ليه بتحبو ال128 وبتكرهو الادا ؟

[محمد التمساحي]

انا عن نفسي كان عندنا ال 128 يجي 20 سنه اخر واحد وكان في قبلها بس كنت صغير المهم انا شايف ان اللادا يا جماعه تتركب لو حاله نضيفه وعشفه وشاسيه محترمين لان لو غير كده وفيه مشكله ف زوايااها او عفشتها هتكرهك ف الحياة لان تصميم العفشه بتاعها مكلكع مقص فوق ومقص تحت وبيض زي ما حازم باشا قال بس ي لو نضيفه عربيه محترمه اما ال 128 عربيه خفيفه وسلسه وبرضو فيها مشاكل بس خفيفه يعني انا ممكن اشتري 128 مبهدله واصرف عليها وارجعها نضيفه اما اللادا استحاله اجيبها شقيانه

[mohammed 2000]

وفيت و كفيت بس نسيت الـ 131 حبيبت قلبي العزيزة و التي تعتبر الاب الروحي للشاهين ( الريجاتا سابقاً ) و التي تجمع مميزات الجميع و تم تطوير الشهين منها فأصبحت الشاهين تجمع مميزات الادا و الـ 128 و الـ 131 بالاضافة إلي التطور الكبير بها لإحتوائها علي متور بحقن إليكتروني علي قد الحال وبتجاري عصرها ...

[محمد التمساحي]

ماحدش يقدر ينسى 131 بس كانت برة الكلام نهائي على فكرة انا عندي 131 80/1300 روعه

[hazem_khidr]

tom_gr كتب:

احترامى لكل مالكى ال 128 عربية لا تستحق ان يطلق عليها كلمة سيارة 1- جرب تركب فيها 3 ااشخاص غيرك ؟ هاتبرك على الارض زى الجمل واسمع احلى اصوات

كنتا بنركب فيها سته انا و اصحابي تلاته قدام و تلاه ورا و بنسافر بيها
و عمرها ما حكت في مطب و دا لانها دفع امامي و مافيش حاجه في بطن العربيه (عامود كردان و فتيس و خلافه زي اللادا) و مافيس مقب في النص بيسمح للي قاعد ورا و قدام انهم يقعدوا براحتهم

2- جرب تعدى بيها 130 - هاتحس انها ورقة فى الهوا طايرة وربنا يستر ( وبالذات فى الملفات )

كان معايا واحده 128 ابارث كانت بتجيب ال 160 و لا كانت ورقه ولا حاجه
و في الاساس ال 128 عربيه مدينه في الاساس و مش مطلوب منها تاخد ملف علي 130
اذا كانت الكورولا في الملفات علي 130 قلبي بيقه
حتي اللادا لو اخدت بيها ملف فوق ال 100 ابقي خلي بالك من ضهرها و شوفه رايح فين

3- جرب تطلع بيها مطلع --- هاتتكسف احلى كسفه ادام العربيات الى حواليك

معني كده ان كل ال 128 الموجوده في مصر مش بتطلع مطالع ؟؟!!!!!!!!
شئ غريب فعلا وانا برضه بقول مش بلاقي منها علي كوبري 6 اكتوبر ليه

4- يلا بينا بقى على الكبيرة --- اطلع سفرية يا معلم ومش هاقلك مطروح ولا ولا ولا -- لا هاقلك من اسكندرية للقاهرة ( هاوقعلك قلبك وطول الطريق هاتبقى متنشن اوى ) ولو حالتها ممتااااااااااازة يادوب هاترجع بيها على الميكانيكى عدل

كنت بسافر و بروح و باجي بيها في كل مكان و عمرها ما عملت حركه نقص
بعكس اللادا اللي مع واحد و الشغل بتاعه مسلمه واحده مافيش شهرين الا ما اسطوانه الدبرياج تضرب او ماستر الدبرياج اللي بيغيره كل فتره علاوه علي البيض اللي بياخد باله منه

عاوز عربية بمعنى كلمة عربية واسعه - كبيرة - قوية - دبابة - تسافر بيها للهند - تركب فيها علتك كلها يبقى اللادا

اللادا مش كبيره ولا حاجه بالعكس هي نفس فئه ال 128 small family car بالتصنيف الاوربي
و من الداخل نفس المساحه بل بالنسبه للركوب في الخلف ال 128 اوسع منها.

[tom_gr]

الاخ حازم

هو انت صاحب شركة 128 ولا ايه

مالك واخد الموضوع على صدرك ليه كده

دى اراء واعتقد ان ده الراى الصح
128
عربية
فاااااااااااااااااااااااا ااشلة بره البلد
وناجحه جوه البلد

واللادا ناجحة فى الاتنين

بدليل انها عرببية الخدمة الشاقة

التاكسى