العودة   مصر موتورز مجتمع السيارات > السيارات اليابانية > متسوبيشى Mitsubishi > لانسر بومه

لانسر بومه متسوبيشى لانسر


إضافة رد
 
أدوات الموضوع
  #1  
قديم 27-02-2010, 01:03 PM
الصورة الرمزية zoro3027
zoro3027 zoro3027 غير متواجد حالياً
من انا؟: عاشق اليابانى
التخصص العملى: الطب
هواياتي: مفيش
 
تاريخ التسجيل: Sep 2009
الموقع: القاهرة
المشاركات: 39
zoro3027 is just really nicezoro3027 is just really nicezoro3027 is just really nicezoro3027 is just really nice
حريق السيارة لانسر وحكايتى مع التامين و التوكيل

<o:p> </o:p>
حريق السيارة لانسر 2007<o:p></o:p>
انا من مدة نفسى احكيلكم قصتى مع العربية لانسر اللى اتحرقت بفعل فاعل منة للهptmnlo123per113 وحكايتى مع التامين و التوكيل <o:p></o:p>
طبعا العربية كنت شاريها زيرو موديل 2007 1600 سى سى وامنت عليها قبل متترخص يعنى بتأمن بكامل قيمة العربية كانت وقتها 104 ألف جنية وعدت السنة الاولى و الحمدلله لم احتاج الى التأمين أو اى تعويض<o:p></o:p>
وانتهت سنة التأمين وكنت ناوى معدش فكرة التأمين دى تانى لغاية مجالى حد وقالى فى شركة تامين من اللى بتأمن على الحاويات و السفن ودى شركة اجنبية وممكن تآمن فيها على عربيتك و بمبلغ مش كتير اقتنعت بالفكرة و فعلآ امنت على العربية ptmnlo123per159وقبل ان تنتهى سنة التآمين بشهريين حدث مالم اتوقعة<o:p></o:p>
فى 9/8/2009 وانا راجع من مشوار سفر وبعد ماركنت العربية تحت البيت بساعة سمعت صوت انفجارمكتوم او صوت كدة كأن فى حاجة وقعت على العربية ذى (سجادة أو ماشابة ذلك )ptmnlo123per119بصيت من الشباك على العربية وكانت الصدمة (العربية بتولع من كل حتة )(العربية لسة جديدة )(معملتش 25000 كيلو لسة) النار طلعة من الشبكة الامامية والجانب الايسر كلة والع البابين و فردة الكاوتش الشمال الخلفية ptmnlo123per146 والناس فى الشارع بتنادى فين صاحب العربية دى ياستر يارب ياستر يارب العربية هتنفجر لان التانك فى الجانب الشمال فوق الفردة اللى والعة مش عارف انا لقيت نفسى تحت ازاى كنت بنط السلالم التسعة نطة واحدة فى كل دور لانى ساكن فى الدور التالت وفتحت العربية من غير الريموت يعنى بالمفتاح علطول احسن اذود الطينة بله من تشغيل اى حاجة كهربية ورميت نفسى جوة العربية ادور على الطفاية تحت الكرسى بتاعى وكنت وقتها بتخيل لو العربية انفجرت وانا جواها والناس يشدوا فيا يابية اخرج من العربية - كدة غلط – لاحول ولا قوة الا بالله المهم لقيت الطفاية و بسرعة بدأت ارش بيها على الحريق فى مقدمة السيارة وطفتها ورحت على الجانب الشمال علشان اطفية بس للأسف كانت الطفاية خلصت - لاحول ولا قوة الا بالله- مخدتش ثانيتين و فضيت مكملتش رشتين وهنا اشهد لشهامة المصريين لقيت حوالى اكتر من 5 طفايات حريق من الحجم الكبير اللى بيبقى فى المحلات و لقيت اكتر من 30 شاب بيطفوا فى العربية كأنها بتاعتهم اللى يرش مية واللى يرش رمل واللى خلص طفايتة الخاصة على الحريق واللى بدأ يشيل العربية علشان يبعدها عن المحلات و اخيرا وبعد ساعة والله تم السيطرة على الحريق و انطفأت النار بس كان فى راجل كبير مازال صوتة يتردد فى أذنى حتى الان ( بلاش المية – ده بنزين ) وبعد انطفاء النار فى السيارة بدأت النار تشتعل ولكن هذة المرة فى قلبى ( من فعل بى هذا؟ من فعل بى هذا؟ )<o:p></o:p>ptmnlo123per131
طبعا عربية المطافى جت بعد السيطرة على الحريق كالعادة وجت الشرطة و عملوا محضر ومتهمتش حد!<o:p></o:p>
وتانى يوم جالى ضابط من مصلحة الامن العام المعمل الجنائى ولبس شنطة بلاستيك فى يدة وأخذ يحفر تحت الاماكن اللى كانت ولعة و أخذ الرمل من تحت السيارة وقالى( شم يابية دى ريحة ايه؟) بصراحة كانت ريحة البنزين واضحة قوى. قلتلة بنزين . المهم قالى ليك اعداء؟ والكلام بتاع التحقيقات دة مش عايز اطول عليكم قوى<o:p></o:p>
المهم تانى يوم جبت ونش ورحت بالعربية للتوكيلptmnlo123per127 لتبدأ رحلة عذاب مدتها 6 شهور <o:p></o:p>
المرة الجاية هحكى ليكم اية اللى بيحصل فى التوكيلptmnlo123per183 واية اللى بيحصل فى شركات التامينptmnlo123per166

