العودة   مصر موتورز مجتمع السيارات > سوق السيارات فى مصر موتورز > سوق السيارات المصرية > المرور والشهر العقارى

المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور


إضافة رد
 
أدوات الموضوع
  #1  
قديم 12-01-2015, 11:29 PM
Dr.Smile Dr.Smile غير متواجد حالياً
 
تاريخ التسجيل: Oct 2011
المشاركات: 126
Dr.Smile is just really niceDr.Smile is just really niceDr.Smile is just really niceDr.Smile is just really niceDr.Smile is just really nice
تقرير بالتفصيل الممل .. إجراءات تجديد رخصة السيارة 3 سنين مع الفحص ( 2015 )

تم بحمد الله بعد عناء طويييييل ومجهود شاق تجديد رخصة السيارة ( رينو لوجان 2012 ) لمدة 3 سنين مع الفحص .. بعد رحلة عذاب استمرت يومين كاملين من أولهم لآخرهم
( بدون دفع ولا مليم رشوة ولله الحمد ) ..
علشان كده قررت أكتب الموضوع ده علشان محدش يحتار حيرتي ,, وأحكي فيها رحلتي مع المرور لتجديد الرخصة والفحص

نبدأ على بركة الله

=-=-=-=-=-=-=-=-=-=-=-=-=
المرور : طوسون أو المنتزه ( الاسكندرية )
المطلوب : تجديد رخصة اللوجان ( 1600 CC ) لمدة 3 سنين مع الفحص
=-=-=-=-=-=-=-=-=-=-=-=-=

-=- الإجراءات بالتفصيل الممل -=-

أووووول حاجة تعملها تروح من بدري جداً .. الساعة 8 أو 8:15 على أقصى تقدير .. وتاخد دورك في طابور الفحص .. وخلينا نبدأ في الإجراءات ..


أولاً : الإجراءات الواجب إنهائها قبل الفحص :

1 - تشتري ملف للعربية لترخيص 3 سنين ( ورق الفحص + الطفاية + الكمبيوتر + بيانات ) وتدفع 35 جنيه
2 - تاخد الطفاية و تخلي مسؤول الطفايات يختملك عليها إنها صالحة { طفايتي كانت فاضية ورحت المطافىء قبلها بيوم مليتها ودفعت 42 جنيه ( 16 بودرة + 15 خرطوشة + 11 صيانة ) }

3 - تاخد الطفاية والمثلث وتروح للكشك المختص بيهم وتاخد وصل بيهم { الأخت طلبت مني أجدد شنطة الإسعاف لمرور 3 سنين عليها ودفعت 45 جنيه }

4 - تروح لمختص البصمة يرفع بصمة الموتور والشاسيه .. وبعدين تسلم ورق الفحص و وصل الطفاية والمثلث وشنطة الإسعاف وتسلمهم للمهندس ,, هيكشف على الشاسيه ويمضي الورق ,, وتخلي الضابط يمضي ويختم .. وكده مبروووووك خلصت الفحص


================

ثانياً : إجراءات تخلصها براحتك قبل أو بعد الفحص :

1 - تروح كشك التصوير ( داخل المرور ) وتطلب منه ملف تجديد 3 سنين + فحص .. هتاخد ملف فيه شوية ورق وتدفع 8 جنيه ( فيه 3 ورقات شبه بعض تملاهم بنفسك )

2 - تروح الشباك الخاص بعربيتك ( على حسب حروف اللوحة ) وتطلب منهم الرقم القديم أو أصل اللوحة ( بالنسبة ليا مفيش رقم قديم علشان عربيتي موديل 2012 وأول لوحات ركبت عليها هي اللوحات الجديدة )
-
وبالمرة اطلب منهم تقدير للضريبة ( بالنسبة للوجان الضريبة كانت 631 جنيه للـ 3 سنين )

3 - تاخد الورقة اللي عليها أصل اللوحة وتروح تطلع شهادة مخالفات وتدفع 5 جنيه ( هتستلمها بعد 10 دقائق تقريباً )

4 - تدفع الضريبة ( 631 جنيه ) وتجيب بـ 10 جنيه طابع شرطة ..

