الالنترا 2012 بعد 300 كم

[eslam abd el raouf Ahmed]

دة عادى جدا خلى الهواء من جوة لجوة و خلى بكرة التكيف على البارد مش على السخن و ان شاء الله خير و الف مبروك

[mazagngi2010]

المشاركة الأصلية كتبت بواسطة sound وادينى كتبت بالعامى - لانى مش مدرس عربى ياعم مزجانجى

[sound]

فعلا - لمبة مفتاح اتجاه الهواء كانت مطفيه بس الزرار كله بينور مع الطابلوه - واتمنع الهواء فعلا شكرا لكل من شارك

بس حكاية المفاتيح فيها برضك كلام - يعنى مثلا فيه مفتاحين فى الباب مش بينورو واقعد ادور عليهم فى الضلمه - مفتاح غلق الابواب ومفتاح غلق التحكم فى الازاز

وحكاية السنتر ديه عجيبه برضك يعنى العربيات الصينى اللى اسمها صينى فيها السنتر بيقفل لوحده لما العربيه تمشى والهيونداى مفهاش - والا فيها وانا معرفش طب كان قفل لوحده والا فيه حاجه لازم تتعمل مش عارف والا موجود فى الفئات الاعلى اصل جبت اول فئه
كمان فيه هويتين بجانب الكونسول منخفضين دول شاغلين على طول هل ليهم مفتاح يقفلهم والا لأ انا مش لقيه - الهواء البارد عمال يضرب فى رجلى عمال على بطال ارفعها لفوق يضرب فى وشى مش عارف اقفلهم منين حاجه يعنى .....يعنى

وكمان السهم اللى بيظهر بيوضح رقم النقله مش فاهمه هو بيوضح ايه - يعنى مثلا العربيه بتبقى على الرابع ( العربيه مانيوال ) والسهم يظهر لفوق ويكتب 6 يعنى اروح على الساد س على طول ولا العربيه ممكن توصل بعد السرعه ديه للسادس ولا الافضل ان انت تبقى على السادس طب ماهو فيه rpm عاوز يقول ايه مش عارف

والشنطه لازم ارزعها علشان تتقفل يعنى

انا الظاهر محتاج اذاكر الكتالوج

[mustafa811]

انا معايا النترا 2012 و لاحظت نفس القصة بتاعتك من زمان .. و هي ان بعد فترة من التشغيل بتحس بهبو فوق التابلو و جاي من فتحات التكييف .. لما بتخلي التكييف مغلق الدائرة بتقل اوي بس بتبقى موجودة برده على خفيف و اعتقد ان ده عيب من عيوب التصميم بس بسيط جدا و ميستاهلش ان الواحد يشغل نفسه بيه .. من الحاجات المستفذة بردة تقفيل العربيات الهيونداي بمعنى انك لو سندت ايديك على مسند الباب و مع الضغط على المسند و المطبات فيه تزييقة خفيفة من البلاستيك و غير كده كمان مع ال bass العالي بتطلع زنة من الابواب و ظبطهولي مره في باب بس لسه موجودة على خفيف

[sound]

رحت فرشت العربيه - مش عارف ليه حاسيت ان الفرش الاصلى فقير جدا بعد ما شلت من عليه المشمع وشفته كامل على بعضه - متهيألى كنت سبته يتبهدل احسن - مش عارف احنا ليه كل العربيات الى بتنزل عندنا بيستخدموا فيها اقل خامات بالرغم ان الجو بخلاف استخدامنا الشاق محتاج خامات للخدمه الشاقه
كمان الصاج مع الزحمه وكثرة الناس اللى بتقعد على العربيات محتاج صاج من نوعيه خاصه

الا انك تلاقى كل العربيات اللى بتنزل عندنا اقل خامات وبالرغم من كده اغلى من العربيات الخليجى وبص بقى على خامات الخليجى بخلاف باقى المواصفات - ولو اشتريت الخليجى تلوص فى صيانتها - فى حاجه غلط عندنا - زى ما يكون بننتقم من بعض