<o:p></o:p>
وهرفع ليكم بقية صور العربية وهى محروقة قبل الفك فى التوكيل وبعد الفك وبعد الاصلاح انتظرونى لان فية حاجات مهمة جدا و اسرار محدش يعرفها و انا استنيت بس لغاية مستلم العربية و انشرها <o:p></o:p>ودى صورتين كدة بس على الماشى لغايو مرفع بقية الصور
الى اللقاء<o:p></o:p>

هكمل ليكم اية بأة اللى بيحصل فى التوكيل لما تروح علشان تصلح عربية فيها شغل كتير وأملك طبعا انك تستلم العربية ذى ماكانت فبريقة مش دة التوكيل بتاع العربية ولا آيييييييييييييييييييه؟ptm nlo123per116<o:p></o:p>
أرجع لموضوع الونش علشان ترفع عربية على الونش لازم يكون فى مسافة كافية بين مقدمة او خلفية السيارة و سيارة الونش لاتقل عن طول العربية تلات مرات<o:p></o:p>
بعد التحميل طول الطريق الناس طبعا شايفين العربية بتنقط سائل و الكل مفتكر ان دة بنزيين فكانوا بيجوا جنبنا ويقولوا للسواق العربية بتنزل بنزيين خدوا بالكم والله المصريين دول ناس عسل وجدعان قوى<o:p></o:p>
العربية وصلت الكيت كات بعد العشاء يعنى بالليل والمركز قافل خلاص طيب أعمل اية خبطتptmnlo123per164 على النوبتجى فتح لى و قالى ممنوع نستلم العربية الوقتى لازم تيجى الصبح قلت لة طيب اسيب العربية هنا امام المركز قالى ماليش دعوة العربيات هنا بتتقلب كل يومptmnlo123per126<o:p></o:p>
طب اعمل اية ؟ الونش اخد 250 جنية علشان ينقل العربية وطبعا العربية خلاص مش بتتقفل ارجع يعنى تانى بيها ب250 جنية تانى وارجع اجيبها الصبح ب250 جنية يعنى كدة استفتاح كلام 750 جنية علشان بس اوصل لمركز الخدمة؟ <o:p></o:p>
المهم لقيت جراج تحت كوبرى 15 مايو مردوش يدخلوا العربية وبعد مفاوضات و دفع المعلوم ,الحارس بتاع الجراج اللى هيبات قالى خليها برة الجراج امامى وانا هحطها فى عنياptmnlo123per1135 ودة طبعا بعد مالهف المعلوم!<o:p></o:p>
تانى يوم الصبح قمت من الساعة 7 وكنت عندهم اول عربية يستلموها وقام مهندس الاستقبال باستلام السيارة وبدأ الفحص و عمل المقايسة تلات صفحات يابهوات ياساتر يارب ptmnlo123per130<o:p></o:p>
وطبعا اسعار مبالغ فيها بطريقة غريبة وتمن المقايسة 350 جنية دة يعنى كشف وعمل كشف بالاصلاحات ( المقايسة) دة لو حضرتك بتصلح على حساب التآمين لكن لو حضرتك هتصلح على حسابك هتبقى المقايسة ب 150 جنية<o:p></o:p>
طبعا أعترضت على الاسعار اللى فى المقايسة ptmnlo123per111 قالولى ان دى مقايسة مبدئية و لسة لما يجى خبير التأمين هيناقشهم فيها و هتنزل شوية<o:p></o:p>
نسيت أقولكم انى بلغت المنتجة اللى عملتلى التأمين على العربية وطبعا بعتتلى السيد المهندس الخبير علشان يعاين العربية و يناقش المقايسة<o:p></o:p>
