#1
|
||||
|
||||
بالصور تغيير سير الكاتينة لـ سبرانزا 516
السلام عليكم ورحمة الله
اليوم الجمعة الموافق 28-6-2012 تم تغيير سير الكاتينة لعربية سبرانزا 516 موديل 2008 عداد 58 الف كيلو واليكم التفاصيل والهدف من الموضوع هو تقليل التكلفة الى حد كبير وتم العمل فى ورشة والفنى اللى شغال كان بيشتغل فى توكيل ابو الفتوح اليكم الصور مع تعليق بسيط تم شراء سير الكاتينة + عدد 3 بليات شداد بـ 632 من ابو الفتوح فى شارع دمشق وثمن السير فقط 200 جنية ودى صورة الـ قطع الغيار المشتراه ودى صورة الموتور قبل فك السير القديم ودى صورة للموتور ونلاحظ ان قاعدة الموتور لازم تتفك ودى صورة للفنى اللى كان شغال فى العربية واسمة جرجس هنا يبان انة لازم نفك غطاء التاكيهات عشان موضوع الظبط تم فك السير والحمد لله هنا تم تركيب البليات الـ 3 جداد تركيب السير الجديد دورنا الحمد لله وجبت الـ RPM على 6 بدوسة مفاجئة والحمد لله كولة تمام بدانا نقفل تانى الوش البلاستيك ملحوظة الفنى كان معاة زرجينة ظبط السير عشان ما تخلفش تقسيمة لكن رفض انى اصورها عشان محدش يعمل زيها واليكم ارقام التليفون والعنوان شارع 6 اكتوبر امام مكتب البريد- مساكن الجمهورية - عين شمس 010068893950 جرجس سعيد وعندة بعض قطع الغيار البسيطة فلاتر واكر ابواب وخلافة وبالمناسبة لما كنت فى شارع دمشق جبت طقم بوجيهات من هناك نوع اعتقد انة كويس بـ 80 جنية واليكم التفاصيل البوجية اربعة شمعة بدون رجل واسمة جولدن صناعة ايطالى وجسم البوجية (السن القلاووظ لونة دهبى ) وجربت العربية اداؤة حلو جدا ودى صور البوجيهات
__________________
يااااااااااااا رب إرحمنا بقدرتك علينا |
#2
|
|||
|
|||
بوجيهات لودج جولدن !!!!!صناعة انجلترا وانجليزى اصلا وليس ايطالى!!!!!!
والزرجينة مهمة جدا لاءن الاسبرانزا ملهاش زنب تظبط عليها تروس التقسيمة للاسف !! بس السير غالى قوى فى السعر !! اصل الموضوع كله عدد العقل ومقاس سير فقط !! بوجيهات لودج جولدن !!!!!صناعة انجلترا وانجليزى اصلا وليس ايطالى!!!!!! ده لودج 2 شعلة سنة 1920 British physicist Sir Oliver Lodge سير كاتينة الاسبرانزا بيتغير فى التوكيل ب 950 جنيه !! وفرت بقى فلوس قد ايه يا مستر استرا ؟؟!! زيت فالفالينا موبيل 140 عامل ايه مع فتيس الاسبرانزا؟؟؟! وزيت موبيل دلفاك MX مع زيت شمبر الابروعامل ايه مع موتورها انا شايف كامتينها الاثنين كاءن العربية لسه ما دارتش ولا مرة من المصنع ؟؟!!!! سبرانزا 516 موديل 2008 عداد 58 الف طيب كان بلى شداد الكاتينة مع طلمبة المياه مفروض لسه المرة الجاية وكان المرة دى كفاية تغيير سير الكاتينة فقط !! :GR OWIN~12::GROWI N~12: التعديل الأخير تم بواسطة cars admire ; 30-06-2012 الساعة 12:56 PM |
#3
|
||||
|
||||
رد: بالصور تغيير سير الكاتينة لـ سبرانزا 516
إيه الشغل الجامد ده
يا ريس تم التثبيت للأهمية
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/ |
#4
|
||||
|
||||
رد: بالصور تغيير سير الكاتينة لـ سبرانزا 516
مشكور على مرورك الكريم وسعيد بتعليقك على موضوعى
وكويس اوى ان البوجيهات عجبت حضرتك وبالنسبة للسير والله لو عليه انا كنت جبتة من التوفيقية لكن حضرتك عارف بقى ان الناس بتميل للتوكيل شوية
__________________
يااااااااااااا رب إرحمنا بقدرتك علينا |
#5
|
||||
|
||||
رد: بالصور تغيير سير الكاتينة لـ سبرانزا 516
الف شكر لمرورك الكريم مهندس "mhamdy75" وعلى فكرة وكلام بينى وبينك دة اول موضوع يتثبت لية
__________________
يااااااااااااا رب إرحمنا بقدرتك علينا |
|
|