مشكلة عداد الحرارة فيات برافا 2001

[mr_hamed_s]

السلام عليكم
ياجماعة انا عندى مشكلة غربية جدا بعداد حرارة السيارة اوقات يعلى جدا للاحمر مع ان السيارى مش بتبقى سخنة ولما ابطل العربية وادورها تانى ينزل للمعدل الطبيعى اللى هوه النص
وبرده لو قلبت نور او طفيت النور وشغلتة يتظبط
حد عندة فكره ممكن تكون المشكلة ديه من ايه ؟؟

[فادى]

طب تأكد اولا ان السيارة لا تسخن, بص على المياه فى القربة و هل هناك غليان ام لا,
قد تسخن السيارة و لكن لا يحدث لها شىء و ده معتاد خاصة فى محركات فيات التى تتحمل الحرارة بشكل اكبر من السيارات الاخرى.
لو المياه فى القربة مش بتغلى اذن المشكلة غالبا فى سلك الارضى.

[mr_hamed_s]

المشاركة الأصلية كتبت بواسطة فادى طب تأكد اولا ان السيارة لا تسخن, بص على المياه فى القربة و هل هناك غليان ام لا, قد تسخن السيارة و لكن لا يحدث لها شىء و ده معتاد خاصة فى محركات فيات التى تتحمل الحرارة بشكل اكبر من السيارات الاخرى. لو المياه فى القربة مش بتغلى اذن المشكلة غالبا فى سلك الارضى.

هيه المياة مش بتغلى فالقربة واوقات اساس مروحه الريدياتير مش بتكون شغاله معناه ان الحرارة لسه قليلة جدا يعنى مش مشكلة فالتبريد خالص
لو مشكلة فالسلك الارضى ممكن احلها ازاى ؟؟
لان غالبا ده هيكون العيب
شكرا على ردك

[hazem_khidr]

هو غالبا المشكله متعلقه بالكهرباء زي الباشمهندس فادي ما قال
روح لكهربائي احكي له و هو حيمشي ورا السلك الملمس لحد ما يعرف جاي منين

[mr_hamed_s]

المشاركة الأصلية كتبت بواسطة hazem_khidr هو غالبا المشكله متعلقه بالكهرباء زي الباشمهندس فادي ما قال روح لكهربائي احكي له و هو حيمشي ورا السلك الملمس لحد ما يعرف جاي منين

شكراا لردك ا/ حاتم