طبعا العربية كنت مأمن عليها تانى مرة ذى ماقلتلكم فى المرة السابقة بس كان ب 95000 جنية<o:p></o:p>
لما جه السيد الخبير قال ان القيمة السوقية للعربية فى الوقت الحالى تساوى 85000 جنية<o:p></o:p>
المهم شاف المقايسة وعاين العربية واعتمد مبلغ 25000 جنية احتياطى اصلاح و طبعا مش ذى مانتوا فاهميين يعنى لما الباب يتحرق ولا يتخبط يشيلوة و يجيبوا غيرة لا ياباشوات دة بيعملوا اللى اى ورشة فى الحرفيين بتعملو يعنى ممكن يغيرك الطبلة ويسمكر وكدة يعنىptmnlo123per140<o:p></o:p>
القصة دى قعدت فيها 6 شهور رايح جاى على التوكيلptmnlo123per184 <o:p></o:p>
المصيبة اللى كتير ميعرفهاش ان فى التوكيل بيستخدموا قطع غيار استيرادptmnlo123per192 يعنى مستعملة ويحسبهالك بسعر الجديد على حساب ان كلة على قفا التأمين<o:p></o:p>
العربية اتخبطت عندهم فى الجانب الايمن وكسروا فانوس خلفى المهم جابولى فانوس مستعمل لونة مطفى صممت انة يغيروة وجابوا واحد جديد وصلحوا الخبطات اللى كانت عندهم و رشوا العربية <o:p></o:p>
المهم فى حاجات كتير استفدتها من هذا الحادث احب ان انقلها للسادة الاعضاء للاستفادة<o:p></o:p>
<!--[if !supportLists]-->1)<!--[endif]-->يستحسن ان حضرتك تبيت عربيتك فى جراج<o:p></o:p> مش فى الشارع هتكلفك 100 جنية فى الشهر بس هتبات متطمن ولا حد يخربشلك فيها ولا تتسرق و حتى تتحرق لاقدر الله..
<!--[if !supportLists]-->2)<!--[endif]-->الطفاية اللى بنشتريها من المرور الصغيرة دى ملهاش اى فايدة ولا قيمة و مبتسعفش و قت الجد<o:p></o:p> انا ناوى اشترى طفاية كبيرة شوية ذى اللى بتتعلق فى المحلات مش عارف اية رآيكم ؟
<!--[if !supportLists]-->3)<!--[endif]-->لو كان فى حريق بنزين فى سيارة لاقدر الله ابتعد عن اطفائة بالماء و استخدم الرمل ان امكن<o:p></o:p> او طفاية جيدة
<!--[if !supportLists]-->4)<!--[endif]-->لو شارى سيارة جديدة أمن عليها قبل الترخيص علشان تأمن بنفس تمن العربية<o:p></o:p>
<!--[if !supportLists]-->5)<!--[endif]-->لو هتودى عربية لمركز خدمة روح الصبح بدرى<o:p></o:p>
<!--[if !supportLists]-->6)<!--[endif]-->لو فى لاقدر الله حادث صور كل حتة فى العربية بنفسك صور عادية وفديو بالموبايل<o:p></o:p>
<!--[if !supportLists]-->7)<!--[endif]-->تابع كمان الاصلاحات بنفسك فى التوكيل و صور كل خطوة بيقوموا بيها<o:p></o:p>
