نظام حماية السيارة_ GBS tracker

[atgps]

المشاركة الأصلية كتبت بواسطة Payoo أنا كلمت صاحب الإعلان و على فكره هو شخص مهذب جدا و بيجاوب على كل الأسئلة بصدر رحب وقدرت أعرف منه الآتي:- سعر الجهاز 1300 أو 1350 مش فاكر بالظبط لأننا أتكلمنا في نقط كثيره الجهاز من النوع الـOff Line يعني مانقدرش نتتبعه من خلال الأنترنت لحظيا الجهاز لازم يتركب له خط موبايل (شريحه) وكل ما العربيه تدور يبعتلك رسالة يقولك فيها إن العربية دارت و إحداثيتها كذا وأنت تاخد الإحداثيات دي وتحطها على جوجل إيرث مثلا وتعرف موقعها على الخريطة لا يمكن التحكم في أي شيء في العربية يعني ماتقدرش إنك تفصل العربيه السعر شامل التركيب ------------------------------- ملاحظات:- ______ خلال المكالمة فهمت أنه ممكن يبعتلك الجهاز على إحدى المراكز الفنية في القاهرة وهما يركبولك الجهاز وطلبت منه أنه يحاول يوفرلي الجهاز الـOn Line لأني شايف إنه أفضل من الـOff Line ، أخد تليفوني و وعدني أنه يرد عليا إذا توافر له الجهاز المطلوب

للأسف كل المعلومات التى حصلت عليها خاطئة، هذا الجهاز On-line وليس Off-line.
الأجهزة الـ Off-line لاتعمل بشريحة الموبايل.
هذا الجهاز يمكن تتبعه فى أى وقت من خلال الموبايل أو من خلال النت فى حالة الاشتراك مع أى شركة تعمل فى ذلك المجال.
وكذلك يمكنك تتبعه من خلال جهازك فى المنزل أو الشركة بدون الآشتراك مع أى شركة ولكن يجب أن يكون لديك Static IP address
وكذلك يمكن إيقاف المحرك فى أى وقت.
هذا الجهاز صناعة الصين وعدة مئات من الشركات فى الصين تقوم بتصنيع عدة موديلات جميعها تشترك فى نفس الخواص وكذلك فى نفس التصميم ونفس المسمى والـ Firmware
ويمكنك الإطلاع على Datasheet

http://www.zhyichina.com/en/GPSTrack...ckerManual.pdf

[Toyota Corolla]

طب و هو جهاز ال online ده بيختلف عن ال offline ف ايه

[Payoo]

المشاركة الأصلية كتبت بواسطة atgps للأسف كل المعلومات التى حصلت عليها خاطئة، هذا الجهاز On-line وليس Off-line. الأجهزة الـ Off-line لاتعمل بشريحة الموبايل. هذا الجهاز يمكن تتبعه فى أى وقت من خلال الموبايل أو من خلال النت فى حالة الاشتراك مع أى شركة تعمل فى ذلك المجال. وكذلك يمكنك تتبعه من خلال جهازك فى المنزل أو الشركة بدون الآشتراك مع أى شركة ولكن يجب أن يكون لديك Static IP address وكذلك يمكن إيقاف المحرك فى أى وقت. هذا الجهاز صناعة الصين وعدة مئات من الشركات فى الصين تقوم بتصنيع عدة موديلات جميعها تشترك فى نفس الخواص وكذلك فى نفس التصميم ونفس المسمى والـ Firmware ويمكنك الإطلاع على Datasheet http://www.zhyichina.com/en/GPSTrack...ckerManual.pdf

العهده على الراوي
وعلى أي حال إحتمال يكون بيبيع موديل مختلف عن إللي حضرتك ذكرته

وياريت لو تعرف حد بيبيع الجهاز إللي أرفقت الكتالوج بتاعه ده تدلنا عليه

المشاركة الأصلية كتبت بواسطة Toyota Corolla طب و هو جهاز ال online ده بيختلف عن ال offline ف ايه

الفرق بينهم إن الأول تقدر تشوف كل تحركاته في نفس اللحظة من خلال الكمبيوتر و الأنترنت
أما التاني فيبعتلك رسالة على الموبايل بتاعك كل ما العربية تشتغل أو تبطل يعني رساله بعد التشغيل و رسالة بعد التبطيل

[Toyota Corolla]

طب على كده أناهستفيد ايه من الجهاز لتانى طالما مش هيبعتلى احداثيات موقع العربية

[atgps]

المشاركة الأصلية كتبت بواسطة Payoo العهده على الراوي وعلى أي حال إحتمال يكون بيبيع موديل مختلف عن إللي حضرتك ذكرته وياريت لو تعرف حد بيبيع الجهاز إللي أرفقت الكتالوج بتاعه ده تدلنا عليه الفرق بينهم إن الأول تقدر تشوف كل تحركاته في نفس اللحظة من خلال الكمبيوتر و الأنترنت أما التاني فيبعتلك رسالة على الموبايل بتاعك كل ما العربية تشتغل أو تبطل يعني رساله بعد التشغيل و رسالة بعد التبطيل

أخى الفاضل، كما ذكرت لك من قبل لايوجد موديلات كثيرة فى الصين وكلهم متشابهون مع اختلاف الشركات المصنعة.
أننى أعمل فى ذلك المجال منذ أكثر من 13 سنه وأعرف كل ما فى السوق المصرى حاليا
وتأكد أنه لايعلم ما يبيعه، حتى انه كتب GPS خطأ لعدة مرات، من يعمل فى ذلك المجال لا يخطئ فى أساس العمل
اذا كنت تريد الشراء منه فتوكل على الله وهذا الجهاز به كل ماتريد.

أما موضوع الـ Off-line والـ On-lineـ فتعريفك لهم خطأ للأسف
الـ off-line لايوجد به شريحة موبايل أو اى وسيلة اتصال، ولكن يقوم بتخزين البيانات فى ذاكرة ويتم تفريغ تلك البيانات عند عودة السيارة فقط. وذلك النظام يصلح للشركات لمتابعة ومراقبة سلوك السائقين.