واخيرا ً اشتريت نيسان صني

[goudamahdy]

السلام عليكم ورحمة الله وبركاته
ازيكم يا احبابي
ما علهش متأخر عليكم في الردود والصور شوية بس والله اليوميندول مطحون جااااااااااامد ف النبطشيات
الحمد لله انا روحت عملت صيانة الألف في مودرن موتورز ابو رواش لان هو الأقرب لي من الفيوم يوم 22/3/2011 وكنت حاجز علي 11.30 صباحا .
هم الجماعة هناك بالهم طوييييييييييييييييييل حبتين او تلات حبات ف الصيلتة
بس العربية كان فيها الاتي :
1- العوامة كانت مش مظبوطة
2- العفشة لما كنت بازيد عن 120 كانت العربية فيها رعشة جامدة جدا .
3- السحب مش كويس .
4- فيه عضة ف الفتيس مع الغيار ( بمعني صعوبة ف الغيار)
5- سألت عن الريموت بتاع العربية قالي بـ 650 جنيه .
6- سألت عن تركيب الزينون وتركيب جهاز انذار للعربية بـ 550 جنيه المهندس اللي هناك قالي انت محتاجهم قولتلو لأ قالي خلاص مش لازم وبصراحة رده منطقي.

نتـــــــــــــأئج الصيـــــــــانة:

1 - بالنسبة للعوامة قعدوا فيها حوالي ساعتين وبعدين قالولي العوامة اتظبطت والي الان العوامة زي ما هي مش مظبوطة ومضطر امشي بالكيلو مترات .
2- العفشة اتظبطت بفضل الله بعد ما رصصو الكاوتش.
3- السحب واحد طلع جربها ومشي بيها حوالي " 10 " كيلو وف الاخر رجعلي وقالي السحب كويس.؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟ بعدين انا اكتشفت سبب السحب اني كنت حاطط بنزين 90 ولما حطيت بنزين 92 العربية السحب بتاعها اتظبط ع الآخر وان كلام صاحبنا بتاع التوكيل ده ؟؟؟؟؟؟؟؟؟؟ الله اعلم
4- العضة بتاع الفتيس اتظبطت .
5- عملو باقي الصيانة العادية وغيرت زيت 10000 كم وفلتر زيت طبعا.

ألإضــــــــافات :

1- ركبت مكنة رف للأربع أبواب تايواني ب 250 جنيه ومعاها ضمان سنة وبصراحة مريحاني خالص.
2- مليت الخمس فردات كاوتش نيتروجين ب 50 جنيه ( ضعف تمنهم برة اللي هو 25 جنيه ) لأنو حسب كلامهم كويس للعفشة وللجلد بتاع الكاوتش نفسو وما مبيتأثرش بحرارة الجو ولا حرارة الكاوتش لا بيزيد ولا بينقص وفعلا دا صحيح لاني كشفت عليهم عند واحد عنده نيتروجين لقيت الفردتين الاماميتين زي ما هم واللي ورا واحدة 30 والتانية 31 ودي حاجة كويسة بصراحة.

التلفــــــــــــيات :
طبعا جدي حاجة غريبة تبقي رايح بالعربية تمام ترجع من " التوكيل " بحاجة بايظة فيه ...............وهذا والله ما حدث
1- غسيل العربية سئ جدا لانهم كانو بيخلصو " ف كروتو : الغسيل وبوظولي الكلاكس الي الان صوت الكلاكس مش طبيعي.
2- النور بيفصل او بمعني ادق بيعلق

وفي المجمل التوكيل كويس بس انا حاسس ان اللي شغالين هناك شوية صبيان صنايعية ما يعرفوش حاجة وبيجربوا ف الناس وطبعا الغطا بتاعهم التوكيل بمعني يغلطو ومش مهم الناس ولا راحة الزبون و لو روحت بره لاي صنايعي كان ظبط العربية احسن منهمبس نعمل ايه بقي هم احسن من اي توكيل تاني
بس المعاملة هناك راقية جدا والمهندس محمد حسن اداني رقمه وقالي اتصل بي في اي وقت
واتصلو بي تالت يوم سالوني عن مستوي الصيانة قولتلهم كويس بس العوامة زي ما هي قالولي ممكن حضرتك تشرفنا مرة تانية نصلحهالك ؟؟؟؟؟؟؟؟؟؟؟؟؟؟
وانا راجع علي طريق الفيوم جبت بالعربية 150 بس بعد كده صوت العربية علي جدا لدرجة اني ما اتحملتش ازيد السرعة عن كدة .
اجمالي المصاريف 600 جنيه بالاضافات .
متاسف ع الاطالة بس ان شاء الله اوعدكم بتقرير مفصل عن العربية نفسها في وقت لاحق

[BASSEM BESO]

مبروك عليك الصيانه وان شاء الله كل حاجه هتتعدل وتتصلح