<!--[if !supportLists]-->8)<!--[endif]-->خد بالك لما تجيب انت قطع الغيار وخاصة لو كانت استيراد اوفر ليك لان لما هما بيجبوها بيدخلوها المخازن و يخرجوها تانى بعد اضافة مبلغ 25% من تمنها الاصلى هذا بالاضافة لقيمة ضريبة المبيعات يعنى تيجى تبص تلاقى تمن قطعة غيار مستعملة قريبة جدا من تمن الاصلية لو انت اشترتها بنفسك<o:p></o:p>
<!--[if !supportLists]-->9)<!--[endif]-->الصنايعية فى مركز الخدمة هما نفسهم نفس الصنيعية اللى برة بل بالعكس ممكن تلاقى برة انضف و اذكى من مراكز الخدمة<o:p></o:p>
<!--[if !supportLists]-->10)<!--[endif]-->اثناء الاصلاح بيتفتح شغل جديد يعنى تلاقى المهندس قالك لازم نغير القطعة الفلانية ودى مشفنهاش فى المقايسة الاولى اللى اعتمدها خبير التامين خد بالك مهم جدا انك تبلغ التامين بكل المستجدات وبكل حاجة المركز ناوى يركبها قبل تركيبها و الا سعادتك سوف تتحملها بالكامل والتامين سيتنصل منها <o:p></o:p>
<!--[if !supportLists]-->11)<!--[endif]-->لو العربية هتبقى مدة طويلة فى المركز بدون تشغيل لازم سعادتك اما تاخد البطارية و تخليها عند اى حد بتاع بطاريات يحطها على الشاحن او تبلغ مركز الخدمة بشحن البطارية كل فترة لانهم مش هيعملوا كدة من نفسهم(على فكرة اشتريت بطارية جافة جديدة بعد ماباظت البطارية الجديد السائلة فى مركز الخدمة كان بقالها شهريين بس)<o:p></o:p>
<!--[if !supportLists]-->12)<!--[endif]-->ترك العربية اللى لاقدر الله كانت محروقة و فيها اثار اطفاء الحريق مثل الماء و الرمل لمدة طويلة بيخلى الاجزاء اللى كانت بتلمع وخاصة قواعد الكراسى فى صالون العربية تصدى وبيبقى شكلها غبى جدا انصح بان تلاغى اى عامل صغير فى مركز الخدمة و تخلية ينشف العربية كويس وينضفها مدام هتقعد مدة طويلة<o:p></o:p>
<!--[if !supportLists]-->13)<!--[endif]-->اى حاجة يعملوها فى مركز الخدمة لازم تشوف القطعة اللى اتشالت بتاعتك لان دى الاصلية و احتمال التامين يطالب بيها و علشان تبقى متاكد ان القطعة اتغيرت فعلا مش كلام وبس <o:p></o:p>
<!--[if !supportLists]-->14)<!--[endif]-->لما تيجى تستلم العربية ptmnlo123per179خلى مهندس المركز يطلع معاك ويجربها معاك و اى حاجة مش راضى عنها ناقشهم فيها واتفق معاهم اى حاجة ممكن تظهر فى خلال مدة تتفقون عليها هترجع ليهم يصلحوها او يغيروها على حسابهم <o:p></o:p>
<!--[if !supportLists]-->15)<!--[endif]-->خد بالك القطع الاستيراد ليها عمر افتراضى وطبعا محدش هيبقى عارف القطعة دى عدت العمر دة ولا لسة فى اولة ان ونصيب بقى<o:p></o:p>
<!--[if !supportLists]-->16)<!--[endif]-->مش عارف انا تعبت المهم لو افتكرت حاجات تانية هبقى اقولهالكم مع قصة التامين ودى حكاية تانية