5 - تدفع تأمين إجباري من أي شركة تأمين ( 108 للسنة الواحدة ,, و 310 للـ 3 سنين )

6 - تاخد كل الورق اللي فات ( ورق الفحص – إيصالات الطفاية و المثلث والإسعاف – المخالفات – صورة الرخصة والبطاقة – الورق اللي كملته ....... الخ ) وتسلمه على الشباك اللي فيه رقم اللوحة بتاعتك ..

7 - تستلم ورقة الكمبيوتر ,, وتطلع بيها على الشباك ,, وبعد 10 دقايق تستلم رخصتك ..

وألف ألف مليووووووووون مبروووووووووك ... وكفاااااارة يا راجل

التعديل الأخير تم بواسطة Dr.Smile ; 12-01-2015 الساعة 11:39 PM
رد مع اقتباس
  #2  
قديم 12-01-2015, 11:30 PM
Dr.Smile Dr.Smile غير متواجد حالياً
 
تاريخ التسجيل: Oct 2011
المشاركات: 126
Dr.Smile is just really niceDr.Smile is just really niceDr.Smile is just really niceDr.Smile is just really niceDr.Smile is just really nice
افتراضي رد: بالتفصيل الممل .. إجراءات تجديد رخصة السيارة 3 سنين مع الفحص ( 2015 )

وده ملخص التكاليف بالنسبة ليا ( ممكن يكون فيه بعض الفروقات البسيطة زي الطفاية مثلاً ) :

ملف من كشك التصوير + تصوير البطاقة والرخصة = 10 جنيه
ملف تجديد رخصة وفحص = 35 جنيه
إعادة ملء الطفاية = 42 جنيه
شنطة الإسعاف = 45 جنيه
شهادة المخالفات = 5 جنيه
الضريبة = 631 جنيه
التأمين الإجباري = 310 جنيه
طابع شرطة = 10 جنيه
المـجمـــــــــــــــــــ ـوع = 1088 جنيــــــــه
رد مع اقتباس
  #3  
قديم 13-01-2015, 03:35 PM
الصورة الرمزية احمد على 1999
احمد على 1999 احمد على 1999 غير متواجد حالياً

من انا؟: الحمد لله
التخصص العملى: مهندس ميكانيكا طيران
هواياتي: السيارات - اسكواش - سباحة - علوم فلك
 
تاريخ التسجيل: Feb 2010
المشاركات: 8,234
احمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond repute
افتراضي رد: بالتفصيل الممل .. إجراءات تجديد رخصة السيارة 3 سنين مع الفحص ( 2015 )

تسلم على المجهود الطيب
__________________

سبحانك لا علم لنا الا ما علمتنا
رد مع اقتباس
  #4  
قديم 08-03-2015, 02:36 PM
-_- OMEGA -_- -_- OMEGA -_- غير متواجد حالياً
 
تاريخ التسجيل: Mar 2015
الموقع: الأسكندرية
المشاركات: 4
-_- OMEGA -_- is on a distinguished road
افتراضي رد: بالتفصيل الممل .. إجراءات تجديد رخصة السيارة 3 سنين مع الفحص ( 2015 )

الف مبرووك
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
54 معلومة لصيانة وسلامة سيارتك ahmedsalah منتدى الصيانة العام 73 10-03-2015 06:06 PM
فى مصر موتورز فقط (تعديل اسعار جمارك السيارات 2012 وحسابتها) و أسعار جمارك 65 موديل سيارة Felefel Ahmed جمارك السيارات 43 05-10-2014 12:26 AM
السيارة القاطرة والمقطورة نبيل عبدالرحمن منتدى السيارات العام 0 05-04-2012 10:49 PM
قانون المرور المصري mohaned_magdy المرور والشهر العقارى 8 24-09-2009 03:05 AM
قواعد القيادة درش سلامتك على الطريق 1 19-06-2008 11:40 PM

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 11:09 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017