة askafrawy حط المنظف عادى على التنك مفيش اى مشاكلوتغير الزيت بعد ماتفول تانى وانت راجع عشان تضمن ان المنظف تخلص من كل الرواسب فى دورة البنزين

طيب معلش سؤال بسيط

هو ايه اللى بيحصل فى الزيت لما بحط المنظف ؟