ودى بعض صور العربية وهى فى مركز الخدمة بعد الفك
يارب محدش يشوف اللى انا شفتة و يبارك ليكم ويكفيكم شر البشر المرة الجاية هقلكم قصتى مع التامين و هقولكم اسعار قطع غيار لانسر فى التوكيل
الى اللقاء
<o:p> </o:p>

عاوز أكملكم القصة بتاعة العربية الانسر المحروقة عملت فيها اية طبعا أنا قلتلكم ودتها التوكيل و اللى حصل هناك فى التوكيلptmnlo123per184. النهارده هقلكم آيه اللى حصل مع التآمين :-<o:p></o:p>
أنا كنت مأمن على العربية بكامل المبلغ ذى ما قلتلكم يعنى 104000 جنية وبعدين قل بعد كدة ليصبح 95000 جنية ولما الخبير بتاع التآمين جه قال أن سعر العربية دلوقتى يساوى 85000جنية يعنى القيمة السوقية للعربية بحالتها اللى هية عليها بعد الحريق.ptmnlo123per144<o: p></o:p>
المهم عاين العربية و شاف المقايسة اللى مهندس التوكيل عملها واعتمد مبلغ 25000 جنية أحتياطى للأصلاح وكتب تطبق بنود الوثيقة كاملة بشرط أحضار محضر الشرطة و تقرير المعمل الجنائى.ptmnlo123per135<o :p></o:p>
وأستمر الاصلاح 6 شهورptmnlo123per138 وأخير دفعت مبلغ 30000 جنية قيمة الاصلاح و استلمت العربية بعد تجربتها أكثر من مرة مع مهندس التوكيلptmnlo123per117 وبصراحة شغل ذى الفل العربية رجعت فبريقة <o:p></o:p>
المهم أخذت الفاتورة اللى دفعتها علشان اسلمها لشركة التأمين علشان بقى يدفعولى اللى دفعتةptmnlo123per162<o:p> </o:p>
وكل أسبوع أعمل أتصال علشان استعجلهم ولكن لاحياة لمن تنادى<o:p></o:p>
يانهار اسود...ptmnlo123per126... آية اللى بيحصل...... مرة يقولولى المبلغ أكبر من المبلغ اللى أعتمدة الخبير و مرة يقولوا كان لازم تبلغنا بالمستجدات أول بأول فى الحاجات اللى بتتركب فى التوكيل ومرة يقولوا فين تقرير المعمل الجنائى<o:p></o:p>
وفى الآخر قالوا لى أن الوثيقة مكنش ينفع أصلا أنها تطلع ptmnlo123per196...........!!! لية ياباشا ؟<o:p></o:p>
أصل المهندس اللى جالك فى الآول خالص ساعة مكنت بأمن على العربية مش معروف هو مين .....!!!!<o:p></o:p>
أزاى ياجماعة مش أنتوا اللى بعتوة لية ؟<o:p></o:p>
أيوة بس أصلو مش ماضى على الوثيقة !!!!!!!<o:p></o:p>
طب أنا ذنبى آية ؟ptmnlo123per151<o:p></o:p>
المهم أنا بعرض الكلام اللى حصل دة معايا علشان الكل يستفيد ويبقى مفتح عنية قوى فى التعامل مع شركات التآمين من أول مايبدأ عمل الوثيقةptmnlo123per160<o: p></o:p>
ومكدبتش خبر رحت على واحد من الناس المهمين فى البلد وعلطول كلم ................ وصرفت الشيك <o:p></o:p>
بس كام ؟؟؟؟؟؟؟؟؟<o:p></o:p>
21000 جنية أكلوا 9000 جنية آل آية خصومات <o:p></o:p>
أخدت الفلوس و يافكيك ptmnlo123per179<o:p></o:p>
خلوا بالكم و اصحوا للعالم دى بياكلوا مال النبى و أنا بشكر كل من وسانى فى مصيبتىptmnlo123per1114<o: p></o:p>
و ربنا مايجعل حد يجرب اللى جربتة بس خلوا بالكم<o:p></o:p>
و بكدة انتهت قصة العربية الانسر المحروقة<o:p></o:p>
مع تحيات zoro3027
<o:p> </o:p>

