سوزوكى ماروتى سيارة الشعوب

[marmar9680]

انا عايزة اجيب عربية بس تكون بحالة كويسة جدا فى حدود 27 الف انا فكرت فى الماروتى علشان هيكون مودلها 2008 او 2009 بس انا سمعت عن اراء مؤيدة واخرى معارضة وانا بشتغل فى مدينة نصر وساكنة فى الزيتون واحيانا بيركب معايا 4 افراد باوزان متوسطة فهل الماروتى هتكون مناسبة ليا بس ايه نظام الفتيس انا سمعت انه تقيل وبيعض مع النقلات والعفشة بتعتها علشان انا عند الشغل فى جزء مكسر شوية والاتزان على الطريق يعنى ممكن تتقلب بيا انا واولادى
والا اجيب مستعمل زى(برايت العصفورة , شاريد, 128 ,اونو ) ولو عندك انواع اخرى قولى عليهابس الانواع ده كلها هتكون مشيت على الاقل 10 سنين يعنى هيكون فيها شغل وانا عايزة حاجها ماروحش بيها للميكانيكى كل شوية
انا معايا 127 موديل 83 بس حالتها مش كد كده فلو فكرت اظبط فيها كل حاجة تكلف كام تقريبا؟؟؟؟ ولو بعتهاعلى حالتها تجيب كام تقريبا؟؟؟؟؟
وانه افضل اودب الى معايا والا اشترى على اساس الى نعرفة احسن من الى مانعرفوش
ارجو الرد سريعا واسفة للاطالة

[marmar9680]

وانا دلوقتى بحط بنزين 80 لل 127 فهل ده هينفع مع الماروتى والا كام والزيت نوعه ايه وبيتغير كل اد ايه؟؟؟

[ابراهيم داود]

المشاركة الأصلية كتبت بواسطة mostafafery السلام عليكم اولا ثانيا يا ريت يا جماعه حد يكون عندوا العربيه دي(سوزوكي ماروتي )ويقولي مميزاتها وعيوبها عشان هيا عاجباني قوي وان شاء الله هاجبها خلال شهرين بإذن الرحمن ومشكور لكل اللي موجوديني وانااول مره اشارك معاكم هنا وده شرف ليا اخوكم _مصطفي سكر

استاز / مصطفى الماروتى مش وحشه وعلى قدر فلوسها وهى بتنذل بدون اى كمليات ولا حتى تسجيل قطع غيارها متوفره فى السوق بس توكيل مش اوى يعنى انصحك لو جبتها متعتمدش على اصلاح توكيل

[ابراهيم داود]

المشاركة الأصلية كتبت بواسطة marmar9680 وانا دلوقتى بحط بنزين 80 لل 127 فهل ده هينفع مع الماروتى والا كام والزيت نوعه ايه وبيتغير كل اد ايه؟؟؟

استازه / مارمار حضرتك هى مع البنزين ال80 افضل من ال90 ومن ناحيه الزيت 2.5 كيلو وتغيره عند 2000 كم والكل بيفضل زيت اسو

[ابراهيم داود]

المشاركة الأصلية كتبت بواسطة marmar9680 انا عايزة اجيب عربية بس تكون بحالة كويسة جدا فى حدود 27 الف انا فكرت فى الماروتى علشان هيكون مودلها 2008 او 2009 بس انا سمعت عن اراء مؤيدة واخرى معارضة وانا بشتغل فى مدينة نصر وساكنة فى الزيتون واحيانا بيركب معايا 4 افراد باوزان متوسطة فهل الماروتى هتكون مناسبة ليا حضرتك ياستازه الماروتى سعرها جديد من 35 الى 38 مش متاكد من السعر الحالى كام وبتنزل فاضيه وبدون تسجيل بس ايه نظام الفتيس انا سمعت انه تقيل وبيعض مع النقلات والعفشة بتعتها علشان انا عند الشغل فى جزء مكسر شوية والاتزان على الطريق يعنى ممكن تتقلب بيا انا واولادى اكيد حضرتك الفتيس افضل بكتير من ال 27 ومن ناحيه متزنه على الطريق متزنه بس مع زياده الحرص شويه فى الملفات والاماكن الى الطريق مش ممهمد فيها وبذات الطريق السريع وبذات فى الاماكن الى الطريق فيه علامات منخفضه من النقل الثقيل والا اجيب مستعمل زى(برايت العصفورة , شاريد, 128 ,اونو ) ولو عندك انواع اخرى قولى عليهابس الانواع ده كلها هتكون مشيت على الاقل 10 سنين يعنى هيكون فيها شغل وانا عايزة حاجها ماروحش بيها للميكانيكى كل شوية انا معايا 127 موديل 83 بس حالتها مش كد كده فلو فكرت اظبط فيها كل حاجة تكلف كام تقريبا؟؟؟؟ ولو بعتهاعلى حالتها تجيب كام تقريبا؟؟؟؟؟ وانه افضل اودب الى معايا والا اشترى على اساس الى نعرفة احسن من الى مانعرفوش ارجو الرد سريعا واسفة للاطالة ممكن حد من الاخوه الى فى الموقع يفيدك فى السؤال ده لان خبرتى فيه قليله

وانا عندى ماروتى 2008 ببيعها لظروف بس انا شريها قسط بنكى