عربيتي كانت هتتسرق:(

[mar mar]

قام احد الاشخاص بسطو مسلح علي عربيتي المدعوه زقوزق
اه والله حاولوا يسرقوها بس حرامي نتن اوي يعني جانبها النتر 2012 والناحيه التانيه تريوس وقدمها لوجان وساب كل دول وبص علي عربيتي ال 127 اولا دخل مفتاح وحاول يدورها فكسر المفتاح جوا فقام فاتح الكابوت وفصل الاسلاك وحاول يشغل الماتور بايدوا ولله اعلم دارت ولا لا
بس انا واختي بنزنقها يعني بنخلي الناس تقفل عليها جوا الحاره بتاعتنا اموت واعرف كان هيخرجها ازاي المهم لما فشلت محاولات واللي اظنها انها دارت معاه بس معرفش يخرجها راح سارق الفوانيس اللي قدم
والذ ما في الموضوع انه لما خرج من العربيه قفل الباب تاني وراه
ودتها للمكانيكي طبعا زق لانه كاسر المفتاح جوه المكانيكي من الساعه 10 لحد 6 مش عارف يدورها لحد ماجابو كهربائي
وبعد العمليه خرج المكانيكي هو والكهربائي من غرفه عمليات الللي فيها زقوزق وقالوا فلوسكم حلال العربيه دي كانت هتسسرق يعني هتسسرق لولا ربنا
طلعت انا واختي علي بتاع الكولين غيرنا اكوالين وركبنالها انزار دلوقتي لو دبانه وقفت عليها هتصوصو
اللي غايظني انه قعد يحاول فيها كتير اوي يعني كان واخد راحتوا علي الاخر واللي غايظني اكتر ان في عربيها شكلها بالظبط ونفس الموديل ومش مزنوقه وكان هيعرف يطلعها ومتلمستش
نصيب بقي
ربنا يبعد اي حرامي عنكم

[Muhammad A]

لا حول ولا قوه لا بالله
الحمد لله انها جت علي قد كده
قدر الله ومشاء فعل

[mhamdy75]

الحمد لله إنها جت على الفوانيس

قدّر الله وماشاء فعل

والف سلامة لزقزق

[reda310]

ههههههههه
الف سلامة على زقوزق وحمدلله على سلامتها وخروجها من العناية المركزة
بس فعلا حرامى نص كم شكله لسه متدرب جديد كان بيتعلم فيها
الحمدلله وانشالله اخر مرة

[dr_eslam_66]

لااااا معلش بقى أنا قبل ما أقولك ألف سلامة على الكتكوتة أقولك راجعي دفاتر حساباتك القديمة لأني دا كدة شكله مش بس حرامي لا دا غبي وكمان عيز عربيتك إنتي بالذات مش اي حاجة تانية أو يمكن يكون مسطول وكان فاكرها عربيته ولما مارضيتشي تدور قال ياخد الفانوسين ينور بيهم طريقه وهوا ماشي.
وفي الآخر ألف سلامة على العربية ولا يغني حذر عن قدر.
ربنا يستر طريقك وطريقنا جميعا يارب.