شركات التامين والنصب العظيم علي راي الدكتور عبد السلام فعلا شغل نصب علني بس يا ريت تقولنا بس انتا كنت مامن فين لو سمحت وبعدين المفروض مش انتا اللي تتابع العربية وتبلغهم بالتفاصيل في التوكيل هما اللي بيتابعوا وبيعرفوا الحوار بيتكلف قد ايه وبيتصلو بيك ويتابعو معاك شركة ايه المنيلة بنيلة اللي انتا اتعاملت معاها ديه ده انا علي 3 فرد كاوتش قلعتلهم ملط وخليتهم يدخلوه في التامين وغيرتهم بس دفعت 210 ج من اصل 1100 جنيه تكلفة كاملة علشان ديه نسبة استهلاك للكاوتش زي ما بيقولو
<!-- / message --> <!-- sig --> __________________
كنت مأمن فى شركة مصر للتأمين وعايز أقول لحضرتك أن شركة مصر للتأمين بتحمل العميل 50% من تمن الكاوتش أنا ركبت بردج ستون يابانى و تمنة كان 535 جنية فى عند الموزع و ده فى المنيل وأنا اللى كنت سائل علية بالتليفون وقلت لهم فى التوكيل لأنهم كانوا عايزين يركبو اندونيسى ولما جابوة حسبوه عليا ب 710 جنية طبعا اتحملت النص يعنى أكتر من 350 جنيةلفردة الكاوتش و أنت كويس اللى دفعتة لآن حضرتك كان ممكن تدفع أكتر من 500 جنية

وفين صور العربيه قبل الحريق وبعده

الصور موجودة بس مش بقدر ارفع أكتر من 5 ملفات فى المرة الواحدة وكمان هرفع لكم صور المقايسة بتاعة التوكيل وفيها الاسعار بس أعذرونى لان الصورة مش واضحة قوى
ودى الصور فى المرفقات
العربية فى التوكيل بعد الفك


مقايسة التوكيل للعربية الانسر المحروقة وتعديل خبير التآمين عليها
الصور المرفقة
نوع الملف: jpg 20090924201.jpg‏ (79.1 كيلوبايت, المشاهدات 21)
نوع الملف: jpg 20090924182.jpg‏ (38.5 كيلوبايت, المشاهدات 31)
نوع الملف: jpg 20090924183.jpg‏ (77.4 كيلوبايت, المشاهدات 17)
نوع الملف: jpg 20090924193.jpg‏ (43.6 كيلوبايت, المشاهدات 11)
نوع الملف: jpg 20090924200.jpg‏ (72.4 كيلوبايت, المشاهدات 6)
نوع الملف: jpg أسعار قطع غيار لانسر 2007 فى التوكيل.jpg‏ (27.5 كيلوبايت, المشاهدات 24)
نوع الملف: jpg الضفيرة الخلفية الشمال.jpg‏ (52.5 كيلوبايت, المشاهدات 13)
نوع الملف: jpg مكان الأستبن.jpg‏ (25.6 كيلوبايت, المشاهدات 17)
نوع الملف: jpg الكنبة محروقة.jpg‏ (29.5 كيلوبايت, المشاهدات 11)
نوع الملف: jpg المقايسة بعد مناقشتها من خبير التأمين.jpg‏ (22.3 كيلوبايت, المشاهدات 132)
الملفات المرفقة
نوع الملف: zip قبل الفك (4).zip‏ (360.6 كيلوبايت, المشاهدات 184)
نوع الملف: zip قبل الفك (7).zip‏ (468.2 كيلوبايت, المشاهدات 161)
نوع الملف: zip 20090924181.zip‏ (633.8 كيلوبايت, المشاهدات 169)
نوع الملف: zip 20090924182.zip‏ (563.0 كيلوبايت, المشاهدات 108)
نوع الملف: zip 20090924183.zip‏ (655.9 كيلوبايت, المشاهدات 118)
نوع الملف: zip 20090924193.zip‏ (586.3 كيلوبايت, المشاهدات 110)
نوع الملف: zip 20090924194.zip‏ (500.5 كيلوبايت, المشاهدات 110)
__________________


