أشتريت صنى 2002 أتوماتيك

[ShekeeS]

اولا :السلام عليكم ورحمه الله وبركاته
ثانيا : هدخل فى الموضوع على طول كان معا اكسل قعدت معايا سنتين وبعدها فليشيا سنتين بردة والحمدلله بعتها
اما بعد الحمدلله ربنا كرمنى اول امبارح وجبت نيسان صنى 2002 اتوماتيك ومشاءالله عجبانى
وحببها هى عامله 130 كم لونها فيرانى وطبعا اى عربيه مستعمله بتكون محتاجه حبت تظابيط مبدائيا
1-العفشه فيها حاجات محتاجه تتغير وانشاءالله هروح اعملها
2-اى المفروض اعمله تانى من صيانه
3-الاتوماتيك فى حاجه اسمها od دة اشغله امتى ودة وظيفته توفير البنزين ولا عادى
وكمان فى زرار احمر جنب الفتيس اسمه شيفت حاجه دة المفروض بيعمل اى ؟
4-اكلها بنزين 90 ولا 92 ؟
5-شكر لرئيس قسم نيسان على مجهودة الرائع وجميع الاعضاء الكرام

[moca_moca]

اعتقد od معناه over drive وده لما تكون مزنوق وعاوز تتخطي حد
انت جبتها علي كام ؟ وربنا يباركلك فيها

[د0تامر محمد]

المشاركة الأصلية كتبت بواسطة ShekeeS اولا :السلام عليكم ورحمه الله وبركاته ثانيا : هدخل فى الموضوع على طول كان معا اكسل قعدت معايا سنتين وبعدها فليشيا سنتين بردة والحمدلله بعتها اما بعد الحمدلله ربنا كرمنى اول امبارح وجبت نيسان صنى 2002 اتوماتيك ومشاءالله عجبانى وحببها هى عامله 130 كم لونها فيرانى وطبعا اى عربيه مستعمله بتكون محتاجه حبت تظابيط مبدائيا ألف مبروك ربنا يبارك لك فيها 1-العفشه فيها حاجات محتاجه تتغير وانشاءالله هروح اعملها بتتلم وبترجع ممتازة وبتكاليف بسيطة 2-اى المفروض اعمله تانى من صيانه تغيير زيت الفيتيس مهم جدا للحفاظ عليه وهى تأخذ مقدار 4 لتر فى حدود 100 جنيه طقم بوجيهات يابانى لتحسين الأداء والكشف عن علبة البيئة لأنها لو مكتومة تؤثر على سحب السيارة 3-الاتوماتيك فى حاجه اسمها od دة اشغله امتى ودة وظيفته توفير البنزين ولا عادى وكمان فى زرار احمر جنب الفتيس اسمه شيفت حاجه دة المفروض بيعمل اى ؟ الأوفر درايف (الزر بأعلى عصا الفيتيس ) وظيفته إلغاء الغيار الرابع ليعطى عزم شديد ويستخدم فى التخطى عادة لزيادة قدرة السيارة وعند تشغيله تضىء لمبته وفى العادى تكون اللمبة مطفئة فى لوحة العدادت ومعناها أنه يعمل والسيارة تصل للغيارات الأربعة بالتتابع وهذا هو الطبيعى أما الزر الأحمر اللى جنب الفيتيس فهو زر الطوارىء وهو من مميزات نيسان لأنه عندما تعطل السيارة الأوتوماتيك لا يمكن دفعها أو تحريكها لأن الفيتيس يكون فى حالة تعيشق وعندما يتم الضغط على الزر مع الزر الفضى بأعلى الفيتيس يتم تموير السيارة(الوضع n ) وبالتالى يمكن دفعها أو جرها 4-اكلها بنزين 90 ولا 92 ؟ بنزين 92 هو الأفضل ولا مانع من 90 5-شكر لرئيس قسم نيسان على مجهودة الرائع وجميع الاعضاء الكرام

أرجو أن أكون أفدتك وأى خدمة فيما يخص صنى

[مبارك القناوى]

مبروك ربنا يديك خيرها ويكفيك شرها

[MR mido]

مبرووك عليك يا باشا ربنا يديك خيرها ويكفيك شرها