انا عندى سيارة بلونيز موديل 84 كان عندى مشكلة فى الفتيس انه مش بيجيب السرعة الخامسة وكان الموضوع ده مضايقنى لحد مارحت عند ميكانيكى كان بيعمل فيها شغل وقالى الفلانشة عايزة تتغير هى والصلايب لان فيهم بوش وبعد تغييرهم الخامس بقى ييجى بس اما اجى ارجعه لوضع المور بصعوبة وثقل اوى ولما رحت لميكانيكى تانى علشان العربية بتجيب زيت فتيس قالى ده اويل سال ولازم الفتيس يتفك بس انت ممكن تحتاج طقم دبرياج كامل لان السلك مترجلش على الاخر ( دليل ان طقم الديسك والاسطوانة باظوا قلت ماشى وفك الفتيس ولقى الديسك والاسطوانة سلام وغير الاويل سال والفرش والبلية اللى بتركب فى الفرش وركب بلية عالية على كلامه وفتح الفتيس وفك المدفع بتاعه وفك التروس وركب وردة عملها من جوان باين بتاع فرن الشكمان قالى علشان يحكم الفتيس لان فيه بوش صغير وغير سوست الغيارات الثلاثة لانه كان بيقول ان فيه سوستة ناشفة اوى بتاعة الغيار الخامس والمرشدير وبعد التركيب الفتيس العربية جربتها ومشيت زى الفل على الخمس غيارات وبعد 15 دقيقة العربية مبقتش تجيب الخامس خالص رجعتلوا تانى حاول كذا مرة مع السوستة وبعدين قالى انه مش منه والفتيس كان كده من الاول ورفض يفكوا تانى ويشيل الوردة اللى انا شاكك انها ممكن تكون سبب المشكلة وحاليا انا ماشى على الاربع سرعات فقط لانهى زهقت من فتى الصنايعية فى اللى مش يعرفوه ودى كانت تجربتى مع ميكانيكى ثقته بنفسه وغروره انه يقدر يصلح اى حاجة وفى الاخر لاطلت الخامس اللى بيعلق ولاطلت اى حاجة وتوتة توتة خلصت الحدوتة