التعديل الأخير تم بواسطة AbOnOrA ; 05-03-2010 الساعة 09:10 PM سبب آخر: تم دمج الموضوعات والمشاركات ذات الصلة فى موضوع واحد
رد مع اقتباس
  #2  
قديم 27-02-2010, 01:08 PM
kasten kasten غير متواجد حالياً
من انا؟: Mamado ElGolfawy
التخصص العملى: Designer
هواياتي: Cars
 
تاريخ التسجيل: May 2009
الموقع: El Haram
المشاركات: 132
kasten is a jewel in the roughkasten is a jewel in the roughkasten is a jewel in the rough
افتراضي رد: حريق السيارة لانسر 2007

لا حول ولا قوة الا بالله
قلبى معاك .. وحسبى الله ونعم الوكيل فى اللى عمل كده
ربنا يعوضك ان شاء الله
رد مع اقتباس
  #3  
قديم 27-02-2010, 01:25 PM
Rekaa Rekaa غير متواجد حالياً
 
تاريخ التسجيل: Sep 2009
المشاركات: 123
Rekaa is a splendid one to beholdRekaa is a splendid one to beholdRekaa is a splendid one to beholdRekaa is a splendid one to beholdRekaa is a splendid one to beholdRekaa is a splendid one to behold
افتراضي رد: حريق السيارة لانسر 2007

ربنا يعوضك خير ياغالي
رد مع اقتباس
  #4  
قديم 27-02-2010, 06:09 PM
mesho70 mesho70 غير متواجد حالياً
من انا؟: ابو احمد وشهد
التخصص العملى: مهندس مساحة
 
تاريخ التسجيل: Sep 2009
الموقع: مصر
المشاركات: 1,497
mesho70 has a reputation beyond reputemesho70 has a reputation beyond reputemesho70 has a reputation beyond reputemesho70 has a reputation beyond reputemesho70 has a reputation beyond reputemesho70 has a reputation beyond reputemesho70 has a reputation beyond reputemesho70 has a reputation beyond reputemesho70 has a reputation beyond reputemesho70 has a reputation beyond reputemesho70 has a reputation beyond repute
افتراضي رد: حريق السيارة لانسر 2007

الحمد لله على كل حال

ربنا يعوض عليك خير ان شاء الله
رد مع اقتباس
  #5  
قديم 27-02-2010, 06:20 PM
@واحد من الناس@ @واحد من الناس@ غير متواجد حالياً
 
تاريخ التسجيل: Nov 2009
المشاركات: 673
@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute@واحد من الناس@ has a reputation beyond repute
افتراضي رد: حريق السيارة لانسر 2007

لا حول ولا قوة الا بالله
__________________






مـثل صيـنـي يقول :

" إذا مــات الـسـيـد فـأقـتــل حـتـى كـلبــه
لأنــه لــن يــكـون وفيـا لـغير سـيـده الأول "


تحياتي

@ واحد من الناس @

رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 03:31 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017