تجربتي المتواضعة مع الدايو لانوس S

[mokhtar872000]

المشاركة الأصلية كتبت بواسطة بيرو يا جماعة انا عايز اشترى ومحتار جداااااااا بين الفيات سيينا ... وبين الدايو الانوس ... وبين الفيرنا حد ياجماعة يدينا راى قاطع وشكرا

نصيحه بلاش السيينيا مش منتشره خالص غير الكلام اللى بيتقال انها تقفيل صينى الله اعلم ان كان كويس او لا وبعدين اللانوس متجربه بقالها 11 سنه وزى الفل واعتماديه وقطع غيار متوفره ورخيصه وسعر اعاده بيع ممتاز


الف مبروك لصاحب الموضوع على العربيه وربنا يباركلك فيها

[ابو النواجي]

ربنه يبركلك فيها يا وائل ويكفيك شرها وعلي مهلك في الدائري علي فكره عربيتي دايو لانوس s سماوي موديل 2008 عدت حوالي 22000 ك سفرت بيها كتير وجريت بيها تقريبا استهلاك البنزين زيك بالضبط عربيه كويسه
لغاية دلوقتي بس حافظ علي الصيانه اول باول وتغيير الزيت في الميعاد والفلاتر ونضافة الموتور بالهواء باستمرار

[عبدالمجيد احمد]

ربنا يباركلك فيها بس من تجربتي المتواضعه معاها خد بالك من فراملها ماتبقاش زي اول ماجبتها ومش فعاله اوي يمكن عشان abs مش فيها تاني حاجه لو استخدامك شديد عليها خد بالك من الرشاشات بس موتورها كويس وعفشتها بتعيش لو من غير سباقات وطرق مش ولا بد يعني من الاخر احترمها دي مش للشد

[mokhtar872000]

المشاركة الأصلية كتبت بواسطة عبدالمجيد احمد ربنا يباركلك فيها بس من تجربتي المتواضعه معاها خد بالك من فراملها ماتبقاش زي اول ماجبتها ومش فعاله اوي يمكن عشان abs مش فيها تاني حاجه لو استخدامك شديد عليها خد بالك من الرشاشات بس موتورها كويس وعفشتها بتعيش لو من غير سباقات وطرق مش ولا بد يعني من الاخر احترمها دي مش للشد

عندك حق ياباشا اللانوس عربيه محترمه جدا بس للاستخدام الهادىء والمتزن يعنى سياره اسره وسفر وتشيلك وزى الفل انما الشد والكلام ده اللى عايزه يروح يجيبله لامبورجنى ولا فيرارى

[أشرف محمود فراج]

[واخبار قطع الغيار اية والصيانة